‘વ્હે’પાર:: સિદ્ધિ તેને પણ જઈ વરે જે લોહીથી છે ન્હાય !

Arfa-Karim-Randhawa

(c) Wikipedia

દોસ્તો, પાકિસ્તાનનું નામ આવે ત્યારે તુરંત આપણા મનમાં ‘આતંકવાદ’, ‘કોમવાદ’, ‘દુશ્મન’ જેવા શબ્દોની ગોળીઓ છૂટી પડે છે. પણ આ વખતે આવા કુ-નામોને જરા મનમાં જ શમાવી ને તાજેતરમાં જ એક બુઝી ગયેલી શમાને યાદ કરી લઈએ તો…. 

‘અરફા’ કરીમ રંધાવા

અરેબિકમાં અરફાનો અર્થ થાય છે ‘મહાનતા’ એટલે ‘Greatness’. તેણીએ સાચેજ આ નામ ૮ વર્ષમાં સાર્થક કરી આખા પાકિસ્તાનમાં તો અમર કરી દીધું પણ સાથે સાથે કોમ્પ્યુટરની દુનિયામાં પણ ૮ વર્ષની વયે મગજ-તોડ MCP (Microsoft Certified Professional) નું દિગ્ગજ પદ હાંસિલ કરીને એક અનોખી સિદ્ધિ મેળવી લીધી હતી. જે ઉંમરે હજુ બાળકો કોમ્પ્યુટરનું ‘બેઝિક’ જ્ઞાન પણ થોડું બેઝિકસ જ જાણતા હોય છે ત્યારે અરફાની એ નાનકડી ઉંમર માટે આ પ્રમાણપત્ર ઘણું ટચૂકડું સાબિત થયું.

વ્હાલાં સ્કોલર્સ !….આ પ્રમાણપત્ર મેળવવું કાંઈ આસાન નથી…. MCP ના રામબાણ જેને વાગ્યા છે તે લોકોને ખબર છે કઈ રીતે તેમના બાર વાગે છે. કેટલાંય ખાટુંઓ અધવચ્ચેથી હાથ ધોઈ નાખે છે. યા પછી ઈજ્જત બચાવવા માંડ માંડ પાસ કરે છે ત્યારે ૧૯૯૫ની બીજી ફેબ્રુઆરીએ પાકિસ્તાનના ફૈઝલાબાદમાં આવેલા નાનકડા કસ્બામાં જન્મી અરફાએ ૯ વર્ષ પૂરા થાય તે પહેલા આ સર્ટીફિકેટ હાંસિલ કરી ચુકી હતી. આ મોટી સિદ્ધી મેળવ્યા બાદ ૨૦૦૫માં MCP ના પ્રણેતા બિલ ગેટ્સે આ ટચુકડીને તેના માઈક્રોસોફ્ટના હેડ-ક્વાર્ટરની મુલાકાતનું આમંત્રણ આપ્યું હતું………પોતાને ખર્ચે !

પ્યારા પ્રબુધ્ધ્જનો !… તે સમયમાં સિયેટલ શહેરમાં આવેલા માઈક્રોસોફ્ટના એ હેડક્વાર્ટર જોવા માટે દુનિયાભરના ટેકનો-ગિક્સ બાધા માનતા, પોતાની દુનિયા એક કરતા, અંદર સમાવતા. તેના ઇન્ટરવ્યુ આપવા માટે, નસ-ખેંચાઈ જાય એવા સવાલોના જવાબો આપવા માટે થોથાંઓ ઉલટાવી નાખતા. ત્યારે પોતાના બલ-બૂતા પર બિલ ગેટ્સના માનીતા બનીને અરફાએ ત્યાર બાદ બીજા ૫ વર્ષમાં આવી બીજી કાંઈક કેટલીયે પ્રો-સિદ્ધિઓ મેળવી લીધી હતી. આવું એટલા માટે કે તેને મળ્યા બાદ ખુદ બિલભાઈ પણ માની ગયો હતો કે “આ બાળકી તો MCP ના લેવલ કરતા પણ આગળ નીકળે એવી છે.”  (હવે લાગે છે કે ‘How would You Move Mount Fuji પુસ્તક વાંચ્યા વગર પણ આ રીતે ત્યાં પહોંચી શકાય છે.)

પ્યારે પિતાજી- માતાજી !….તમારા બાળકને બસ!… માત્ર કોમ્પ્યુટર ના ‘કરવા’ દેજો…..એને એમાં રહેલી કઈ બાબત પ્રત્યે સૌથી વધુ લગાવ છે તે કરવા દેજો. પછી જુઓ વખતે ‘એ જ’ તેમને આગળ કરવામાં મદદરૂપ થઇ જશે.

અરફા જન્મી ત્યારે બગલા જેવી તો હતી પણ તેની ઝીંદગીના સોફ્ટવેરમાં ‘બગ’ લઈને જન્મી હતી જેનું જ્ઞાન અમૂક જ વર્ષો પછી ડોક્ટર્સને થયું ત્યારે પિતા કરીમે પાકિસ્તાનના નામાંકિત બીજા ઘણાં હાર્ટ-સર્જનો પાસે તપાસ કરાવી. એક રિપોર્ટ મળ્યો. “અરફાકે દિલમેં છેદ હૈ. ઉસકી વજહ સે દિલકે આસપાસ આયે હુએ મસલ્સ પર જોર આ રહા હૈ. કહા નહિ જા શકતા કે બેટી કિતા વક્ત જી સકતી હૈ…”

શું ખેલ ખલ્લાસ થઇ ગયો? ના..ના ખેલાડીઓ !! પછી તો ખેલ શરુ થયો. આ બાળકી અને તેની આસપાસ રહેલા માઈક્રોસોફ્ટની મેગા દુનિયાનો. એક વાત ફરીથી માની જ લેજો કે “કુદરતની રમતમાં એક દરવાજો બંધ થાય છે ત્યારે..બીજા કેટલાંય અગણિત દરવાજાઓ ખુલ્લા થાય છે. પણ વધુ ભાગે લોકો બંધ થયેલા દરવાજા પાસે બેસી રડ્યા કરે છે.” નબળાં હાર્ટની સામે દિમાગની નસ ઘણી મજબૂત સાબિત થઇ. એનું પરિણામ તેના પિતા કરીમબાબાને અરફાના ૯માં વર્ષે જોવા મળી ગયું. સમજોને કે કુટુંબના એ સૌ માટે નવવર્ષ બની ને આવ્યું. ને પછી શરુ થયો પ્રસિદ્ધિનો એક મેગા દોર. પાકિસ્તાનનો જિન્હા એવોર્ડ સાથે, બીજી કાંઈક કેટલીયે એકેડમીઓના સેંકડો મેડલ્સ, માનનીય સંસ્થાઓનું સભ્યપદ, હજારો ભેંટો, લાખોની દૌલતનો વરસાદ…તે પણ તેની ૧૫ વર્ષની વયના ઉંબરે!

પોતાની બીમારી વિશે જાગૃત અરફાએ બિલ ગેટ્સ તરફથી દરેક પ્રકારની મેડીકલ મદદનો શાનથી અસ્વિકાર કર્યો. ચાર દિવસ પહેલા ૧૪મી જાન્યુઆરીએ સવારમાં આપણે તો સૌ આપણા પોતાના પતંગો ચગાવવામાં મશગૂલ થયા હોઈશું ત્યારે આપણી પડોશમાં જ આવેલા દેશના કસ્બામાં અરફા નામના નાનકડા કટી-પતંગનો ફૈસલો કાયમ માટે થઇ ગયો હતો…

મને હવે આશ્ચર્ય નથી થતું કે સુપર-સિદ્ધિ હાંસિલ કરનારાઓ આ દુનિયામાંથી જલ્દી કેમ વિદાય થઇ જાય છે?!?!?!?!? કારણકે એ ખુદ લોકો પંચ-વર્ષિય યોજનાને માત્ર ૬ મહિના કે એક વર્ષમાં જ પતાવી દેતા હોય ત્યારે ખુદાને પણ કહેવું પડતું હશે કે ચલ બચ્ચે! તેરી યહ ક્લાસકા હોમવર્ક તો કમ્પ્લીટ હો ગયા હૈ…આ અબ લૌટ ચલે દૂસરી ક્લાસમેં

શક્ય છે એ ઘડીમાં…યા પછી અત્યારની ઘડીમાં હજારો દીકરીઓ કે દીકરાઓના આવા ફૈસલા થઇ રહ્યાં હશે પણ અરફાની વાત એટલા માટે બહાર આવી કે તેણે જાતે કોઈક ‘હટકે’ (પ્ર)સિદ્ધિ મેળવી હતી….જ્યારે રિદ્ધિ તો આ દુનિયાએ આપી હતી.

બોલો હવે કોઈ જણાવી શકશો કે આવી જ કોઈ હટકે બાબતે આપનામાંથી કોઇ શ્રીગણેશ કરી રહ્યુ છે?

અરફાઓ જન્મતી નથી…જન્માવવી પડે છે.

….સવાલો-જવાબો આવકાર્ય.

મિત્રો, અરફાની આખી બાયોગ્રાફી હું અહીં લખી શક્યો નથી. એટલા માટે કે હું તેને જાતે મળી શક્યો નહિ. પણ એટલું કહી શકું છું કે તેના વિશે લખાયેલા કલામમાં, કલમમાંથી જે વેવ્સ મળી આવ્યા છે તેને બસ આપ લોકોની સાથે વહેંચ્યા છે.. જો હું મળી શક્યો હોત તો કદાચ તેની ૧૬ વર્ષની ઉમ્રમાં થયેલા ઘટનાક્રમને હજુ વધુ ખોલી શકવા સક્ષમ થઇ શક્યો હોત…

સરતાજ’ દીકરીનો જ સર‘પંચ’

“If you want to do something big in your life, you must remember that shyness is only the mind. If you think shy, you act shy. If you think confident, you act confident. Therefore never let shyness conquer your mind.” – અરફા કરીમ રંધાવા

Advertisements

11 comments on “‘વ્હે’પાર:: સિદ્ધિ તેને પણ જઈ વરે જે લોહીથી છે ન્હાય !

  1. MechSoul કહે છે:

    એકદમ રાઇટ ટાઈમ પર પોસ્ટ મળી…અને મોટીવેશન પણ..
    શ્રી ગણેશ તો કર્યા જ છે.
    કાર્ય હજૂ પ્રગતિ માં છે.
    (સ્ટીવ જોબ્સ વાળા PPT ને ઈમ્પ્લાય કરવા નો સમય આવી ગયો)

  2. Dilip Gajjar કહે છે:

    Khu khub abhinandan Arfa ne teni sidhdhi mate..koi pan desh hoy..manv gaurav pahelu..karvu..mara sanskaar chhe..aapne aa share karva mate aabhar..

  3. અરફાની કાર્યસિદ્ધિ માટે નોંધ જરૂર લેવી જોઈએ, આવી નાની ઉંમરે મળેલ સિદ્ધિ એ એક ગર્વની વાત છે, આવી જાણકારી સમાજ માટે જરૂરી છે. બુઝી ગયેલ શમા માટે કૂદરતને પ્રાર્થના તો જરૂર કરી શકીએ કે તેના આત્માને શાંતિ અર્પે…

  4. Capt. Narendra કહે છે:

    Awesome motivational biography! Thanks for sharing. It makes one sad when one thinks of someone so talented, so brilliant has passed away so early in life. All we can say is, RIP, young Arfa.

  5. Pradip કહે છે:

    અરફાની સિધ્ધિ ને સો-સો સલામ… પરંતુ ખેદ તો એ વાતનો છે કે આટલી મોટી સિધ્ધી અને આવી ટચુકડી જીંદગી….. ભગવાન તેના આત્માને શાંતિ આપે…

  6. ketsk કહે છે:

    salute to arfa..
    and heart touching biography murtajabhai..

  7. […] પોસ્ટમાં અરફા રંધાવા વિશે જ્યારે લખ્યું ત્યારે ખબર ન હતી […]

પ્રતિસાદ આપો

Fill in your details below or click an icon to log in:

WordPress.com Logo

You are commenting using your WordPress.com account. Log Out / બદલો )

Twitter picture

You are commenting using your Twitter account. Log Out / બદલો )

Facebook photo

You are commenting using your Facebook account. Log Out / બદલો )

Google+ photo

You are commenting using your Google+ account. Log Out / બદલો )

Connecting to %s