વેપાર વિચાર | જે બાબતે ચોળીને ચીકણું ના કરવું પડે એનું નામ….?

એક બહુપ્રસિદ્ધ કોસ્મેટીક્સ કંપનીમાં આ નાનકડી (પણ મોટી વાત કહી જતી) ઘટના બની. થયું એવું કે….તેના કસ્ટમર-કેર વિભાગમાં એક ગ્રાહક તરફથી ફરિયાદ આવી.

“તમારી બ્રાંડના સાબુનું ખરીદેલું પેકેટ મને ઘરે ખોલતા ખાલી મળી આવ્યું છે….આવું કેમ થયું?”

ચારેબાજુ ચક્રો ગતિમાન થઇ ગયા. આવું થાય જ કેમ?!?!?!…આધુનિક ટેકનોલોજીવાળા મશીનથી દરેક બોક્સનું ક્વોલિટી ચેક કરવામાં આવે છતાં?!?!?!- ના પોસાય! એસેમ્બ્લી-લાઈનથી લઇ શિપિંગ વાન સુધી પ્રોબ્લેમની ચકાસણી થઇ. ને ખરેખર એ દરમિયાન અમૂક લાખે બીજા ૨-૩ બોક્સ ખાલી મળી આવ્યા અને સાથે થયેલા આ પ્રોબ્લેમની કડી પણ મળી આવી.

ટોપ મેનેજમેન્ટમાં ગઈ ફરિયાદ. માર્યા ઠાર!…પ્રોડક્શન વિભાગનું આવી બન્યું. પણ પ્રોબ્લેમ ને બદલે નિવારણ (સોલ્યુશન) પર ફોકસ કરવામાં આવ્યું. આવું કેમ બને?- એન્જીનિયર્સ, ટેક્નીશીય્ન્સની તાબડતોબ મીટીંગ બોલવામાં આવી…એક્સરે-મશીનમાં, એલીવેટરમાં, ફીલરમાં કોઈ ખોટ ન જણાઈ…બધું સલામત…બધું બરોબર. તો પણ ખાલી બોક્સ હાથતાળી આપી સરકી જાય. (ને જોડે ઈજ્જતનો નાનકડો ધજાગરો કરતુ જાય) …

સરકતા સાબુના લાખો બોક્સમાંથી ખાલી બોક્સ પકડવો કઈ રીતે? આઈડીયાઝ મેળવવાનું બ્રેઈન-સ્ટોર્મીંગ થયું. પણ એ બધાંનું ભરેલું મગજ સાબુના ખાલી બોક્સ પાછળ પાણીમાં બેસી ગયું….

પ્રોડક્શન વિભાગના એક (અ)સામાન્ય વર્કરને કાને વાત પહોંચી. તેણે આ નાનકડા બોક્સ માટે પોતાની અનુભવી સા.બુ. વાપરી. ‘ટોપ’ મેનેજમેન્ટના એ સૌ ‘ખાંટુઓ’ને આ ‘વર્કરે’ થોડી જ વારમાં પ્રોડક્શનની પેલી ‘બોટમ’ વાળી જગ્યાએ ભેગા કર્યા જ્યાંથી સાબુના બધાં જ બોક્સ સીધા કાર્ટનમાં જમા હતાં. ત્યાં તેણે એક નાનકડો પંખો ચાલુ કરી ફૂલ સ્પિડ પર મૂકી દીધો.

“સાહેબો! જે ખાલી બોક્સ હશે તે આપમેળે આ પંખાની હવાના જોશથી બાજુમાં ખસી જશે ને ભરેલુ બોક્સ આગળ વધી જશે….પ્રોબ્લેમ સોલ્વ્ડ. જાવ કામ કરો અને કરવા દો.”

“જે બાબતે ચોળીને ચીકણું ના કરવું પડે એનું નામ સા.બુ.!

Advertisements

22 comments on “વેપાર વિચાર | જે બાબતે ચોળીને ચીકણું ના કરવું પડે એનું નામ….?

  1. Chetan Patel કહે છે:

    વાહ .! વેચાણ વધારવા માટે ટુથપેસ્ટનું ઢાંકણું મોટું કરવા જેવી જ વાત છે.ભાઈ.

  2. સુપર સા.બુ.,

    એનું બોક્સ ખાલી નહોતું.

    સ-રસ

  3. vijayshah કહે છે:

    આવીજ એક ઘટના અવકાશ વિજ્ઞાનની હોડમાં જ્યારે અમેરિકા અને રશિયા હતું ત્યારે બની હતી. ગુરુત્વાકર્ષણની અસરને કારણે પેન અવકાશમાં ચાલતી નહોંતી અને તે મુદ્દા પર અઢળક સંશોધન કરી અમેરિકાએ પેન બનાવી અને તેનો ઢંઢેરો આખી દુનિયામાં ફુંક્યો.. જ્યારે રશીયનોએ સીધુ જ કામ કર્યું કે દરેક પેન કાઢી નાખી તેની જગ્યાએ શીશા પેન (પેન્સિલ) મૂકી દીધી.

  4. રૂપેન પટેલ કહે છે:

    મુર્તઝાભાઈ સા બુ એટલે સામન્ય બુદ્ધિનું જોરદાર ઉદાહરણ જાણવા મળ્યું . આપણે પણ આવી રીતે આપણી
    સા બુ વાપરીએ તો ઘણો બધો મેલ , કચરો ,તકલીફો ,અડચણો સાફ થઇ જાય .

  5. @વિજયભાઈ, આપની વાત સાચી છે. આ બાબત ‘થ્રી ઈડિયટ્સ’ ફિલ્મમાં પણ બતાવવામાં આવી છે.

    @રૂપેનભાઇ, ખૂબ સારી વાત કીધી તમે. આ સા.બુમાં માનસિક મેલ ધોવાની ‘ગજબ શક્તિ’ છે.

    @ચેતનભાઈ, ચોટ પોઈન્ટ છે તમારો પણ….એટલે જ તો જ્યાં બુદ્ધિ નથી વપરાતી તેને ‘ઢક્કન’ કહેવાય છે…

  6. વિનય ખત્રી કહે છે:

    મજાની વાત.

    આ જ વાત અલગ રીતે ફનએનગ્યાન પર મે ૨૦૦૮માં કરવામાં આવી હતી, લો વાંચો =
    http://funngyan.com/2008/05/05/solution/

  7. સરસ મુર્તઝાભાઇ,
    ક્યારેક “સામાન્ય” લાગતા માણસો પણ “અકલ્પનિય” બુધ્ધી વાપરી જાય છે.

    મેં ક્યાંક વાંચ્યુ છે કે એ કોઇ એક મોટી કંપનીનો Director એનું કામ એવા માણસોને આપે છે જે સૌથી કામચોર છે. જેથી એ “કામચોર” એ કામ એવી રીતે કરશે કે જેથી કામ સાવ સરળતાથી પતી જાય! બાકી, Educated લોકો પણ એ કામ ગધ્ધામજૂરીથી તો કરવાના જ છે પણ કોઇ Short Technich નહી કાઢી શકે…

  8. dineshtilva કહે છે:

    મુર્તઝાના ફ્રિ શોટ લાગે છે.. બો’વ.. .. હમણાં અશોક દાદુ બુધવારની બપોરમાં કે તેના સવાલ-જવાબ એનકાઉન્ટરમાં લખે છે : કોય પંખો ચાલુ કરો.. !!!

  9. maulik shah કહે છે:

    this has been real great ….! Display of rare sense( commonly known as CS) …!

  10. નફીસ નૈરોબી કહે છે:

    અમારા ભૈબંધને ઘેર જઇએ તિયારે તમારી પોસ્ટું વાંસવા મળે છે. આજની પોસ્ટ બૌ ગમી. આ ભૈબંધ દિવાળી-દશેરા-ઉનાળાની રજાયુંમાં વાવેરા આવતા .આ નાનકડું ગામ રાજુલાની પાંહે છે, ને આપડા નામચીન આબીદભાઇ સુરતીનો જનમ ન્યાં જ થયેલો એટલે ેમારા ઇ ગામેતી છે. ભૈબંધે આવી જ વાત કરી’તી. નામવર સાએન્ટીસ્ટ આઇઝે ન્યુટન બિલાડીઓ પાળતો. એની પાંહે બે બિલાડીયું હતી. એક મોટી ને એક તેનું બચ્ચું. રાતે રોજ બાર જાય એટલે સર આઇઝેકે સુતાર બોલાઇવો ને બારણામાં બે બાંકોરા પાડવા કયું. એક મોટી બિલાડી હાટુ ને એક નાનું, તેના બચોળીયા હાટુ. સુતારે કયું, સાહેબ એક જ મોટું બાંકોરૂં કરીએ તો કેવું? ઇમાંથી મા ને તેનું બચ્ચું વારાફરતી નીકળી જાહે.” સર આઇઝેકે માથું ખંજવાળ્યું ને કિધું, “મારા મગજમાં આ વાત કેમ નો આવી?” સુતાર કે’ “સાહેબ, આપની બુધી extra ordinary છે. અમારૂં ભેજું સા બુ નું” મુર્તુજાભાઇ, તમારી વાત મજેની લાગી. (આ વાત અમારા ભૈબંધના MacBookમાંથી જેવી આવડી એવી લખી. હજી શીખું છું.) આપનો, નફીસ નૈરોબીવાલા.

  11. મુર્તુઝાભાઇ, નફીસ બહુ પાછળ પડ્યો એટલે એ બુઢીયાને (એની કેન્યાની ગુજરાતી ભાષામાં ઘરડાંઓને બુઢીયા કહે છે) લખવા દીધું. તેની વાતમાં બધો સાર આવે છે તેથી વધુ ન લખતાં એટલું જ કહીશ, કે પશ્ચીમના દેશોમાં Customer Care તથા Total Quality પર કેટલો ભાર અપાય છે તે જાણવા જેવું છે. આ માટેનાં Suggestion Boxes શૉપ ફ્લોર પર રાખવામાં આવે છે અને તેમાં આવતા સૂચનો પર બોર્ડ લેવલ પર ધ્યાન આપવામાં આવે છે.

    તા.ક. આપે એક વાર જિપ્સીની મુલાકાત લીધી હતી ત્યારથી એ તમારી રાહ જોઇને બેઠો છે. સમય મળે તો ફરી આવજો, સાથે કહાવો પીશું, એવો તેણે સંદેશો મોકલ્યો છે.

  12. કેપ્ટન અને નવા નક્કોર આવેલા દિવાના દોસ્ત નફીસ નૈરોબી સાહેબ!…આ આજનો આખો દહાડો બારે બવ બીજીહ રેયો! એટલે હેં…છેક રાતે મોડેથી આઈવીને આ જવાબ લખવા બેઠો છું…આપડે પણ આફ્રિકાના માણસ પણ કેન્યાથી બવ દૂર તોયે ઘણાં કેન્યન દોસ્તોની હારે ઉઠવું બેસવું ખરું…મજાના માણસુઓ..હાવ હાચું કવ છું હોં! આ કોમેન્ટ વાંચીયે તો વાતુંયે પરથી ખબર પડી જાયે!

    નફીસભ’ઈ..વાત સુથારની હોયે કે ‘મિસ્ત્રી’ની..મરદની હોયે કે ઈ-‘સ્ત્રી’ની…..સા.બુ ઈ તો કેવો (કે કેવી) વાપરે એના પર બધીયે ‘મિસ્ટ્રી’ છે. નસીબે આપણા સૌને આ સાબુનો સપ્લાય બરોબર જ મલીયો છે..લે! કાંઈ ઓછુ નઈ કે ઝાઝું…આ તો વખત વખતે આપને એમાંથી કેટલો વાપરીએ..કેટલો ગુમાવીએ ઈ આપડા પર છે બાપડા!

    ઘણી વારે હાથીનો હાથી હાઈલો આવે ને પૂંછ રઈ જાય છે બોલો! પણ થાયે શું! એટલે આ બધી માથાકૂટ મેલો…ને જલસા કરો. વપરાઈ એટલી આપડી ને રઈ જાય એ બીજાની……બાકી તમારી પેલ્લીજ કોમેન્ટ આવી ને મજ્જા કરાવી ગઈ હોં!- લખતા રે’જો…ને કાંઈ કામ-બામ હોય તો બોલજો પાછા!

  13. readsetu કહે છે:

    Ye Bat Hai… Man gaye….

    Lata

  14. Naresh Sabalpara કહે છે:

    મારા જેવા ‘વર્કર’ની સા.બુ. ને ધોઈને ચકચકિત કરવાનો સાબુ અહિંયા કાયમ મળી રહે છે. પણ મુર્તઝાચાર્યજીની પ્રૉડક્શન લાઇન આ નેટવેપાર અવિરત ચલાવે છે જે બદલ અમારી સલામ..

  15. […] વેપાર વિચાર | જે બાબતે ચોળીને ચીકણું ના કરવું પડે એનું નામ….? Uncategorized var addthis_product = 'wpp-262'; var addthis_config = {"data_track_clickback":true};એક બહુપ્રસિદ્ધ કોસ્મેટીક્સ કંપનીમાં આ નાનકડી (પણ મોટી વાત કહી જતી) ઘટના બની. થયું એવું કે….તેના કસ્ટમર-કેર વિભાગમાં એક ગ્રાહક તરફથી ફરિયાદ આવી. “તમારી બ્રાંડના સાબુનું ખરીદેલું પેકેટ મને ઘરે ખોલતા ખાલી મળી આવ્યું છે….આવું કેમ થયું?” ચારેબાજુ ચક્રો ગતિમાન થઇ ગયા. આવું થાય જ કેમ?!?!?!…આધુનિક ટેકનોલોજીવાળા મશીનથી દરેક બોક્સનું ક્વોલિટી ચેક કરવામાં આવે છતાં?!?!?!- […] ઈન્ટરનેટ પર વેપાર…ગુજરાતીમાં […]

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s