મફત રમત રમાડે…મોબાઈલ !

Grand Mansion Escape

(તો ચાલો લગાવીએ….ગઈકાલે મુકેલા ‘એપ’ની પોસ્ટનો મોતીડો કૂદકો…)

જસ્ટ ઈમેજીન! તમને મહેલ જેવી બિલ્ડીંગના એક મસ્ત મજાના રૂમમાં લઇ જવામાં આવે છે. જ્યાં…

• વાંચવા માટેના ટેબલ-ખુરશી છે..

• જેના પર લેમ્પ મુકેલો છે…

• દિવાલ પર પિક્ચર ફ્રેમ ભરાવેલી છે…

• તેની પાસે પુસ્તકોની એક છાજલી છે..

• છત પર ઝુમ્મર છે..

• રૂમની વચમાં સોફો છે અને તેની પાસે આર્મ-ચેર છે…વગેરે…વગેરે..

હવે સમજો કે તમને રૂમમાં પૂરી દેવાયા છે. પણ તેમાંથી નીકળવા માટે અલગ-અલગ જગ્યાએ ક્લુઝ (સગડ) મુક્યા છે. જે હિન્ટ દ્વારા શોધી અંતે તેની ચાવી મેળવી ‘બારે’ નીકળવાનું છે.

….તો આ છે આઈફોન-આઈપેડની એ ગેમ જે (ઓફકોર્સ) અમારા દિમાગના દહીં દ્વારા તૈયાર થઇ છે. નામ છે: ગ્રાન્ડ મેન્શન એસ્કેપ! (Grand Mansion Escape)

જેમાં આવા બીજાં અભિન્ન આંઠ રૂમ્સ છે….જેને અર્જુનના કોઠાની જેમ પસાર કરી મહેલની બહાર આવવાનું છે.

સર્ચ, સિક્રેટ, એન્ટરટેઇન્મેન્ટ, ઇન્વોલ્વમેન્ટ, એન્ગેજમેન્ટ જેવાં પહેલુઓ દ્વારા આપણા દિમાગને વલોવવાની પ્રક્રિયાને આવી ગેમ દ્વારા માર્કેટમાં મુકવાનો અમારો મુખ્ય હેતુ હાલ પુરતો કહું તો: “તકને ઝડપી ટેકનોલોજી સાથે હાથ મિલાવવાની છે.”

પણ આ બધું શક્ય બનતું જશે એક અને માત્ર એક કારણે: યુઝર્સ…કે પ્લેયર્સ. યેસ! જેટલાં વધું લોકો તેને વાપરતા-રમતા જશે એટલી તે વધારે જાનદાર બનતી જશે. અને એ જ કારણે જ..ઇસલિયે હી તો….આ ગેમ સાવ મફતમાં આપી દેવાઈ છે. જાવ ખેલો મુફ્તમેં !

સમયાંતરે એમાં નવી થિમ્સ, નવી ચેલેન્જીઝ અને નવા વિષયો ઉમેરવામાં આવશે. જો કે તેમાં વધું શું અને કેવું કેવું અંદર આવતું જશે???!?!? તે બાબતને પણ હાલ પુરતી (ગેમના બેઝની જેમ સ્તો) સંતાવી રાખવામાં આવી છે.

પણ આ ગેમ-એપને અમોએ એક ખુબ અકસીર એવી ઓનલાઈન માર્કેટિંગની હોટ સિસ્ટમ પર લોન્ચ કરી છે. નામ છે, ‘ક્રાઉડ-ફંડિંગ’ (જે વિશે થોડાં વખતમાં આપ સૌને વધુ જાણકારી મળશે. પણ અત્યારે કહું તો…

|| “જેઓને માર્કેટમાં રહેલી કોઇપણ ગમતી પ્રોડક્ટ કે સર્વિસને વધારે વિકસાવવામાં રસ હોય તે વ્યક્તિ કે સંસ્થા તેના મૂળ માલિકને યથાયોગ્ય ફાઈનાન્સિયલ ફાળો (કન્ટ્રીબ્યુશન) આપે છે. જેની સામે મૂળ માલિક તે કન્ટ્રીબ્યુટરને આવનાર પ્રોડકટ અથવા તેની સાથે સંકળાયેલ બાબતનું ઇનામ આપે છે.” ||

દોસ્તો, વધારે સમજવું છે? – તો એક કામ કરો. આ લિંક http://igg.me/at/grandmansion પર આવી જ જાઓ.

જેમાં ગેમની ડાઉનલોડ કરવાની લિંક સાથે આ તેને વિકસાવવાની તક-લિંક પણ મુકવામાં આવી છે. તમને લાગે કે ગ્રાન્ડ-મેન્શનને ગ્રાન્ડ સક્સેસ આપવી છે, તો તેમાં માઈક્રો-ઇન્વેસ્ટમેન્ટ કરી અમને સાથ આપી શકો છો. (જો કે તેના ઇનામો પણ ભારે છે હોં!)

તો હવે તમને એક ‘એપી’ક સવાલ થાય: “માર્કેટિંગના માણસ થઇ…મુર્તઝાભાઈ, તમે મોબાઈલની આવી માથાકૂટમાં કઈ રીતે આવ્યા?

જવાબ: “દોસ્તો, લર્નિંગ એન્ડ અર્નિંગ બંને એકસાથ જે કરે તે માહિતીના મહાસાગરે મોતીડાં મેળવે. ટૂંકમાં.. ઝમાને કે સાથ ચલના ભી તો માર્કેટિંગકા હી કામ હૈ ના?!?”

વેપાર વિકાસ- તેમાં ડૂબકીઓ મારો તો મોતીડાં પણ મળે !

પહેલા…બનેલી એક એક્ચ્યુઅલ ઘટના:

“ ભાઈ, ઈમ્પોર્ટ-એક્સપોર્ટનો બિઝનેસ હવે મારા માટે ખરેખર મોનોટોનસ બની ગયો છે. કોઈક નોખા અને નવા કેવા પ્રોજેક્ટસ થઇ શકે તેની ચર્ચા તમારી સાથે કરવી છે. જો એટ-લિસ્ટ ૧ કલાકનો ટાઈમ મળે તો જણાવશો.”

– સન ૨૦૧૧ના વચમાં મારા સાચા શુભેચ્છક એવા ક્લાયન્ટ-દોસ્તનો ફોન આવ્યો. અવારનવાર તેમના બિઝનેસમાં મદદરૂપ થયેલો એટલે વિશ્વાસનું વ્હાણ વિના તકલીફે ચાલતું રહેલું. પણ આ વખતે આવેલા ફોનમાં અલગ હોશ દેખાયો. એટલે તેને જોશ આપવા તે જ દિવસે સાંજે મિટિંગ પણ ગોઠવાઈ ગઈ.

જેને સિરિયસ બ્રેઈન-સ્ટોર્મિંગ કહી શકાય એવી એ મિટિંગમાં ગરમ કૉફી સાથે તેમનામાં સૂતેલાં ઠંડા આઈડિયાઝની ઘણી ચર્ચાઓ થઇ. ત્યારે ઉભા થતી વખતે એક ને બદલે અઢી કલાક પસાર થયેલો હતો.

પણ તે બાદ ૨-૩ દિવસ સુધી ફિડબેક માટે ન તો એમનો કોઈ ફોન આવ્યો કે મેઈલ. મને થયું કે તેમના માટે બ્રેઈન-બાજી બોરિંગ થઇ હશે. પણ ચોથા જ દિવસે સવારે અચાનક… “મુર્તઝાભાઈ, આપણી જે લાસ્ટ મિટિંગ થઇ એમાં તમારા એક પોઇન્ટે મને પાછલાં ૩ દિવસથી સુવા દીધો નથી. છતાં મને લાગે છે કે હવે હું ખરેખર જાગ્યો છું. લેટ્સ સેલિબ્રેટ! આજે લંચ સાથે કરવાનું છે. ચાલો રેડી રેજો.”

Continue reading

વેપાર વયસ્ક: સુપર સર્ચ-એન્જિનથી સુપર પાવર સોલર એનર્જીના એ ૧૫ વર્ષની ગૂગલી સફર….

Google-Garage

Google-Garage | Photosource- mashable.com

“મને એવા લોકોથી સતત ડર રહે છે. જેઓ કાંઈક અનોખું કરવાની શરૂઆત ગેરેજમાંથી કરે છે.” –

ગૂગલથી વાગેલી લપડાકો પછી થોડાં વર્ષ અગાઉ માઈક્રોસોફ્ટના બિલ ગેટ્સનું આ ક્વોટ ચર્ચાસ્પદ બન્યું હતું. તેને એ બાબતનો આજે પણ સતત ભય રહ્યો છે કે ગૂગલ ક્યારેક તો તેને ગળી જ જશે.

એટલે બિલે તેને પછાડવાના બધાં જ પેંતરાઓ અજમાવી જોયા છે. પણ…શરૂઆતથી જ આ જાયન્ટ પેલી પરીની જેમ ખૂબ ઝડપથી જમી (કે જામી) ગયો હતો. અને બિલના હાથે આવ્યું માત્ર ન જમ્યાનું ‘બીલ’…

ખૈર, આજે ગૂગલ ૧૫ વર્ષનું થઇ ચૂક્યું છે. તેની પાછળ તેની ખૂબ રસિક ઘટનાઓ, કથાઓ, પ્રસંગો, ક્ષણો તેના અલ્ગોરીધમની જેમ ‘ઇન્ડેક્સ’ થઇ ચુક્યા છે. નેટ પર માત્ર ‘સર્ચ’ બહેતર કરવાની સિસ્ટમ લઇ આવનાર તેના બે સ્થાપકો લેરી પેઈજ અને સર્ગેય બ્રિનના દિમાગ અસામાન્ય કરતા પણ થોડાં વધારે હાઈપર છે.

તેઓએ દુનિયામાં માર્કેટિંગ-ટેકનોલોજીનું અત્યાર સુધી સૌથી ‘ઉત્ક્રેસ્ટ’ ઉદાહરણ મુક્યુ છે. સુપર સર્ચ-એન્જીનથી લઇ સુપર-પાવર સોલર એનર્જી સુધી વિકસતું રહેનાર ગૂગલ મહારાજનું સ્તોત્ર લેખને અંતે મુકેલી લિંક પરથી જાણી શકાય છે.

આ ફોટો ગૂગલના ‘લેબર રૂમ’નો છે જ્યાં એ છોકરાંઓ એ કોઈપણ પ્રકારનો ‘ગે’રલાભ લીધા વિના માત્ર તેમના ગોલ પ્રત્યે ધ્યાનસ્થ થઇ બાળ-ગૂગલને જન્મ આપ્યો. પણ ત્યારે ઓફિસીયલી તેનું નામકરણ થયું ન હતું.

તે બેઉને જ્યારે સ્ટાફની સંખ્યા વધારવાની જરૂર પડી ત્યારે એક દિવસે આ ગેરેજને ગંજમાં કન્વર્ટ કરવા તેમની મદદે સૌ પ્રથમ એક ભારતીય ભડવીર (વેન્ચર કેપિટલિસ્ટ) કેટલાંક કરોડોનું ઇન્વેસ્ટમેન્ટ લઇ આવ્યા.

નામ : ‘રામ શ્રીરામ.”

બસ્સ્સ્સ્સ્સ…પછી તે બાદ…ગૂગલની ગૂગલીઓ આઈ.ટી ઇન્ડસ્ટ્રીઝને સતત આંટા આપતી જ રહી છે. આજે પણ રામભ’ઈ તેના બોર્ડ ઓફ ડાયરેક્ટર્સમાં સિરમોર છે અને ગૂગલની સાથે તેની અન્ય કંપનીઓને “રામ બોલો ભાઈ રામ” બોલવા દેતા નથી.

“દોસ્તો, ઈન્ટરનેટની અવનવી કથાઓ વિશે અઢળક માહિતીઓ વરસી રહી છે. કેમ, કઈ રીતે, કેટલું ઉલેચવું એ આપણી ઉપર જ નિર્ભર છે. બસ આંખો ખુલ્લી રહે એ જરૂરી.” – એ વિશે વિગતે વાત કરી તેમાંથી કાંઈક લાભ મેળવવા માટેની ટેકનિક્સ આગામી સેમિનારમાં પણ બતાવવી છે. બસ થોડાં ઇન્તેઝાર !

ગૂગલ સ્તોત્ર: https://netvepaar.wordpress.com/2011/04/03/i_am_the_google/

વેપાર વિકાસ: ….જ્યારે એવા નવા જ ધંધાની શરૂઆત કરો ત્યારે….

Hammer-Hand

સવારમાં એક નેટ-દોસ્ત તરફથી સવાલ આવ્યો. તેમને ‘પૌષ્ટિક’ જવાબ આપવો જરૂરી લાગ્યો એટલે ‘પોસ્ટ’ રૂપે આપ સૌની સાથે….

“મુર્તઝાભાઈ, એક પ્લમ્બિંગ-ઇલેક્ટ્રિક જેવી રોજમરાની જરૂરિયાતના ઉપકરણોના રિપેરિંગની સુ-વ્યવસ્થિત ધંધાદારી સેવા શરુ કરવાનું વિચારું છું આપ જણાવી શકો આ વિચાર કેવો છે? માર્કેટિંગ કેમ કરવું ? અલબત્ત શરૂઆતમાંજ અને બીજા ક્યા ક્યા ક્ષેત્ર આમાં આવરી શકાય?”

જવાબ:

“ ભાઈ, પહેલા તો પ્લમ્બિંગ-ઇલેક્ટ્રિક જેવા કામોની સ્કિલ્સની બક્ષીશ મળી (અને ભળી) છે તે માટે અભિનંદન. જે કામ કરવાનું તમતમતું પેશન હોય અને માત્ર એક ગ્રાહક તરફથી ‘પ્રોફેશનલી કરવાનો ઓર્ડર’ આવ્યો હોય તો ‘યા હોમ’ કરીને ઘરેથી પણ શરૂઆત કરી દેવી.

એટલાં માટે કે એવાં કામોમાં તકોની ભરમાર રહેલી છે. જેમાં દિવસે-દિવસે અનુભવના જોરે વધુ ખીલવાની તકો પણ મળતી રહે છે. ખાસ કરીને મોબાઈલ્સ અને ઘરેલું ઈલેક્ટ્રોનિક ગેજેટ્સને જાતે રિપેર કરવું બીજાં લોકો માટે ટીડીયસ લાગતું હોય છે અને જો તમે પોશાય એવાં ભાવમાં સેવા આપી શકો તો થોડાં જ અરસામાં રીપેરેબલ ગેજેટ્સનો ખડકલો થઇ શકે છે.

ધ્યાન રાખવા જેવી બાબતો:

•  ઉપકરણમાં રહેલા પ્રોબ્લેમનું (ઈમાનદારી સાથે) સ્પષ્ટ સોલ્યુશન આપશો. શક્ય છે બીજાં ઘણાં લોકો ન આપી શકે. ત્યારે એવાં વાતાવરણમાં તેનો ભરપૂર લાભ લઇ-આપી શકો છો.

•  જો નાનકડી અને આરામદાયક જગ્યા પહેલેથી તૈયાર હોય તો સારું. બાકી ‘ધંધો કરવા માટે ખાસ જગ્યા’નો ખર્ચો બચાવી રસોડા અથવા ભંડકિયાથી શરૂઆત કરી શકાય. (પછી કામ વધે ત્યારે થયેલી પ્રોફિટથી ખિસ્સા અને જગ્યાનું ક્ષેત્રફળ આપોઆપ વધવાનું જ છે.) [રેફ: એપલ, માઈક્રોસોફ્ટ…]

•  ઉપકરણોને રિપેર કરનાર સાધનો-tools પણ થોડાં લેટેસ્ટ અને મજબૂત (સમજો કે મોંઘા) હોય એવાં રાખવા. (એમાં ‘ચાઈનાપણું ન જ કરવું.).

•  રિપેર થયેલા સાધનની ડિલીવરી…’આવતીકાલેને બદલે ગઈકાલે આપવી.’ (આ વાક્ય વારંવાર વાંચશો.)

•  એક વાર રિપેર થયેલું સાધન બરોબર ચાલે છે ને?- એવું અપડેટ કસ્ટમર પાસેથી સમયાંતરે મેળવતા રહેશો તો નાનકડા મોબાઈલથી મોટી ઇન્ડસ્ટ્રીઅલ મશીનરીનું રિપેરિંગ કામ પણ વગર જાહેરાતે મળી રહેશે.

•  ખૂબ મહત્વની વાત: ‘ખુદના ઘરેલું પ્રોબ્લેમ્સ’ની અસર ગ્રાહકના ઉપકરણ પર ન પડે એનું ખાસ ધ્યાન રાખવું. (નહીંતર નહીંતર કાતર અને કાનસ બંનેની નેગેટીવ અસર કસ્ટમર પર પડેલી દેખાશે.)

• “ટોટલ કેશ, નો ક્રેડિટ” માં સર્વિસ. થયેલા તમારા કામથી નીકળેલો બધો પસીનો સુકાઈ જાય એ પહેલા રોકડાં પણ હાથમાં આવી જાય એવી અકસીર વ્યવસ્થા શરૂઆતથી કરવી. ધંધો..ધંધો તરીકે જ દેખાય એ જરૂરી, નહીંતર ચેરિટેબલ સંસ્થાઓના ટેબલ પર પણ ધૂળ જામેલી રહે છે.

હવે બોલો, આટલું દિલથી કર્યું હોય….પછી માર્કેટિંગ કરવાની જરૂર પડશે ખરી?- જાવ ફતેહ કરો અને અમને સૌને ફોટો સાથે અપડેટ કરશો. થોરામાં ઘન્નું ચ !

મોરલ મદદ: જેમને નવા ટૂલ્સ લેવા હોય તો અહીંથી પણ મળી શકે છે ખરા…

વેપાર વાવડ: બ્રાન્ડિંગનું ‘રોવ્લિંગ’ આ રીતે પણ કરી શકાય…

j.k. Rowling-The Cuckoo's Calling

લંડનમાં આવેલો ગોલ્ડઝબોરો બૂકસ્ટોર નવી આવતી (અને બેસ્ટ-સેલર્સ બની શકે તેવી) બૂક્સની વેલ્યુ વધારવા તેના લેખકની સિગ્નેચર સાથે વેચવામાં મશહૂર છે.

થોડાં અરસા અગાઉ તેના માલિકે એક નવા જ ઉદ્ભવેલા લેખક રોબર્ટ ગોલબ્રેઈથના લોંચ થયેલા પુસ્તક ‘ધ કૂકૂઝ કોલિંગ’નું પણ માર્કેટિંગ કરવા ટ્રાયલ-ઓર્ડરરૂપે સાઈન કરેલી ૨૫૦ કૉપીઝનું ખરીદ કર્યું. વેચાણ ભાવ રાખ્યો: ૧૭ બ્રિટીશ પાઉન્ડ.

ગોલ્ડઝબોરો બૂકસ્ટોરના માલિકને અનુભવ પરથી ખબર તો પડી કે લેખકનું અસલ નામ બીજું જ કાંઈ છે. પણ તેને તો નામ કરતા દામમાં વધારે રસ હતો એટલે વાતને પણ ત્યાં જ પડતી મૂકી.

હવે આપણામાંથી કેટલાંક વાંચક દોસ્તો જાણતા જ હશે કે આ રોબર્ટ ગોલબ્રેઈથના પેન-નામ હેઠળ હેરી પોર્ટરની મશહૂર લેખિકા જે.કે.રોવ્લિંગનું નામ કોઈક રીતે બહાર ટપકી આવ્યું. જાહેરમાં થોડી ખફા થઇને તેણે આ વાતનો સ્વિકાર પણ કર્યો.

જ્યારે આ બાજુ સ્ટોરના માલિકને તો નાનકડી લોટરી લાગી ગઈ. સાઈન કરેલા ૧૭ પાઉન્ડના પુસ્તકનો ભાવ તેણે રાતોરાત ૧૦૦૦ પાઉન્ડ કરી નાખ્યો અને તેના નસીબે બધી નકલો ચપોચપ વેચાઈ પણ ગઈ…બોલો !

જો કે…ગોલ્ડઝબોરોનો આ માલિક હજુયે પસ્તાય છે. એટલાં માટે કે…તેણે માત્ર ૨૫૦ કૉપીઝ કેમ ખરીદી?!?! જો અંદરખાનેથી (પેઈજમાંથી) ખબર પડી ગઈ હોત તો કદાચ જે.કેના નામ પર હજુ વધારે જેકપોટ કમાણી કરી હોત!

ખૈર, બ્રાન્ડિંગ દ્વારા કમાણીનું ‘રોવ્લિંગ’ કેમ કરવું તે આ બ્રિટીશર્સ પાસેથી શીખવા જેવું તો ખરું.

| માર્કેટ મોરલો |

=>• જૂનો (ખોટો પડેલો) ક્વોટ:નામમાં શું છે?- ગુલાબને કોઈ પણ નામે બોલાવો તેની સુગંધમાં કોઈ ફરક પડતો નથી.”- શેક્સપિયર

=>• નવો (સાચો પડેલો) ક્વોટ: નામમાં ઘણું બધું છે. બસ તેનું ‘સુગંધીદાર’ બ્રાન્ડિંગ જરૂરી છે.” – મુર્તઝાચાર્ય.
>

જેમને પુસ્તક ‪The Cuckoos Calling ખરીદવું જ હોય તેમના માટે આ લિંક..કોલિંગ:

http://bit.ly/13vO6Af  

http://amzn.to/135yZKx

વેપાર વાવડ:: iOS 7- નવી બોટલમાં ભરાયેલો એપલનો જુનો વાઈન…

ios7_Apple's Latest Mobile Operating System

2013 (C) Apple.inc.

નવા સ્વાદ, આકાર અને રંગો સાથે પાકીને આજે આવેલા એપલની કેટલીક વાતો….

ભડકદાર પેસ્ટલ રંગો, ફ્લેટ આઈકોન્સ, સ્લિક ફોન્ટ અને બ્લેક/વ્હાઈટ ઇન્ટરફેસ જેવી અસરો સાથે ‘કહેવાતા અપડેટ્સ’ લઇ આખરે એપલે આજે તેના મોબાઈલ ડિવાઈસીસમાં વપરાતી (ઓપરેટીંગ સિસ્ટમ) iOS7 ને લોન્ચ કરી જ દીધી.

સાચું કહું?- એપલના એક એપ-ફેન તરીકે મને કાંઈ નવું નથી લાગ્યું. એટલા માટે કે…ગૂગલે તેની એન્ડ્રોઇડ ઓપરેટિંગ સિસ્ટમમાં આ બધું ક્યારનુંયે અપડેટ્સ કરી ‘લાઈખું’ છે. અને હજુ ગયે મહિને થઇ ગયેલી તેની કોન્ફરન્સમાં આના કરતા પણ આગળ નીકળી ચૂકેલી ટેકનોલોજીની ‘વાત્યું’ બતાવી ચુક્યું છે.

વિશ્વની ૪૦%+ મોબાઈલી પ્રજા અત્યારે તેનો અસરકારક સોફ્ટવેર વાપરી રહી છે. હા! એ વાત જરૂરથી કબૂલવી છે કે…તેની પાછળ રહેલી પ્રોસેસ અને ફાસ્ટર રિઝલ્ટ્સ માટે ગૂગલે હવે એપલ કરતા થોડી ઝડપ વધારવી પડશે.

આ ઉપરાંત, એપલે તેનું સાવ હટકે ડિઝાઈન સાથે મેક-પ્રો પણ લોન્ચ કર્યું છે. સુપર એડવાન્સ ડેસ્કટોપ કોમ્પ્યુટર તરીકે આવનારા આ કોમ્પ્યુટર વિશે કહું તો…

“૭ ‘ગૂગલ કંપનીઓ’ ભેગી થઇને નવું કમ્પ્યુટર બનાવે તો પણ એપલની હાર્ડવેર ટેકનોલોજીને તેઓ ક્યારેય તોડી કે હરાવી નહિ શકે. અત્યાર સુધીમાં જેટલાં કોમ્પ્યુટર્સ માર્કેટમાં ‘ચાલી રહ્યાં’ છે તે સૌને ઝટકામાં આ લેટેસ્ટ મેક-પ્રોએ ‘ટચ કર્યા વગર ચટ’ કરી નાખ્યા છે. સલામ છે…તેના બ્રિલિયન્ટ ડિઝાઈનર જોનાથન ઇવને, તેના કોન્સેપ્ટને, તેમાં રહેલી અન-બિટેબલ ટેકનોલોજીને.

એ સિવાય આજે તેના WWDCમાં જે અપડેટ્સ આવી રહ્યાં છે તે વધુ ભાગે થોડાં જ ‘ફાસ્ટર અને મજબૂતર’ જણાયા છે. કેમ કે…ગૂગલ તેની ‘લવિંગ કેરી લાકડી’ લઈને સાથે જ ઉભું છે…હૂડ દબંગ દબંગ હૂડ!

દોસ્તો, એપલીયા માટે મારું તો ફરી પાછુ એ જ રોદણું છે…બાપલીયા:

“પ્યારા સ્ટિવડા ! જો તું હયાત હોત તો તે આ બધું એક-દોઢ વર્ષ પહેલા જ ‘હોટ’ બનાવી દીધું હોત. અત્યારે તારા ‘વાલા’ઓ જે કાંઈ કરે છે ઈ હંધુયે ઇનોવેટીવ ઓછું ને….ઇમ્પ્રુવમેન્ટ વધારે કરે છે.

એ ભ’ઈ, તું ખુદા ને કે’તો ખરો કે તારી લાઈફનું થોડાં મહિનાઓ માટે કાંઈક રી-ઇન્સ્ટોલિંગનું શેટિંગ કરે. આમ તો તે બવ ઈમ્પોસિબલ કામો કરેલા છે તો પછી આજે કેમ ચુપ છે, લ્યા હેં?!?!?!?

HP કંપનીની એક IMP. વાત…

Online Customer Service

Online Customer Service Opportunity

આમ તો પ્રિન્ટરથી વધારે જાણીતી પણ કોમ્પ્યુટરમાં પાયોનિઅર ગણાતી એવી HP કંપનીએ પોતાના કસ્ટમર્સને બીજી કંપનીઓની સરખામણીએ વધુ બહેતર અને અકસીર ઓનલાઈન કસ્ટમર-સેવા શરુ કરી છે.

વાત આમ તો સાવ સામાન્ય લાગે – પણ સીધી, સરળ અને સાચી છે. 

બીજી અનેકાનેક ઓનલાઈન ફોરમનો અભ્યાસ કર્યા બાદ HPના કસ્ટમર્સ રીલેશનશીપ ઓફિસરોએ ઘણાં વાંધા અને વચકાઓ ખોળી કાઢ્યા. પછી નક્કી કર્યું કે જેમ લોખંડને કાપવું હોય તો વધુ બહેતર લોખંડની જરૂર પડે છે (યા પછી ઝેરનું મારણ ઝેરથી થાય છે?) તેમ ગ્રાહકની લાગણીઓ ગ્રાહક બનીને જ સમજી શકાય છે. 

એટલે ‘ HP સપોર્ટ ફોરમ’ના નામ હેઠળ આ ઓનલાઈન સર્વિસ ફોરમમાં તેની પ્રોડક્ટ્સ/સર્વિસ વિશેની માહિતી અને મદદ તેના એક્સપર્ટ ગણાતા કસ્ટમર્સ જ આપે છે.

જેમ જેમ કોઈ એક ગ્રાહક-(સર્વિસ એક્ઝિક્યુટિવ) બીજાં ગ્રાહકોને HP ની પ્રોડક્ટ્સ માટે સંતોષકારક જવાબો આપે છે, તેમને રેન્કિંગ પોઈન્ટસ તેમજ ‘બેજ’ સાથે નવાજવામાં આવે છે. આ પોઇન્ટ્સ દ્વારા તેઓ HP ની જ પ્રોડક્ટ્સ કાં તો પ્યોર ડિસ્કાઉન્ટ પર અથવા તો તદ્દન મફતમાં મેળવે છે.

હવે જો તમારી પાસે તેની પ્રોડક્ટ્સ વિશે સારું એવું એક્સપર્ટ જ્ઞાન હોય અને બીજાં જરૂરતમંદ ગ્રાહકોને મદદરૂપ થવાની ખેવના હોય થોડાંક કેશ કમાવવાની સાથે કૂલ કારકિર્દી ઘડી શકો છો. 

http://h30434.www3.hp.com/

વેપાર વીરતા –| હીટ થઇ બહાર આવેલા ‘હોટ’ સમાચાર |–

ઈ.સ. ૧૯૯૭માં એ વખતે આપણા માટે સૌથી ‘હોટ’ ન્યુઝ હતા.

જ્યારે મેં પણ સાંભળ્યું કે પંજાબી પુત્તર સબીર ભાટિયાએ માત્ર ૧૮ મહિનામાં તેની નવી કંપની ‘હોટમેઇલ’ને કેટલાંક કરોડોમાં માઈક્રોસોફ્ટને વેચી નાખી હતી. ત્યારે સબીરના એ સમાચારની સરખામણી સચિનની કમાણી સાથે પણ કરવામાં આવી હતી.

ત્યાર પછી સબીરતો ક્યાંક કમાણી લઇ બીજાં પ્રોજેક્ટ્સમાં ડૂબી ગયો અને માઈક્રોસોફ્ટનો બિલ ગેટ્સ તેના હોટમેઇલના દરિયામાં તરી ગયો. સમજો કે મફત હોટમેઇલ થકી ઈમેઈલની દુનિયામાં સુપર કોમ્યુનિકેશન રેવોલ્યુશન આવ્યું.

યાહૂ, જીમેઇલ, એ.ઓ.એલ. સાથે હાઈપર હોટ હરીફાઈ કરી હોટમેઇલે ઘણી લીલી-સૂકી જોઈ લીધી. વખતો-વખત બિલ ગેટ્સ તેની આ સિસ્ટમમાં નવા નવા અપડેટ્સ મૂકી ને વીર-યોધ્ધાની જેમ ક્યારેય હાર ન માની આજે તેને એક એવા મુકામ પર લઇ આવ્યો કે…

૧૬ વર્ષ પછી…હોટમેઇલને શહાદત વહોરવી પડી છે.

યેસ દોસ્તો ! આજે હોટમેઇલને સર્વિસ-મોડમાં સુઈ જવાનો વારો આવ્યો છે. માઈક્રોસોફ્ટે તેનું નામ: outlook.com કરીને ફરીથી તેના હરીફોને જડબાતોડ જવાબ આપ્યો છે.

એ તો મર્યું છે પણ સાથે સાથે હોટમેઇલને મેસેન્જર સર્વિસને પણ પોતાની સાથે લઇ ગયું છે. આજે એ બધું એક થઇ આઉટલૂકમાં વિલીન ગયું છે. નીતનવાં લૂક અને ફેસીલીટી સાથે આ ઈમેઈલ સર્વિસ સજ્જ થઇ છે.

જે સૌની પાસે હોટમેઇલ.કોમનું એકાઉન્ટ હોય એ સૌને પણ તેમનું જુનું હોટમેઇલ આઉટલૂકમાં પરિવર્તન કરવાની તક આપવામાં આવી છે. મેં પણ કર્યું છે અને તેના ફંકશન્સને અનુભવ્યા છે.

જો ગૂગલ સાથે કમ્પેર કરીએ તો… આઉટલૂક સાચે જ કૂલ છે…સેક્સી છે !

તમને પણ અનુભવવું હોય તો આવી જાજો: outlook.com પર.  પણ તે પહેલા તેની સેમ્પલ વિડીયોઝ પણ જોઈ લ્યો. 

.

જબ જબ યું યું હોતા હૈ, તબ-તબ કહાં-કહાં ક્યા-ક્યા હોતા હૈ?

આપડા બાપડા દેશમાં કોઈ પણ રાજકીય કે સામાજિક ઘટના થાય ત્યારે…હો હા! પો હા બહુ થાય હોં! આપણે ભલેને અંદર મળેલા હોઈએ, પણ બહારના જ નેશનને ‘યુનાઈટેડ’ કરાવવા આજીજીઓ થાય. વખોડીવેડાઓ થાય. સખ્ખત નિંદા થાય. સમિતિઓ રચાય, ‘તારીખ પે તારીખ’ ગોઠવાય, ને આખરે ડોકાં સાથે ફાંસીના માંચડા પણ ગાયબ થઈ જાય.

ખૈર, હમણાં તો ‘હમ સબ મિલકે’ આપણા રાજ્યોની અનેકતા પર થતી એકતા વિષયે જાણીએ. જેમ કે…  

  • મહારાષ્ટ્રમાં: પહેલા ઉગ્ર મોરચો નીકળશે, જેમાં બીજાં રાજ્યો (ખાસ કરીને બિહારને) એ ઘટના માટે જવાબદાર ગણવામાં આવશે, ત્યાર બાદ મીણબત્તીનું સરઘસ અને પછી?…..એક ફિલ્મ-ડાયરેક્ટર એની પર ‘ફિલ્મ ઉતારવાની તૈયારી કરશે.
  • દિલ્હીમાં: પહેલા તોડફોડ થશે, મારામારીઓ થશે ને પછી…બધું ‘ઠીક’ થઇ જશે.
  • પંજાબમાં: આવા આંતરિક આતંકવાદ વિરદ્ધ ‘કડી સે કડી ભર્થ્સના’ થશે.
  • ઉત્તરપ્રદેશમાં: પહેલા અંદરોઅંદર મારામારી થશે ને પછી એની સીધી વાઈરલ અસર મહારાષ્ટ્રમાં થશે.  
  • જમ્મુ-કાશ્મીરમાં: પહેલા “અમે સૌ સુરક્ષિત નથી.” નો પોકાર આવશે ને પછી લાલ-ચોકમાં લીલો ઝંડો લેહરાશે.
  • પશ્ચિમ બંગાળમાં: પહેલા ચક્કાજામ થશે, હડતાલો પડશે. ને પછી હારીને લોકો નજીકના જ કોઈ પર્યટનસ્થળ પર થાક ખાવા જશે. (કેમ? ‘દીદી’ગીરી નામની બી તો કોઈ ચીજ હોવી જોઈએ ને?!?!)
  • રાજસ્થાનમાં: એમના કોઈક સ્વજનના સ્વજનના સ્વજનનું મૃત્યુ થયું છે કે નહિ એ જાણી એનો ઊંડો શોક-વિલાપ થશે.
  • મધ્યપ્રદેશમાં: લોકોની પૂછપરછ થશે કે ‘યહ ઘટના કહા ઔર કૈસે હુઈ? અને પછી…કશુંયે નહિ થાય.
  • બિહારમાં: પાંચ-પચ્ચીસના ડોકાં ઉડી ગયા હશે, ૨૦-૨૫ ઘરો (આઈમીન ઝૂપડાં) બળી ગયા હશે. સૌ કોઈને લાગશે કે ઓહો કેટલી અસર થઇ ! પણ….એનું મૂળ કારણ બનેલી ઘટના સાથે તંતુથી પણ જોડાયેલું નહીં હોય.
  • જ્યારે ગુજરાતમાં...આઅહા!!! કેટકેટલાં કામો થશે. જુઓ…
  • પહેલા ઘરમાં રહી (મોંમાંથી) ને પછી જાહેરમાં આવી (મનમાં) ગાળાગાળીઓ થશે…એની સીધી અસર ફેસબૂક પર થશે.
  • જેની દિવાલો પર ઉપર મહા-મૃત્યુકાવ્યો રચાશે, દુઃખદ જોક્સ બનશે, આવા આર્ટિકલ્સ લખાશે. ‘ફેક’ ફોટોગ્રાફ્સનું કોપી-પેસ્ટ કરી ફેંકાફેંક થશે.
  • લેંઘાનું નાડુંયે બાંધતા નહિ આવડતું હોય કે ‘ગોમની બારેય નૈ ગ્યા’ હોય એવા બચુભ’ઈઓ પાકી બોર્ડર પર જઈ સામૂહિક ‘મૂત્રવિસર્જન કરાવવાની’ હોંશિયારીઓ ઠોકશે. જેની પર સેંકડો ‘લાઈક્સ’ આવશે.
  • કોઈકનું વહેલે મોડે…‘સાહેબ’ને આડકતરી રીતે પીએમ બનાવવાનું પ્રમોશન થઇ જશે.
  • જ્યાં દિમાગ ‘લગાવવાનું’ હોય ત્યાં હાથ-પગ ચોંટાડાશે.
  • રાજકીય બાબતને કોમવાદમાં વટલાવી દેવાશે.
  • ….પછી?…કોઈક નવી ઘટના બને તેની રાહ જોવાશે. અને રાત્રે તો એ જ પાછુ Unwanted72 યા પછી કામસૂત્રનું પેકેટ તો છે જ ને!…(હવે તમે જ કો’ કે ગુજરાત આટલું બધું પ્રગતિ’શીલ’ કેમ થયું?)
  • …ને બાકીના રાજ્યો: આ બધો તમાશો હરખાતા જોઈ શાંતિ-સ્થાપનના યજ્ઞો કરશે.

આ અસરો દરમિયાન અસલ વેપારી બચ્ચાંવ આ બધીયે ઘટનામાં મીણબત્તીઓ કે ‘ચહ’ વેચી આવ્યો હશે. જેવી જેની ઈચ્છા.

દેશ હમારી માતા હૈ, અબ આપકો ક્યા ક્યા આતા હૈ? 

ખૂબ ઊંચા નામ અને દામ કમાયા બાદ થોડી ‘બદ’નામ થયેલી…ઇન્સ્ટાગ્રામ !

Instagram_Logo

(C) Instagram.com

આ રેપની ઘટના તો શું બની છે કે..યોગાનુયોગ એવાં જ સંલગ્ન સમાચારો બનતા-મળતા રહે છે. ને આપણે રેપ-અપ કરતા રહીએ છીએ. એવી જ એક રેપીડ વાત સોશિયલ મીડિયાના વેપારી આલમમાં વાઈરસની જેમ આ પાછલાં બે દિવસમાં આવીને વહી ગઈ.

=•= ઇન્સ્ટાગ્રામ.કૉમ : ૧ બિલિયન ડોલર્સ (અત્યારના ભાવે રૂપિયા ૫૪૬ અબજ ૬૦ કરોડ માત્ર)માં ફેસબૂકે ખરીદેલી કંપની. (પેપર પર) ઓફિસીયલી દેખાવમાં માત્ર ૭૦૦ મિલિયનનું કેશ વ્યવહાર.

=•= કામ: સ્માર્ટ-મોબાઈલ/પેડબૂક થી ફોટો લઇ એનું વિવિધ રંગોમાં ફિલ્ટરિંગ કરી દુનિયા સાથે શેર કરવાનો સોફ્ટવેર ચલાવવાનું.

=•= ઘણાં સમય પહેલાનું સ્ટેટસ?: અલબત્ત દુનિયાની સૌથી મોંઘી ખરીદાયેલી બાળક કંપની હતી.

=•= ગઈકાલનું સ્ટેટસ?: સોશિયલ મીડિયા થકી તેના પર તેના કહેવાતા ‘ફેન્સ/યુઝર્સ’ દ્વારા થયલો ‘ગેંગ બળાત્કાર’.

=•= કારણ?: એની પોલીસી, ટર્મ્સ અને કન્ડિશનમાં માત્ર એક વાક્યમાં ચેડાં કરવામાં આવ્યા.

=•= ચેડાંની ચોખવટ: “જુઓ, તમે સૌએ બહુ મોટી સંખ્યામાં અમારી ઇન્સ્ટન્ટ સાઈટ થકી ફોટો પાડ્યા છે. એટલે અમે એ પડેલા ફોટોઝને ચાહિયે એને વેચી શકીએ છીએ. કોઈ અમને એમ કરવાથી રોકી શકે નહી. ઉપરાંત અમારા સર્વર પર સેવ થયેલા ફોટોઝને અમે તમને પૂછ્યા વિના એડવર્ટાઈઝીંગ એજન્સીઓને વેચી કે વહેંચી શકીએ છીએ. વગેરે…વગેરે…વગેરે.”

=•= ફેન્સ લોકોનો ડિફેન્સ: ઇન્સ્ટાગ્રામના ધડાધડ એકાઉન્ટ્સ બંધ, સર્વિસ પર સોશિયલ મીડિયા દ્વારા થું થું, અને ‘સે નો ટુ ઇન્સ્ટાગ્રામ’ બળવા સાથે પ્રતિ ડીજીટલ બળાત્કાર.

=•= અત્યારનું, હાલનું, સ્ટેટસ: પોતાના સૌ ફેન્સ, યુઝર્સના ઘૂંટણિયે પડી માફી માંગી તેના ફાઉન્ડરે ચોખવટ કરી છે કે…

“માઈ-બાપ, અમને માફ કરો. ભલેને ફેસબૂક અમારો પિતાશ્રી હોય. છતાં હવેથી અમે આવી ભૂલ ક્યારેય નહિ કરીએ. અમે જાણીએ છીએ કે તમે સૌની ફિલ્મ સાથે અમારી પણ ‘ફિલ્લમ અને ઈજ્જત ઉતારી’ શકો છો.

મોરલો:

કેટલીક કંપનીઓને આ રીતે પણ પોતાની ‘ઔકાત જોવા માટે’ આવા (અ)ખતરા લે છે. શું કરીએ? નગ્ન અને સત્ય બંને સમયે બહાર તો આવે જ છે.

સરપંચ:

પોટાના કપરામાં સૌ નાગા….બાવા! આ જોઈ લ્યો એનું સોજ્જું ‘ઉદાર’હરણ