વેપાર-વ્યક્તિત્વ: જે તરસે છે એના માટે વરસે છે….

Hand On Computer

Image: Flikr-sparktography

આખા ગામના જુવાન દીકરા-દીકરીઓને કોમ્પ્યુટર-ઈન્ટરનેટ શીખવાડી શકો છો તો મારા જેવા ૮૦ વર્ષના ડોસાને શીખવી શકો તો માનું.

એક વાર સ્વજનને ત્યાં કોઈ એક મોકા પર થયેલા મેળાવડા વખતે પાછળથી ક્યાંક અવાજ આવ્યો….

કેમ નહિ! શીખવા માટે માનસિક તૈયારી હોય તો કોઈ પણ ઉંમરે શીખી અને શીખવાડી શકાય સાહેબ!…તમે રેડી છો તો હું પણ રેડી છું. બોલો ક્યારથી શીખવાનું શરુ કરવુ છે?

અવાજમાં ચેલેન્જ સંભળાયેલી હોવાથી કોણ છે એની બહુ પરવા કર્યા વગર ફક્ત મોં ને ફેરવી મેં જવાબ આપી દીધો.

શિષ્ય જાણે ગુરૂ માટે તૈયાર જ હોય એમ મારી ડાઈરેક્ટ ઓફર સાંભળી સફેદ ઝબ્ભા-લેંઘા-કસબી ટોપી ને લાંબી સફેદ-સિલ્વર દાઢીના લિબાસમાં રહેલા ૮૦ વર્ષના એ નવજુવાન ડોસાએ મને એની વ્હીલચેર પરથી બંને હાથ લંબાવી પાસે બોલાવ્યો.

હજુ તો હમણાં જ થયેલા આ ‘અવ’નવા સંબંધોનો દૌર જાણે વર્ષોથી ચાલ્યો આવતો હોય એમ સુલ્તાનચાચાના ચેહરા પર કોઈક અચિવમેન્ટ સફળ થવાની આશા ફરી વળી. ૧૫-૨૦ મીનીટમાં ઓળખાણ-પિછાણ-કોણ-ક્યાંથી-શું-કેમ-કેવી રીતે-શા માટેની પર્યાપ્ત માહિતીઓની આપ-લે થઇ. અને પછીની ૫-૭ મીનીટ વપરાઈ ગઈ કોમ્પ્યુટર-ઈન્ટરનેટ શીખવા માટેના સમયને એડજસ્ટ કરવા માટે.

સુલ્તાનચાચા સાથે ૨૦૦૫માં થયેલી એ હતી મારી પહેલી મુલાકાત.

એ મુલાકાતના ૪૮ કલાક પછી હું અને સુલ્તાનચાચા કોમ્પ્યુટરની સામે ગોઠવાયેલા. ત્યાં તો વા ની તકલીફ હોવા છતાં પોતાના પતિ આ ઉમરે પણ કેવી કોમ્પ્યુટર કેવી રીતે શીખવાના છે એ જાણવાની કુતૂહલતા સાથે એમની વ્હાલી વાઈફ શીરીનચાચી પણ અમારા ‘કોમ્પ્યુટર લર્નિંગ’ના આ પહેલા ચરણમાં ગોઠવાઈ ચુક્યા.  

આટલું વાંચ્યા પછી આપ લોકોને થશે કે આ મુર્તઝાભાઈ વેપારની વાતમાંથી આજે આવી આડી વાત પર ક્યાંથી ઊતરી આવ્યા…ખરુને?

તો દોસ્તો એ માટેની સીધી વાત પણ કહી દઉં. આ આખી વાત હું મારા નવા આવનારા બ્લોગ ‘નાઇલને કિનારેથી’ પર રજુ કરવાનો હતો. પણ…આ ઘટના અમુક એવા ‘વેપારીક’ તત્વો સાથે જોડાયેલી હોવાથી એને અહિયાં કહેવું મુનાસિબ માન્યું છે. કેમ કે સુલ્તાનચાચા પણ પાકા વેપારી બુદ્ધિવાળા. ઈન્ટરનેટમાંથી…પરથી પણ પૈસા કેમ કમાવી શકાય એ એમનો કોમ્પ્યુટર શીખવા પહેલાનો પહેલો પ્રશ્ન હતો. પણ શીખીને જ્યારે બહાર આવ્યા ત્યારે એમના એ સાથે પુછાયેલા બીજા ઘણાં પ્રશ્નનો જવાબ ખુદ પોતે જ હતા. ૮૦ વર્ષના એમના દિમાગની નસોમાંથી કમ સે કમ ૮૦ જેટલાં આઈડિયાઝ  તો ક્યારનાંય ફૂટી નીકળ્યા હતા.

ચાલો પાછા ફરીએ ફ્લેશ-બેકમાં…

ભાઈઆજે ફક્ત એટલું બતાવ કે ઈ-મેઈલ લખતા મને ક્યારે આવડશે?” ખુરશી પર બેસતા પછી આ એમનો પ્રથમ પ્રશ્ન છૂટ્યો.

મેં કીધું “દાદા, આપને ડિજીટલ જમવાનું શરુ કરાવું એ પહેલા એપિટાઇઝર (ભૂખ જગાડનાર સૂપ) આપવું છે. એટલે સ્ટેપ બાય સ્ટેપ જઈએ તો…? તે છતાં  આપને ઈ-મેઈલથી જ શરૂઆત કરવી જ હોય તો એટ-લીસ્ટ એ ગેરેંટી આપી શકું કે એક મહિનામાં આપને એવા તો  તૈયાર કરી શકીશ કે મેલ હોય કે ફીમેલ બધાંની સાથે આપ ઈ-મેઈલથી મેલજોલ રાખી શકશો.

આ જવાબમાં બંને ડોસા-ડોસીના ખીલેલા દિલોમાંથી નીકળેલો હાસ્યનો આવો ફૂવારો મેં પહેલી વાર જોયો. ને પછી શરુ થયો અમારો એ કૂલ-ગુરૂ-શિષ્ય ક્લાસ….ને એવી દાદાકી ઘટનાઓનો સીલસીલો….

જે આવશે બીજા વેબિસોડમાં. બસ… ઓલમોસ્ટ ૨૪ કલાક.

ભાગ-  ૧    |     ભાગ – ૨      |    ભાગ – ૩

સર ‘પંચ’

એક પિતા પોતાના પુત્ર સાથે બાંકડા પર બેઠા છે. ત્યાં અચાનક એક ચકલી ઉડીને આવે છે…ને બસ…શરુ થાય છે સાડા-પાંચ મિનીટની આ મીની ક્લિપ જે પાંચ કલાકની સુપર મૂવીને પણ ધમરોળી નાખે છે…જોઈ લો..એન્જોઈ લો….કદાચ કાલે…

19 comments on “વેપાર-વ્યક્તિત્વ: જે તરસે છે એના માટે વરસે છે….

  1. pragnaju says:

    બાપા,પેલી ચકલી હાં.ભાઇ ચકલી,…હાં.ભાઇ ચકલી,…હાં.ભાઇ ચકલી,…હાં.ભાઇ ચકલી,…………………અમારા,તમારા લગભગ દરેકના જીવનનો બનાવની મઝાની વીડિયો. અને અમારી વાત પાકે ઘડે કાઠા ચઢાવ્યા છે

  2. આપણી ગુજરાતી વાર્તામાં તો ‘ બાપા! કાગડો.” અને ” હા! ભાઈ, કાગડો.” આવે.
    સુલતાન ચાચાને સલામાલેકુમ .. એ જરૂર આ વાંચશે જ.
    – ૬૮ વરસનો બાળક …

    • દદ્દુ, હજુ શરૂઆત છે…અંત તો આવવાની વાર છે…કેટલાંક ઝટકાં મેહસૂસ કરવા રાહ પર આવવું પડે છે….

    • Aa net par direct gujarati kem lakhvu? peliu tame mail ma guj lakhvani site kai hati?
      mane mail ma to lakhta fave chhe, pan browser page par ke computer ma game te folders ma te kai rite hasil thjay? Jaroor samjhavjo.
      aa video to majano chhe. vepar veparaj chhe, aqa moula farmave chhe. Congrats, ghau sawab collect karo chho.

      • મુરબ્બી સૈફી અંકલ! આ સાઈટ: http://www.google.com/ime/transliteration/ પરથી પહેલા એની API સ્ક્રીપ્ટ ડાઉનલોડ કરીને ઇન્સ્ટોલ કરવી પડશે. ને પછી મરજી મુજબ ત્યારે પણ ઈંગ્લીશથી ગુજરાતીમાં Alt + Shift દબાવી ભાષા ટ્રાન્સફર કરી શકાય છે. ઘણું આસાન છે. આપ તો સ્માર્ટ છો જ. જલ્દી કરી શકશો.

    • સુરેશ દાદા ગિજુભાઈ બધેકાની વાર્તા બાપા કાગડો આ વીડીઓ જોઈને યાદ આવી જ જાય .
      મુર્તઝાભાઈ શિખવાની કંઈ ઉંમર નથી હોતી એ વાત તમે અને દિવ્યભાસ્કર બન્ને એ સાબિત કરી આપ્યું છે . અમદાવાદની દિવ્યભાસ્કર પ્રેસની ઓફિસમાં ગયા વર્ષે વડીલો માટે મફત કોમ્પ્યુટર શીખવાની વ્યવસ્થા કરવામાં આવેલ તેમાં ઘણાબધા વડીલોએ ઉત્સાહ ભેર ભાગ લઇ શીખ્યા હતા . ઘણા વડીલો પોતાના પૌત્રો ને વિદેશમાં ઈ મેલ કરીને ચોકાવી દીધાના અનુભવો સીટી ભાસ્કરમાં છપાયા હતા .

  3. sparrow and small pleasures બન્ને જીવનના ગૂઢ કુમળા ચિત્રો છે.

  4. માની ગયા મુર્તઝાભાઈ,
    “જે તરસે છે એના માટે વરસે છે” ના વેપારી ફંડાની સાથે સાથે N ફોર New ની P ફોર ??? .
    વાહ ભાઈ વાહ. આ નવું Practical જ્ઞાન મળ્યુ તમારી પાસેથી. મજા આવી ગઈ.
    ( તમારી હોળી આવે એની રાહ જોતો કિનારે જ બેઠો છું ભાઈ!! )🙂

  5. Praful thar says:

    ‘કેમ નહિ! શીખવા માટે માનસિક તૈયારી હોય તો કોઈ પણ ઉંમરે શીખી અને શીખવાડી શકાય સાહેબ!…તમે રેડી છો તો હું પણ રેડી છું. બોલો ક્યારથી શીખવાનું શરુ કરવુ છે?’

    વાત ખૂબ જ સાચ્ચી છે. માણસ સ્વસ્થ હોય, કુદરતે બક્ષેલા અવયવો બરાબર કામ કરતા હોય, ગ્રહણશક્તિ સારી હોય, શિખનાવનાર ગુરૂ સારા હોય તો માનવી ભલે પાનખરમાં પ્રવેશ્યો હોય તો પણ બધું શીખી શકે છે. છેવટે કંઇ નહી તો તે વિશેનો ઉંડાણથી બધા સાથે વાર્તાલાપ કે વિચાર-વિનીમય તો કરી જ શકે કે સામે વ્યકતિ પણ એકવાર ગર્વ લઇ શકે !

    પ્રફુલ ઠાર…

  6. મુર્તઝાભાઈ,

    ખૂબજ ટૂંકમાં ઘણું સમજાવી આપ્યું. ઘણી વખત કોઈ વાત સમજાવતા દિવસો અને વર્ષો વીતી જવા છતાં સમજાવી શકાતી નથી અને સમજી શકતા પણ નથી જયારે કૂદરતની આવી કૃપા હોય તો ટૂંકમાં ઘણું સમજાવી શકાય છે. અને જે ક્યારેક અસરકારક પણ નીવડે છે.

    ધન્યવાદ !

  7. readsetu says:

    આ જ વાર્તા અમે નાના હતા ત્યારે મેં સાંભળી હતી. જેમાં નાનો દીકરો વારે વારે “બાપા કાગડો, બાપા કાગડો’ અને પિતા “હા બેટા કાગડો” એ રિપિટ કર્યે જાય છે અને પછી એ દિકરો મોટો થાય છે ત્યારે આમ જ..

    લતા જ. હિરાણી

  8. […] પેલાં ૩૦ દિવસ દરમિયાન બનેલી ઘટનામાં સમાયેલા વેપારીક તત્વોની ૧૦ વાત… […]

  9. […] સમાવવાની કોશિશ કરી છે. એટલે પેલા લખાયેલા લેખના ટાઈટલને આજે આલેખન માટે ફરીથી યાદ કરી […]

  10. nitav says:

    hello sir,i have download tha script from http://www.google.com/ime/transliteration, but i didnt know how to apply and utilize this application…so kindly request you to guide me to write in gujarati….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s