વેપાર વર્ષ: બ્લોગ તરસે ત્યારે શબ્દો વરસે….વર્ષે વર્ષે!

Successful-1st-Year

મને બચપણથી વાંચનનો શોખ. સમય જતા વાંચનના એ પેશનેટ શોખમાં માત્ર વિષયો ઉમેરાતા રહ્યાં છે પણ શોખની લગની તો એની એજ રહી છે. આજે યાદ કરું છું કે મારામાં રહેલો આ વાંચનાર નર લખાણ-પટ્ટીમાં ક્યાંથી આવી ગયો!?!?

થયું આમ…બરોબર એક વર્ષ પહેલા ૫ મી સપ્ટેમ્બર ૨૦૧૦ની રવિવારની એ બપોર. મારી પત્નીએ અચાનક આવી શબ્દ-ધક્કા સાથે ટોણો માર્યો: “આ જ્યારે જોઉં છું ત્યારે ઈન્ટરનેટ પર વેપારને લગતું વાંચ-વાંચ કરો છો તો લખતા પણ બતાવો તો કાઈં માનુ. તમારી સાથે બીજા ઘણાં લોકોને પણ ફાયદો થશે. તમારી કેરિયરને ધક્કો વાગશે બીજું શું?!?!!?”-

૧૦ વર્ષ પહેલાં તેની સાથે થોડાં સમય માટે લવ-લેટર લખવાની ચળ-વળ ઉપાડી હતી પણ શાદી પછી તેના આવ્યા પછી એ ચળ બીજે ક્યાંક વળી ગઈ……

ને ત્યારે આમ અચાનક થયેલા આવા હૂમલાથી એ દિવસે નેટવેપારનો આ પોસ્ટ દ્વારા https://netvepaar.wordpress.com બ્લોગ શરુ કરવો એક અનાયાસ પર્યાસ જ હતો. (દરેક સફળ પુરુષની પાછળ સ્ત્રીનો હાથ કે પગ હોય છે એનું આ એક લેટેસ્ટ ઉદાહરણ)

એની વે. શું લખવું, કેવું લખવું, કેટલું લખવું તેની કોઈ પરવા ન કરી. પણ ‘આગે આગે ગોરખ જાગેગા તો જો હોગા સો દેખા જાયેગા’ વાળી કરીને વેપારના વમળોમાં કુદી પડ્યો ને લખવાની શરૂઆત કરી દીધી.  

કબૂલાત: આમ તો ‘માર્કેટિંગ’ શબ્દ મારા લોહીમાં વહે છે. એટલે એના વિશે સતત અભ્યાસ કરતા રહેવું, લખવું, શીખવું-શીખવવું, કોચિંગ આપવું એ મારું પેશન છે. એટલે આ બ્લોગ દ્વારા એ પેશનને બહાર કાઢી વહેતો કરવાનો જ મુખ્ય ઈરાદો હતો અને છે. પાછલા કેટલાંક વર્ષો દરમિયાન ઈન્ટરનેટ પર વેપારના શીખેલા અસરકારક સૂત્રોને જાતે અપનાવી તેની અસર જાણીને જ આપ લોકોની સાથે વહેંચણી કરુ છું.

સમજોને કે…માહિતીના ડીજીટલ દરિયામાં આ કોશિશથી એક જોયેલા સ્વપ્ન તરફ પ્રગતિ કરી Learning – Earning, Sharing – Selling, Entertaining & Interacting ના મોતીઓ શોધવાનો-ભેગા કરવાનો એક પિંચ પ્રયાસ….

૧૨ મહિના…૫૨ અઠવાડિયા… ૩૬૫ દિવસની આ ૧ વર્ષિય સફર મારી ઝીન્દગીની સૌથી અનોખી સફર રહી. વર્ચુઅલ ભલે કહેવાય પણ એક્ચુઅલી મને ઘણાં એવા સારા દોસ્તો-દોસ્તાનીઓ, સાથીદારો, સલાહકારો મળી આવ્યા.

સુરેશદાદા-પરેશકાકા, ઠક્કરબાપા, વિનુભાઈ-દિનુભાઈ, લતાબેન-મીતાબેન-પ્રીતિબેન, જયભાઈ-યોગેશભાઈ, વિમેશ-રમેશ, જીતેશ-મિતેશ, નાથાની સાહેબ-મનસુખાની સાહેબ, હિરેનભાઈ-નરેનભાઈ, કેપ્ટન નરેન્દ્ર-કર્નલ શબ્બીર, રૂપેનભાઈ-દિપેનભાઈ, જીજ્ઞેશભાઈ-પ્રજ્ઞેશભાઈ, જુઝરભાઈ-મઝહરભાઈ, ઘનશ્યામભાઈ-ગોવિંદભાઈ, અતુલભાઈ-મિતુલભાઈ, અકીલભાઈ-શકીલભાઈ, અરજણભાઈ-માર્કંડભાઈ, અશોકભાઈ-અરવિંદભાઈ, દાસભાઈ-દોશીભાઈ….

આવા તો કેટ-કેટલાંના નામો લખી શકાય…એ સિવાય એ સૌ ભાઈઓ-ભગિનીઓ જેમણે બ્લોગ-લેન્ડ પર આવીને પોતાનો કિંમતી સમય આ વેપાર-વાંચન માટે આપ્યો છે. કોમેન્ટ્સ દ્વારા મંતવ્યો આપ્યા છે. હમારા ‘બજાજ’ જેવી ‘પ્રેરણા’ આપી છે (યેહ ભી તો કસૌટી ઝીંદગી કી હૈ ના!)  ‘લાઈક’ બટન દ્વારા વારંવાર દિલ ખોલ્યું છે. એ માટે…સૌનો ખૂબ ખૂબ આભારી છું.

મારા બ્લોગ-ગુરુઓના મંતવ્ય મુજબ: આ નોટી-નેટી આલમમાં જેઓ સમજીને બ્લોગ-વાંચન ચાલુ રાખે, લખે રાખે…..ભલે લોકોને લાગે કે ‘ગાંડાની જેમ’..તોયે એ ડહાપણભર્યું કામ ગણાય છે. કેમ કે તેના વાંચન-લખાણ દ્વારા તમારા પેશનને ધક્કો મળે છે. જે તમને એક દિવસ ત્યાં લઇ જાય છે જે જગ્યા પર જવાનું તમે સ્વપ્ન જોયું છે…..ઓટો-રીડિંગલી!!

“ગમતા ભડભડતા (પેશનેટ) વિષયનો દરરોજ માત્ર એક કલાકનો અભ્યાસ તમને…ત્રણ વર્ષની અંદર એક વિશેષજ્ઞનુ સ્થાન….પાંચ વર્ષમાં રાષ્ટ્રીય સ્તરે સત્તાધારી વ્યક્તિનું સ્થાન અને સાતમાં વર્ષે દુનિયામાં તે વિષયવસ્તુના જ બેસ્ટ (સર્વશ્રેષ્ઠ) વ્યક્તિનું સ્થાન આપી શકે છે. પણ જરૂરી ધ્યાન એ રાખવું કે એ સાત વર્ષની શરૂઆત સાંઠ મિનીટથી ચાલુ થાય.” – અર્લ નાઈટેન્ગલ   

સંગી સરતાજ ‘પંચ’:

ઓ ‘રાજ’ મને લાગ્યો સૂર-બ્લોગિંગનો રંગ….

આ મૌકા પર જેમને માટે ‘મુકેશ’ પોતાનો અવાજ હતા એવા ‘રાજુ’નું જ આ છવાયેલું ગીત ‘મુકીશ’…

એક દિન બીક જાયેગા માટી કે મોલ જગમેં રહે જાયેંગે પ્યારે તેરે બોલ!

38 comments on “વેપાર વર્ષ: બ્લોગ તરસે ત્યારે શબ્દો વરસે….વર્ષે વર્ષે!

  1. Happy birthday to your blog.

  2. utkantha says:

    Say thank you to your wife..🙂

  3. મુર્તઝાચાર્ય ના ગુરૂશ્રીને આ આંગળી ચીંધ્યા બદલ ધન્યવાદ..ધન્યવાદ..

  4. dineshtilva says:

    …હવે અમારે તમારા દરેક લેખમા ડબલ ધન્યવાદ આપવા પડશે.. (નામ કા’ઈ રા’યખા છે કે? અમારો સંદેશો આપજો કે તમને શબ્દ-ધક્કા સાથે ટોણો માર્યા કરે…)

  5. Kartik says:

    Happy Blog anniversary🙂

  6. Hemang Patel says:

    લો… આજ સુધી તો અહી આપના દ્વારા આપવામાં આવેલી સુંદર માહિતી માટે માત્ર તમારો જ આભાર માન્યો છે… તે પ્રેરણારૂપ દેવીને તો ભુલી જ ગયા હતા.. આજે તમારા આ બ્લોગની વાર્ષિક તિથીએ તેમનો પણ આભાર માની લઇએ..
    આપ અને આપનો બ્લોગ હંમેશા પ્રગતિમય અને માર્ગદર્શક બની રહે એવી શુભેચ્છાઓ સહ…
    આવજો…

  7. શ્રી મુર્તજાચાર્યજી,
    આપના બ્લોગને જન્મદિવસની ઘણી-ઘણી શુભેચ્છાઓ…

    દરેક સફળ પુરુષની પાછળ સ્ત્રીનો હાથ કે પગ હોય છે તે વાત સાચી, પણ હવે હાથ અને પગ સાથે “ટોણો” પણ ઉમેરવો પડશે..😀

    વિકસતા રહેજો..

  8. શબ્દજગતની પહેલી વર્ષગાંઠ મુબારક,
    સાથે ભાભીજી નો આભાર કે જેમની ટકોર થી બ્લોગજગત ને મુર્તઝાચાર્ય મળ્યા, આપને ૩૬૫ ગણી ++સફળતા મળે એવી દિલોજાન થી શુભેચ્છા.

  9. BHARAT MODI says:

    પહેલા તો આ બ્લોગ બચ્ચા ને એની પહેલી વર્ષગાંઠ મુબારક.

    બીજું કે ભાભીજી ને અમારાં વતી અભાર સાથે એક મહત્વનો સંદેશ એ આપવાનો કે, ૧ વર્ષ નું આ બ્લોગ બચ્ચું આવનારા સમય માં મહાકાય ડાયનોસોર બને, અને ધોબીપછડાટ ખાધેલા અનેક નાના વેપારી મિત્રો ને, ફરીથી ઉભા થઇ દોડતા થવા માટે આમજ મોટિવેશન નો ડોઝ આપતું રહે, એના માટે તમને સતત આવા ટોણા મારીને સતત કૈક નવું આપવાનું મોટિવેશન આપતા રહે.

    બન્નેને ખુબ ખુબ અભિનંદન

  10. hirals says:

    Haapy B’day to your blog🙂
    Good blog, thanks to your wife🙂

    Generally I used to follow http://blog.himanshusheth.net/
    on business, marketting etc….[These days, I hardly get extra time] ,You also may like to visit sometime.

  11. manmis says:

    Congratulations and thanks for this heaps of મોતી-vation!

  12. મુર્તઝાભાઈ આપના બ્લોગના જન્મદિવસની શુભેચ્છાઓ .

  13. MARKAND DAVE says:

    દરેક સફળ પુરુષની પાછળ સ્ત્રીનો હાથ કે પગ કેપછી વખત આવે વેલણ હોય છે તે વાત સાવ સાચી હશે? ક..દા..ચ..!!

    પ્રિય મુર્તુઝાભાઈ, આપને દિલથી વર્ષાભિનંદન.

    • આભાર સાહેબ. સાચી વાત છે માર્કંડભાઈ, પણ મારું બેટું આ વેલણ એમને માથે જ વધારે પડતું હોય છે જેઓ ‘માથે પડેલું’ વલણ રાખતા હોય છે.એ લોકો પાછા કોઈને કહી પણ ન શકતા હોય😉

  14. pankajladanipankaj says:

    “બીજું કે ભાભીજી ને અમારાં વતી અભાર સાથે એક મહત્વનો સંદેશ એ આપવાનો કે, ૧ વર્ષ નું આ બ્લોગ બચ્ચું આવનારા સમય માં મહાકાય ડાયનોસોર બને, અને ધોબીપછડાટ ખાધેલા અનેક નાના વેપારી મિત્રો ને, ફરીથી ઉભા થઇ દોડતા થવા માટે આમજ મોટિવેશન નો ડોઝ આપતું રહે, એના માટે તમને સતત આવા ટોણા મારીને સતત કૈક નવું આપવાનું મોટિવેશન આપતા રહે.”

    (આજે લખતા કંટાળો આવે છે , એટલે કોપી પેસ્ટ કરીંઉ છે.)

  15. મુર્તઝાભાઈ અને બહેનને અભિનંદન.

    મુર્તઝાભાઈએ મારું ધ્યાન એમેઝોન કીંડલ બુક પબ્લીંશીંગ તરફ દોર્યું હતું. આંગળી ચીંધ્યાનું પુણ્ય એ કમાયા.

    સપ્ટેમ્બર ૧, ૨૦૧૧ના રોજ બે મિત્રો, હૈમી પીરેઝ અને મેથ્યુ કેચ્ચમની મદદથી (એમેઝોન) કીંડલ બુક September 11: The Date of Gloom and Glory! પ્રગટ કરી. એના પ્રમોશન અને માર્કેટીંગ માટે આપનાં સૂચનો મને girish116@yahoo.com સરનામે મોકલવા વિનંતી કરું છું. યોગ્ય સૂચનો મળશે તો સૌને ફાયદો થાય એવી યોજના તૈયાર કરવા પ્રયત્ન કરીશ. પુસ્તક વિશે વધુ માહિતિ માટે ક્લીક કરોઃ
    http://girishparikh.wordpress.com/2011/09/02/published-as-amazon-kindle-book-september-11-the-date-of-gloom-and-glory/ .

    –ગિરીશ પરીખ

  16. It is heartening to note that you have completed your first (successful) year with your unique. mastering and magical playing with words ways, which I think is rarely seen in our own ‘Gujarati’, Hearty congratulations and may God bless you with more success in up coming times !!!

  17. Chetan Patel says:

    Happy journey to you and my sister.

  18. surya says:

    મુર્તુજા ભાઈ, બ્લોગ જેટલીજ બ્લોગ પાછળની અફલાતુન વાત ! બ્લોગ લેખન ના બીજા વર્ષના મંગલ પ્રવેશ માટે ખુબ ખુબ શુભેચ્છા ! નવા વર્ષમાં વધુ ને વધુ પોસ્ટો તેમજ બ્લોગ પાછળની આવીજ વધુ વાતો નો ઈન્તેજાર રહેશે

    • સૂર્યાભાઈ, તમારી શુભેચ્છાઓ બદલ ખૂબ ખૂબ આભાર. બ્લોગની હજુ કેટલીક બાબતો વખતો વખત ‘લીક’ કરતો રહીશ…ત્યારે પણ આજ રીતે માણતા રહેજો. ખાસ તો એ જણાવતા રહેજો કે બ્લોગ આપને કઈ બાબતે ઉપયોગી થાય છે.

  19. Madhav says:

    Murtazacharya, Net dost, Net Sathi ane ava ghana badha Nick Name thi chhavai gayela Murtazabhai ne ane aa Blog ne Happy Birthday.

  20. readsetu says:

    દરેક સફળ પુરુષની પાછળ સ્ત્રીનો સાથ હોય છે
    અને દરેક સફળ સ્ત્રીની પાછળ પુરુષનો પ્રેમ હોય છે

  21. […] ૧૦ વર્ષ પહેલાં તેની સાથે થોડાં સમય માટે લવ-લેટર લખવાની ચળ-વળ ઉપાડી હતી પણ શાદી પછી તેના આવ્યા પછી એ ચળ બીજે ક્યાંક વળી ગઈ……ને ત્યારે આમ અચાનક થયેલા આવા હૂમલાથી એ દિવસે નેટવેપારનો આ https://netvepaar.wordpress.com બ્લોગ શરુ કરવો એક અનાયાસ પર્યાસ જ હતો. (દરેક સફળ પુરુષની પાછળ સ્ત્રીનો હાથ કે પગ હોય છે એનું આ એક લેટેસ્ટ ઉદાહરણ)… ઈન્ટરનેટ પર વેપાર…ગુજરાતીમાં […]

  22. અલા એ…એ…એ.એ.એ.એ..એ…..

    ઈજીપ્તમાં વાયો વાયરો
    ને ગુજરાતમાં વરતાય…. (૨)

    ભણેલા બધા ફાંફા મારે….. ભાઈ ભાઈ….
    ભણેલા બધા નોકરીયું માટે ફાંફા મારે….
    ને ચેલા “મુર્તઝા”ના કમાય લાલ સનેડો…

    હે સનેડો સનેડો… સનેડો લાલ સનેડો….
    હમજીને હાંભળજો લાલ સનેડો…..
    હમજી હકાય તો હમજો લાલ સનેડો…
    કેરો થી કરજણ હંભળાય લાલ સનેડો…
    ઈજીપ્તથી ઈડરમાં ગવાય લાલ સનેડો…

    સનેડો સનેડો…. હે સનેડો સનેડો….
    સનેડોઓ..ઓ..ઓ… સનેડો….ઓ ઓ ઓ ઓ
    સનેડો…ઓ..ઓ.ઓ…….ઓ સનેડો.ઓ..ઓ.ઓ….ઓ…

    નેટ દોસ્ત મુર્તઝા પટેલ અને રશીદાભાભીને અભિનંદન [ભાભી માટે નોંધઃ આવા હાથ-પગ મારવા… વિશ્વ કલ્યાણ થાય…. આમેય ગુજરાતીઓ કોઈને ગાંઠતા નથી ને એમાં એક નવીનતાનો ઉમેરો થાય….]

  23. શુભેચ્છાઓ અને અભિનંદન!

  24. લેટ…લેટ…. પણ ખુબ ખુબ અભિનંદન ભાઇ…

  25. Hitesh says:

    Murtaza bhai,
    we are very thankful to you that you have started such knowledgeable blog…..
    Of course, also thanks to your wife…ha ha ha

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s