ઈન્ટરનેટ વેપાર માટે પણ જરૂરી એવી ‘શિષ્યદક્ષિણા’

Diary-Pen

જો તમારું દરેક કામ, વર્તણુંક, સામેની વ્યક્તિને અભિભૂત કરે, પ્રેરણા આપે, નવું સ્વપ્ન જોવાની તાકાત બક્ષે, નવું કરી બતાવવાનો વિચાર આપે યા શીખવે તો દોસ્ત!…સમજો કે તમે લીડર છો જ.” –પીટર ડ્રકર

પટેલ સાહેબ આમ તો મારા માર્કેટિંગના પ્રોફેસર પણ ખરા અર્થમાં મારા બોસ હતાં. અમે એમની કોઈ નોકરી કરતા ન હતાં. પણ એમનો સમજાવવાનો, કામ કરવાનો (અને કરાવવાનો) એક અનોખો અંદાઝ હતો. બોસને છાજે એવો એમનો પ્રભાવ(કરિશ્મા) અમને વારંવાર મોટિવેશન આપતું. નવું સ્વપ્ન જોવાનું, નવું વિચારવાનું, પ્રોજેક્ટને ‘બીજા કરતા ‘હટકે’ કરી બતાવવાની તાકાત બક્ષતું. ખુશી સાથે કહીશ કે એમના બોસિંગ પીરિયડમાં અમને ડેશીંગ આઈડીયાઝ મળતા. ‘હોમ-વર્ક શબ્દ એમની ડિક્શનરીમાં ન હતો. કેમ કે એ કામ એમને માટે અમારી ઊપર કાંટા ફેંકવા જેવું લાગતું, અત્યાચાર લાગતો. એને બદલે છેલ્લી ૧૦-૧૫ મીનીટ ‘પ્રશ્નોની પૂંછડી’ જેવો ક્વિઝ પ્રોગ્રામ રાખી અમારા દિમાગને એ સ્કીવીઝ કરી જતા. બાકીના ૨૪ કલાક દરમ્યાન (જેમને રસ હોય) એવા સ્ટુડન્ટસ એ પૂંછડી પકડી રાખતા. કેમ કે પકડેલી એ પૂંછડીને બીજા પીરિયડમાં હલાવવાનો મોકો મળતો.

ખૈર, વાત કરવી છે કૉલેજના એ છેલ્લા ૩-૪ દિવસોની. જ્યારે મને એમણે સૂચવેલાં કેટલાંક ધારદાર આઈડીયાઝને વધુ એક વાર અમલ કરવાનો મોકો મળ્યો. એક કોરી ડાયરી લઈને હું એમની પાસે પહોંચી ગયો. ડાયરી એમના હાથમાં મુકતી વખતે ફક્ત એટલું જ કહ્યું: “સર! પાછલાં વર્ષોમાં તમે અમને ઘણું શીખવ્યું છે. ઘણું આપ્યું છે. એ બરોબર. એને અમે અમારી ‘હાર્ટ-ડિસ્ક’ માં સેવ પણ કરી ચુક્યા છે. પણ મારા જેવા માટે તો મન હજુ પણ પ્યાસુ છે. તો આ ડાયરીમાં કાંઈક એવું લખી આપો કે વખતો વખત એને વાંચીને અમે તમને કાયમ યાદ રાખીએ

ઓકે મેન… કાલે બપોરે સ્ટાફરૂમમાંથી કલેક્ટ કરી લેજો” એમનું એ ટ્રેડિશનલ સ્માઈલ આપી, બગલમાં ડાયરી દબાવી ચાલ્યા ગયા. બીજે દિવસે બપોરે એ ડાયરીના ૪ પાનાંઓ એમના એ અમૂલ્ય ડેટાથી ભરાઈ ચૂકી હતી અને ડાયરી મારી બગલમાં. મને પહેલી વાર એક ગુરુ તરફથી ‘શિષ્યદક્ષિણા’ મળી હોય એવું લાગ્યું. વીતેલાં વર્ષો પછી જ્યારે-જ્યારે પણ એ ડાયરી ખોલું છું ત્યારે હજુ પણ કાંઈક નવું કરવાનો ડોઝ મળતો રહે છે. તો દોસ્તો! આજે એ સેવ થયેલા શબ્દો ની કેટલીક ટીપ્સ ઇન્ટરનેટ વેપારમાં કેટલી સુચક છે. જુવો તો ખરા!…..

  • મજબૂરી હોય અથવા કેરિયર-ડેવેલોપમેંટ માટે અનુભવ લેવો હોય તો જ જોબ કરજે નહિ તો ધંધો કરવો સારો.
  • “આ મારુ કામ નહિ. મારી જોબમાં એવું કઈ લખ્યું નથી.” તારા બોસની આગળ એમ બોલી જોબને બોજમાં ફેરવી ના નાખતો.
  • ભલે શરૂઆતમાં નોકરી સામાન્ય લાગે (અથવા) મૅનેજર તરીકે પોસ્ટ મળી હોય તો પણ એ વિભાગમાં કામ એક લીડર જેવું કરજે.
  • એમ માની ને ચાલજે કે કંપનીમાં કે વેપારમાં તારું મુખ્ય કામ લોકોને સાથે લઇ ચાલવાનું છે.
  • તારા કરેલા કામોનું અચીવમેન્ટ જાણવા બીજા લોકોનો અભિપ્રાય વખતો વખત લેતો રહેજે. પણ અંતે તારું દિલ જે કાંઈ કહે એમ કરજે.
  • તારા પોતાના કે કોઈના આઈડીયાને બરોબર સપોર્ટ કરજે. એની પર હસવું આવે તો વાંધો નથી પણ એ વાતને હસવામાં કાઢી ન  નાખતો. ધ્યાન રાખજે કે પાછળથી પછી રડવાનો વારો ન આવે.
  • સૌથી અસરકારક લાગે એવો વિચાર (કૉન્સેપ્ટ-આઇડિયા) કોઈ મોટી ગ્રૂપ મીટિંગમાં એમ ને એમ ઠાલવી ન દેતો. પહેલા કોઈ નાનકડી (અંગત) મીટિંગમાં એની અજમાયેશ કરી લેજે.
  • તને અનુભવોના ભાથા બાંધ્યા પછી કોઈક એવા મોકે પર એમ લાગવા માંડે કે તું એક ભરોસા-પાત્ર વ્યક્તિ તરીકે ઓળખાઈ રહ્યો છે ત્યારે એક સમજુ લીડર તરીકે સમજદારીપૂર્વક વિરોધ નોંધાવવાની તૈયારી રાખજે.
  • કોઈના ઈ-મેઇલનો ‘સુપરફાસ્ટ’ અને ફોનનો સુપર સ્લો રિપ્લાય ન આપતો.
  • સખત મહેનત પણ સ્માર્ટ રીતે કરજે. આ સ્માર્ટનેસ તો તને જ કેળવવી પડશે દોસ્ત!
  • વેપારમાં કે જોબમાં કોઈ અડચણ યા ડર પેદા કરાવી રહ્યું હોય તો બીજાને એની લગીરે ખબર પડવા ના દેજે. સમજીને ડર ને દૂર કરજે.
  • કમાણી અને વાણીને વેચાણ કરતા વધુ વહેચતો રહેજે.
  • ઘેંટાંનાં ટોળા જેવી વૃતિ અને ગધેડા જેવી મજૂરી કરવાનું ટાળજે. યાદ છે ને આપણો પેલો શબ્દ: ‘હટકે’.
  • દરરોજ કોઈકને એમના કામના નેટવર્કમાં કોમ્પ્લીમેન્ટસ આપજે.

તે આજે મને આ ડાયરીમાં ટીપ્સ શેર કરવાની-લખવાની તક આપીને બીજા સ્ટુડન્ટસ કરતા ‘હટકે’ કામ કર્યું છે એની મને ખુશી છે. તારો આભાર.

ચાલ…કોન્ટેક્ટમાં રહેજે.


‘સર’પંચ:

એક ઘણો બીઝી વેપારી એક ઝેન સાધુ પાસે ઇન્સોમ્નીયા (ઉજાગરાની બીમારી)નો ઈલાજ કરાવવા આવ્યો. આ સાધુ આ બીમારીના ઈલાજ માટે મશહૂર હતા. વેપારીએ પોતાને મહિનાઓથી ઊંઘ ના મળવાની તકલીફ રજુ કરી. સાધુએ કાગળમાં ઊંઘ બરોબર આવી જાય એ માટે કેટલીક ‘ટીપ્સ’ લખી આપી વેપારીને વિદાય કર્યો. અઠવાડિયા પછી ઝેન સાધુને આ વેપારી પાસેથી એક ચિટ્ઠી-પત્ર મળ્યો. “સાહેબ, તમે આપેલો ઊંઘ આવવાનો ઈલાજ ઘણો કારગર નીવડ્યો છે. એક વીકથી હું આરામથી સુઈ રહ્યો છું. તમારો ઘણો ઘણો આભાર.” પત્ર વાંચી ઝેન સાધુએ રિપ્લાય આપ્યો.” ચાલો સારું થયું. પણ ભાઈ, ઊંઘ ઉડી જાય ત્યારે ફરી એક વાર મને મળવાનું ભૂલતો નહિ.”

10 comments on “ઈન્ટરનેટ વેપાર માટે પણ જરૂરી એવી ‘શિષ્યદક્ષિણા’

  1. મુર્તઝાભાઇ, તમે મારા અંતરના ઊંડાણે આવી પાર વગરના થયેલા આનંદની સાંજે અત્યંત ત્વરીત ગતિએ ઉમળકા સાથે મોકલાવેલ શબ્ગગુચ્છે તો મને રોમાંચીત કરી દીધો. આ જીવનમાં જેટલું જાણીએ તેટલું ઓછું. પણ જાણેલું જેટલાને જણાવીએ તેટલું સારુ. અને એટલે જ આવા માધ્યમ દ્વારા સડક પરના આમ આદમીની આમ વાતમાં રહેલો ખાસ દમ વિશ્વભરના લોકો સુધી લઇ આવવાનો વીચાર આજે સાકાર થયો. Using mobile webcast application, I am now enabled to present anything and everything or anybody and everybody around me LIVE on http://www.akhiltv.com and http://www.valsadsamachar.com This can webcast straight from the street LIVE using my mobile phone.. you may visit and see my todays episodes… including trials…🙂 One would not reqire camera. Neigther we are viewers, nor are we readers ….and people at large have forgot to THINK and take ACVTIONS. and that is the reason why we are now focused ONLY on children in school and youth in college. such ready to use platforms will give REAL Reflection of the society … much close to the FACTS as compared to what we read in NEWS papers and TV channels.

  2. વાહ, આભાર મૂર્તઝાભાઈ,
    ફરી એકવાર..”બ્લોગજગતમાં હટકે એવા બ્લોગને અનુરૂપ પોસ્ટ”.
    મેં પણ એક આવા જ અનોખા બોસ સાથે કામ કર્યું છે. ભાવનગર આઈ એન્ડ પી સી એલમાં એ અમારા મેનેજર હતા. શ્રી બુચસાહેબ એમનું નામ. એમણે પણ તમારા પટેલસાહેબની જેમ જ અમને જોબને બોજ નહિ પણ હોબી બનાવી નવું નવું વિચારતા કર્યા. પીટર ડ્રકરની તમે ઉપર મૂકેલી વ્યાખ્યા મુજબના જ એ એક ગ્રેટ લીડર હતા.
    આપના લેખ ખરેખર ખૂબ મજ્દાર હોવા સાથે ખૂબ ઉપયોગી Golden Tips આપે છે.
    Thank you દોસ્ત.

    જય

    • netvepaar says:

      જયભાઈ, લાઈફમાં આપણે સૌ કોઈકને ગુરૂ બનાવીને આગળ આવ્યાં હોઈએ છીએ. કેટલાંક યાદ રાખે છે…કેટલાંક ફરિયાદ રાખે છે.

      એન્જોય!

  3. MARKAND DAVE says:

    આદરણીય શ્રીમૂર્તઝાભાઈ,

    ગુરૂ માત્ર તેની પાસેજ જ્ઞાન પરબને ઠાલવે છે,જ્યાં તેઓને અસિમ તરસ્યાને મળ્યાની લાગણી થાય છે.
    અનેક વિધ્યાર્થીઓમાંથી માત્ર આપેજ તે તરસને ગુરૂ પાસે છૂપાવી નહીં, તેથીજ તેઓએ આપની તરસ આકંઠ છીપાવી.
    વળી, આ અમૂલ્ય જ્ઞાન આજે છૂપાવ્યા વગરજ, આપે સાર્વજનિક કર્યું તે બદલ અભિનંદન અને ધન્યવાદ.

    માર્કંડ દવે.

    • netvepaar says:

      માર્કંડભાઈ, તમને ટીપ્સ ગમી એટલે મને પણ ગમ્યું. આજે પણ વીતી ગયેલા એ કાળમાંથી ઘણી બાબતોને વર્તમાનમાં ‘Un-Do’ નો command આપીને શેર કરવાની ઘણી ખુશી થાય છે. ખુશ રહો.

  4. સરસ !

    શ્રી પટેલસાહેબની ખૂબજ ઉપયોગી ટીપ્સ લોકો સમક્ષ તમે મૂકી એક સુંદર સમાજ ઉપયોગી કાર્ય તમે કરેલ છે.

    અભિનંદન !

    http://das.desais.net

    • netvepaar says:

      અશોકભાઈ, તમારો આભાર.

      સાચું કહું તો સ્કુલકાળ કે કોલેજકાળ દરમ્યાન આવી ઘણી બાબતો, નાનકડી ઘટનાઓ બની છે. એમાંથી જેટલું લાગ્યું એટલું શીખ્યું છે. કોશિશ કરીશ કે આવનારા વાતોમાં વખતો-વખત આપ લોકોની સાથે શેર કરી શકું. પોટલી દાદા-દાદીની હોય, માતા-પિતાની કે પ્રોફેસરની એમાંથી કાંઇક તો અમુલ્ય નીકળે જ છે, ખરું ને?

  5. nice way of explaining complex marketing principles…. I appreciate your efforts.

  6. Vipul Chaudhary says:

    Sonani lagdi jeva vicharo chhe saheb ane tene share karva mate platinam jeva Irada chhe,,

    thanks for share,,,,,

    • શ્રી વિપુલભાઈ, પહેલાં તો બ્લોગ પર મુલાકાત લીધી એ માટે ખૂબ આભાર. આ તો દિલના વિચારો હોય છે….જે હાથ દ્વારા કિ-બોર્ડ પર ઉતરતા હોય છે. તમને ગમ્યું તો મને પણ ઘણી ખુશી થઇ છે. આવતા રહેશો.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s