‘દિલ’મુક સરકારથી ‘ડિલ’મેકિંગ સરકારની સફર!!!

.

મની, માર્કેટિંગ, મેનેજમેન્ટ, મેડનેસ, મલ્ટિપ્લિકેશન, મેનિપ્યુલેશન, મોડિફીકેશન, મેજિક-ટચ, જેવાં કેટલાંક ‘મજ્જા’દાર ગુણોની ગૂણ લઈને આવેલા મહામંત્રીશ્રી એટલે ડોનાલ્ડ ટ્રમ્પ.

આ માણસને હું (એક દશકથી પણ વધારે) તેમના રિયાલિટી-શો ‘એપ્રેન્ટિસ’થી ફોલો કરતો આવ્યો છું. “You are Fired!” ના તકિયાકલામ દ્વારા આ ડોનાલ્ડબાબાએ કેટલાંય લોકોની કેરિયરને ત્યારે ‘ડક’ કરી કાં તો ઉજાડી નાખેલી અથવા ઉજાળી દીધેલી.

શો ની શરૂઆતમાં થતું કે આ તેમના નિર્ણયમાં ઉતાવળ તો નથી કરી ને? પણ પછી તેમનો સમજાવટ રાઉન્ડ આવે ત્યારે રહસ્ય ખુલે કે ‘ઐસા મૈને ક્યોં કિયા, માલૂમ?’ અને ત્યારે ખ્યાલ આવે કે ‘બંદેને બાત તો પતે કી બતાઈ હૈ.’

(બાય ધ વે! જેઓ ધંધાધારી દિમાગ ધરાવે છે, તે સૌએ ‘ધ એપ્રેન્ટિસ’ સિરીઝ ન જોઈ હોય એમના માટે ૧૦ સિઝન્સનો મસાલો ઓનલાઈન ખઝાનામાં હાજર છે. ખોળીને ખોલી નાખજો. ખબર પડશે કે ધંધાધૂન કેરિયર કઈ રીતે વિકસાવી શકાય છે.)

ગઈકાલની તેમની પ્રમુખ તરીકેની ટૂંકી સ્પિચ અને બોડી લેન્ગવેજ જોયા પછી લાગ્યું છે કે ‘બોસ, આ ‘કામનો માણસ’ જ છે.

એક બિઝનેસમેન તરીકે જે ત્વરિત નિર્ણય લઇ શકે, જે દરેક બાબતને તોલીને નિવેડો લાવી શકે છે, એ વ્યક્તિ અમેરિકાની સૂકાયેલી સિકલ અને સૂરત પર નવું ક્રિમ અને લોશન લગાવી શકશે.

(એટલે જ અત્યાર સુધી તેમણે જનતાને જાહેરમાં આપેલાં વાયદાઓની શું પરિસ્થિતિ છે, તે જાણવા માટે તેમના (વિરોધીઓએ?!?) ૧૦૦ દિવસની ‘ટ્રેક-ટ્રમ્પ’ સાઈટ વિકસાવી છે. (કામ જો તુમ કરો, કિંમત જો હમે કરેંગે)

ઓબામાઅંકલની ‘દિલ’મુક સરકારથી ટ્રમ્પકાકાની ‘ડિલ’મેકિંગ સરકાર તરફના ટ્રાન્સફોર્મેશનની આખી પ્રોસેસ માર્કેટિંગના મહાગુરુઓ માટે નવું આઈડિયા મેનેજમેન્ટનું મેન્યુઅલ આવ્યું છે. જે શીખશે, જેટલું શીખશે એમના માટે પ્રગતિનો ‘ટ્રમ્પકાર્ડ’ મળ્યો સમજી લેવું!

(દિમાગને મસ્તમ કરનારાં આઈડિયાઝ તમને ડાયરેક્ટ ઈનબોક્સમાં મળે તો આ લિંક પર રિક્વેસ્ટ મુકવી: http://bit.ly/IdeasMarket )

દિમાગથી કોઈને હર્ટ કરવા કરતા હાર્ટથી હિલીંગ….થઇ શકે છે !!!

• “તું કેટલી બદસૂરત લાગે છે!”
• “તારા ડાચાના ઠેકાણા તો જો, બરોબર હસતા પણ નથી આવડતું?!?!”
• “અહીંથી તારો ફોટો હટાવ, સાવ ડબ્બુ લાગે છે!”
• “ઓનલાઈન થઇ આવું કરાય જ કેમ? તને કાંઈ ભાન-બાન પડે છે?”
• “આવાં સેન્સલેસ કામો કરવાને બદલે તારે તો મરી જવું જોઈએ!!!
• “તને શરમ ના આવી આવું કરતા પહેલા. ડૂબી મર ! ઢાંકણીમાં પાણી લઇને.”

ફોટોમાં રહેલી ત્રિશા પ્રભુ…ચાર વર્ષ અગાઉ ૧૨ વર્ષની હતી અને શિકાગોમાં ભણતી ત્યારે તેણે પેપરમાં સમાચાર વાંચ્યા.. જેમાં તેની જ હમ-ઉમ્ર છોકરી રેબેકાએ આપઘાત કર્યાની વિગતો હતી. ત્રિશાને રેબેકાએ કરેલા આત્મહત્યાની વિગતો અને એમાં રહેલાં કારણોએ હલાવી નાખી.

કેમ કે તે લેખમાં રેબેકાની એક નિકટ દોસ્તે (ઉપર મુજબના) બોલેલાં અલગ-અલગ ડાયલોગ્સની રેબેકા પર શું અસર પડેલી તેની ચર્ચા હતી. નાની વયમાં એવાં ડાયલોગ્સથી કંટાળી ચુકેલી, ડરેલી રેબેકાએ આખરે પોતાને આ દુનિયામાંથી બાદ કરી દીધી. પણ આ લેખની અસરે ત્રિશાને એક નવી દિશા આપી. Stop Cyberbullying on Social Media નું મિશન શરુ કરવાની.

૧૩માં વર્ષમાં પ્રવેશતી વખતે એક ટીન-એજ છોકરી શું શું અનુભવી શકે છે, વિચારી શકે છે એનો તેણે લાઈબ્રેરીમાં જઈ અભ્યાસ કર્યો. લોકોના મોં પર તાળાં દેવાને બદલે શબ્દો જ તેમને હાથતાળી આપીએ એવો આઈડિયા શોધી લાવી. અને પછી બે વર્ષની અથાગ મહેનત બાદ મોબાઈલની એપ બનાવી. :RE-THINK

આ એપ એવાં બુલિશ લોકો માટે બનાવી જેઓ શબ્દોથી ‘બીજાંની હળી કરવામાં પાશવી આનંદ મેળવતા હોય, જેમને બીજાંને હંમેશા ક્ષુલ્લક કારણોમાં પણ કોમેન્ટ દ્વારા પજવવાની મજા આવતી હોય, જેઓ બીજાંને નીચે પાડવામાં મોજ આવતી હોય…(જેવું રેબેકાની એક સહપાઠી એ કર્યું ‘તુ.)

ખસ કરીને મોબાઇલ પર રહી સોશિયલ મીડિયામાં તમે ક્યારેક આવેશમાં આવી કોઈને પણ ‘બફાટ કરવાની શરૂઆત કરો ત્યારે આ એપ ટાઈપીંગ વખતે તમને ઘડીકભર માટે એમ કહી રોકી લે છે….

“સબૂર ! મને લાગી રહ્યું છે કે તારા આ શબ્દોથી વાંચનારની લાગણી ઘવાઈ રહી છે. તારાથી અપશબ્દો લખાઈ રહ્યાં છે. મારુ સજેશન છે કે…તું આવું ન કર અને થોડી વાર રોકાઈ જા !”

ત્રિશાની આ એપથી (ખાસ કરીને ઘણાં એવાં ટીન-એજ છોરાં-છોરીઓ Cyberbullying કરતા અટકી ગયા છે. અને થોડાં સમય બાદ તેમને હાશકારો અનુભવાયો છે.

હવે એક નાનકડી વયમાં, એક નાનકડાં વિચાર દ્વારા ત્રિશા આવું એક મોટું સામજિક કાર્ય કરે ત્યારે ગૂગલ પણ તેને સાયન્સ-ફેરમાં ૧૦૦,૦૦૦ ડોલર્સનો મોટો (સોશિયલ-અચિવમેન્ટ) એપ એવોર્ડ આપવા આગળ આવે છે ને!

સોળ વર્ષની થયેલી ત્રિશા પ્રભુને મારા સોળ-સોલ સલામ !!!

મૂક મોરલો: “દિમાગથી કોઈને હર્ટ કરવા કરતા હાર્ટથી હિલીંગ કરીએ તો કેવું?!!!!”

(Image Credit:dailyherald.com)

#StopCyberbullying #Spread #HappinessMore

મધમધતી આઈડિયા પેટીમાંથી શેર થયેલાં કેટલાંક મજેદાર આઈડિયાઝ…

દોસ્તો, તો આ છે….મારી મધમધતી આઈડિયા પેટીમાંથી શેર થયેલાં કેટલાંક મજેદાર આઈડિયાઝ…

•=> ન્યુયોર્કમાં આવેલી એક સિક્યોર્ડ લોકર બનાવતી કંપની, જે મેલા કપડાં ધોઈને પાછા આપે છે…

• => ફ્રેન્કફર્ટ (જર્મની)માં બનતું એક સ્માર્ટ સ્ટિકર, જે તમારી કારની ઉઠાંતરી થતા બચાવે છે…

• => બ્રિટનમાં આવેલુ એક સુપર-માર્કેટ, જે તેમાંથી નીકળતા ‘વેસ્ટ’ (કચરા)થી વીજળી પેદા કરે છે…

• => ભારતમાં આવેલી એક ગ્રામીણ સંસ્થા, જે પૂંઠામાંથી મસ્ત મજાની સ્કૂલબેગ બનાવે છે જેને નાનકડાં ટેબલમાં ફેરવી શકાય છે…

• => સિંગાપોરની એક ટ્રાવેલ કંપની જે સતત ફરતાં મુસાફરોને સામાન વગર મુસાફરી કરી આપવાની સહુલિયત આપે છે…

“આહ !…ઉહ !..વાહ !…વાઉ..! સુપર્બ ! ક્યા બાત હૈ !..” બોલી જવાય એવાં અધધધધધધ આઈડિયાઝ અને ટેરિફિક ટ્રેન્ડઝ દુનિયામાં ક્યાંકને ક્યાંક સતત બનતા જ જાય છે, પેદા થતાં જ જાય છે. પાછલી પોસ્ટમાં મુકેલા ‘આઈડિયા’ ઉપરની પેલી પોસ્ટના સંદર્ભમાં લખ્યું ‘તું કે મને આવાં આઈડિયાઝ ખોળવાનો, જાણવાનો, જોવાનો હાઈપર શોખ છે. સમજોને કે પાવરફૂલ પેશન.

સાત વર્ષ અગાઉ મારી સાથે બનેલી એક સાવ નાનકડી ઘટનામાંથી પેદા થયેલું આ પેશન ક્યારે મારુ પ્રોફેશન બની ગયું એની મને હજુયે ખબર પડી નથી. (અને સાચું કહું તો એવા એનાલિસીસમાં પડવા કરતા આઈડિયાનાં મારા સમંદરમાં મોતીઓ શોધવું મને વધારે પસંદ છે.)

એ સાચું જ છે: ‘જ્યારે તમે પુરા દિલથી, સાચી લગનથી કોઈ વસ્તુ (કે બાબત)ને કુદરત પાસે માંગો છો ત્યારે તમારા માટે આખું આલમ એ વસ્તુ તમારા સુધી પહોંચાડવાની મદદે લાગી જાય છે.” આવું જ મારી સાથે બન્યું.

એક વર્ષ અગાઉ જ્યારે આ શોખ વિશે મારા એક ક્લાયન્ટ (અને હવે પાર્ટનર)ને મારા આ પ્રો-પેશન વિશે ખબર પડી ત્યારે કેટલીક હિન્ટ મેળવી મારા માટે તેમણે મને પોતાના ખર્ચે iPhone/ iPad પર ચાલે એવી Free મોબાઈલ એપ બનાવી ગિફ્ટ આપી જેની હું શોધમાં હતો.
આ એપ એટલે: ટ્રેન્ડલી (Trndly).

વિવિધ ક્ષેત્રે ટ્રેન્ડઝ બનાવતા કે રચતા આવાં ફ્રેન્ડલી સમાચારો અપડેટ કરતી આ કૂલ એપ્લિકેશન આમ જોવા જઈએ તો અન્ય સાઈટ્સની જેમ જ ન્યુઝ-એપ છે. પણ.. માત્ર ન્યુઝ અને ‘આઈડિયા’લિસ્ટીક ન્યુઝમાં અહીં જ ફરક પડે છે. અહીંથી નીકળતાં ટ્રેન્ડી આઈડિયા કોઈકની ઝિંદગી ઉજાળી શકે છ, કેરિયર ખીલવી શકે છે. આઈડિયાનો શું ભરોસો, ખરું ને?

[ જે આઈડિયાઝની ખોદ-ખાણી હું કમાણી કરું છું તેને બીજાં સાથે શેર કરી આપવાની ભલામણ અને ભલાઈ કરનાર મારા એ ક્લાયન્ટ (અને ગુરુ) એ પોતાનું નામ પબ્લિશ કરવાની સંમતિ આપી નથી. એટલે તેમના ગુરુગાન પણ વધુ નહિ કરું.]

માત્ર એટલું કહીશ કે…જેઓની પાસે એપલનાં i-devices હોય તેઓ આ સાવ મફતમાં મળતી Trndly Appને ડાઉનલોડ કરી સમયાન્તરે તેમાંથી નીકળતાં i-ડિયાઝનું રસપાન કરી શકે છે. અને જેટલું બની શકે તેટલી વધુને વધું બીજાંવ જણાવી શકે છે.

http://bit.ly/trndly

તો હવે…
• => અમેરિકાનું એક એવું ઓનલાઈન રેડિયો-સ્ટેશન, જેની જાહેરાત સાથે વાત કરી શકાય છે…

• => ઇટાલીની એક કંપની, જે બાળકો માટે ખાસ એવાં ફર્નિચર્સ બનાવે છે, જે તેમની સાથે વખતોવખત મોટા થાય છે…

• => ઓસ્ટ્રેલીયામાં આવેલી એક રેસ્ટોરેન્ટ, જ્યાં વેસ્ટેજ લાગતાં શાકભાજી અને ફળોની છાલમાંથી સૂપ પીરસાય છે…

• => ચાઈનામાં બનતા એવાં બાંકડા, જે બેસનારને તેમાંથી પીવાનું પાણી પૂરું પાડે છે…

• => જાપાનની એક કંપની, જે ખાસ અંધજનો માટે 3D પ્રિન્ટેડ નકશા બનાવે છે…

જેવાં અઢળક આઈડિયાઝમાંથી શું મેળવવું, કેમ કમાણી કરવી?- એ જવાબદારી હું આપ લોકો પર છોડી દઉં છું. (એટલાં માટે કે એવું સમજાવવા અને સજાવવાની હું પ્રોફેશનલ ફિ લઉં છું. 😉

સબકુછ મુફ્ત કહાં મિલતા હૈ…..બાપલ્યાજી ?!?!?!

(વેપાર વ્યક્તિત્વ): મહાસત્તાનું ‘મોદી’ફાઈડ માર્કેટિંગ એટલે…

.

એક મહાસત્તાની જમીન…’મેડિસન’ સ્ક્વેર પર મોટિવેશનલ સ્પિચ અને મેગા-મેદનીના સર્કલ દ્વારા પોતાના દેશ અને દેશવાસીઓનું માર્કેટિંગ કરી બતાવનાર મોદી નામના આ મહાનાયકે સાબિત કરી બતાવ્યું છે કે ભારત પણ એક (દબાવાયેલી) મહાસત્તા હતી અને હવે જનસત્તાની મદદથી પાછી મેદાનમાં લાવવામાં આવી રહી છે.

જેનો ‘સરકારી (અને સહકારી) શુક્ર’ જયારે પ્રબળ હોય ત્યારે ‘મંગળ’ પણ નડ્યા વિના સાથ આપતો રહે છે તેનું આ એક તાજું ઉદાહરણ છે. વિવિધ મીડિયા દ્વારા સાચું જ કહેવાયું છે કે ગઈકાલે એ જગ્યા ખુદ ‘મોદી’સન બની ગઈ હતી. અને કેમ ન બને?

જે દેશનું સોશિયલ મીડિયા આટલું બધું ક્રિયેટીવ હોય અને જેનો સામાજિક ક્ષેત્રે અક્સીર ઉપયોગ કરી શકાતો હોય ત્યારે ‘શેમલેસ’ પ્રમોશન કરવું પણ જરૂરી થાય છે. મોદી સાહેબે આ જ તક ઝડપી છે અને એક કાંકરે ઘણાં ફળો તોડી બતાવ્યા છે.

વર્ષો પહેલા ઈ.સ. ૧૮૯૩માં શિકાગો ખાતે અમેરિકનોને ઘેલું લગાડનાર એક યુવા નરેન્દ્ર જ હતો. અને આજે વર્ષો પછી આ યુવાદિલ નરેન્દ્રએ રિપીટેશન કર્યું છે. ત્યારે આપણે સૌ જુવાનોને (પંદર-વીસ દિવસ સુધી ન ધોવાયેલી જીન્સની પેન્ટમાં પ્રોફાઈલ ફોટો પડાવ્યે રાખી) ‘માત્ર ફક્ર મહેસૂસ’ કરવાને બદલે એ મહાનાયકની ‘કેટલીક ન કહેવાયેલી’ વાતોને સમજી મિશન આગળ વધારતાં જવું પડશે.

મોદી સાહેબની સુઘડ બોડી લેન્ગવેજ એ જ બતાવે છે કે તેઓ એક સુપર સોફટવેરની જેમ ખૂબ ‘રિસોર્સ હંગ્રી’ છે. તેઓ એમ ઈચ્છે છે કે તેમની જેમ તેમના દેશનાં જુવાનો પણ એવાં જ એંગ્રીયંગ વિચારો ધરાવે અને તેમને સાથ આપે.

બીજાંવની સાવ ક્ષુલ્લક લાગતી બાબતોનો વિરોધ કરવામાં ટાઈમ-પાસ કરવાને બદલે ખુદના ‘આઈડિયા’લિસ્ટીકને બહાર કાઢવા જ પડશે. ‘પંજાની આંગળી’ઓને બંધ રાખવાને બદલે ખોલવી પડશે. માત્ર મનીમાઈન્ડેડ બની રહેવા કરતા મેચ્યોર અને મદદ કરનાર માઈન્ડ બનવું જ પડશે.

અને જો નહિ કર્યું હોય તો….એક દિવસ એવો આવી શકે જ્યારે ખોબેખોબા રડતી વખતે આંસુઓ પણ સાથ નહી આપે. (આવું વાંચીને હસવું આવે, પણ સાચું કહું છું દોસ્તો. વાત હસી કાઢવા જેવી નથી.)

“ન થી હાલ કી જબ હંમે અપની ખબર,
રહે દેખતે લોગોકે ઐબ-ઓ-હુનર,
પડી અપની બુરાઈઓ પે જો નઝર,
તો નિગાહમેં કોઈ બુરા ન રહા.” – બહાદુરશાહ ઝફર.

(ઐબ-ઓ-હુનર= બીજાંને ઉતારી પાડતી વાતો)

‘મોદી’ફાઈડ મોરલો:

“જો તમારું દરેક કામ, વર્તણુંક, સામેની વ્યક્તિને અભિભૂત કરે, પ્રેરણા આપે, નવું સ્વપ્ન જોવાની તાકાત બક્ષે, નવું કરી બતાવવાનો વિચાર આપે યા શીખવે તો દોસ્ત!…સમજો કે તમે લીડર છો જ.” –પીટર ડ્રકર

#ModiatMadision

(Photo Credit: deccanchronicle.com)

વેપાર વિકાસ- આવી જોબનો બોજ લેવા જેવો ખરો?!?!?!….

Tony Hsieh, zappos.com (c) Inc.com

જો સ્વપ્નમાં મને…સપોઝ ગૂગલમાં કોલોબરેટીવ માર્કેટિંગની જોબ પણ ઓફર થાય તો હું કદાચ ૧૦ વાર વિચાર કરુ અને ૧૧મી વારે ઠુકરાવીયે દઉં. કેમ કે એ બાબતે પાકે પાયે મારો વેપારી મિજાજ.. પણ પણ પણ…

ઓફર જો મને ઝાપોઝ.કૉમ (Zappos.com) [જૂતાં સાથે કપડાં અને બીજી અન્ય પર્સનલ એસેસરીઝ વેચતી] તરફથી મળે તો બીજા વિચારે એમને ત્યાં ઇન્ટરવ્યું આપવા બેઠો હોઉં એટલી તરત્પરતા ખરી.

કારણો ઘણાં છે. જેમાં મુખ્ય એ કે…એનો સર્વેસર્વા જુવાનીયો ટોની શેહ (કે હેશ) તેના એમ્પ્લોઇઝને એમ્પ્લોઇ માનતો જ નથી. એ માને છે તેનો બિઝનેસ પાર્ટનર. બસ આ એક પોઈન્ટ જે મને ખૂબ ગમતો આવ્યો છે.

(વધુ વિગતો માટે થોડાં વખત વખત પહેલા ટોનીભાઈએ તેની લખાયેલી બૂક ‘ડિલીવરીંગ હેપિનેસ’નો રિવ્યુ મેં મારા બ્લોગ પર લખ્યો હતો. જેમાં તેના બેકગ્રાઉન્ડ અને ફ્રન્ટ-ગ્રાઉન્ડ ઉપર નોખી બાબતો મુકાયેલી છે. લિંક પોસ્ટને અંતે મૂકી છે.)

હા…તો તેના દરેકેદરેક એસોસીએટ્સને જોબ શરુ કરતા પહેલા ‘ચિલ્ડ આઈસ્ક્રીમ પર ગરમાગરમ ચાસણી’ જેવી ટ્રેઇનિંગ આપવામાં આવે છે. ટેબલ પર ૨૦૦૦ ડોલર્સ કેશ મુકવામાં આવે છે અને કહેવાય છે કે “કાં તો તમે આ કેશ લઈને હાલને હાલ જોબ છોડી શકો છો અથવા ૪ વિકની ઇન્ટેન્સિવ ટ્રેઇનિંગ માટે તમારી જાત અમને સમર્પિત કરી શકો. બાત ખતમ.”

આ ટોનીભૈલું કેટલાંક દિવસોથી પાછો છાપે ચડ્યો છે. તેની કોર્પોરેટેડ નાનકડી નૌકા કંપનીમાંથી ‘મેનેજર’ નામની પોઝીશનને દફનાવી દઈ ‘હોલાક્રેસી’ નામનો નવો મેનેજમેન્ટ કોન્સેપ્ટ અપનાવવા જઈ રહ્યો છે. સરળ ભાષે….‘ભાગલા બધાં અંદર પાડો અને રાજ બહાર કરો.’

“કંપનીના પ્રોજેક્ટ મુજબ ‘સર્કલ’ (ગ્રુપ) બનાવી તેમાં રહેલો દરેક ‘મન્કી’ અને તેનો સહાયક ‘ટાઈમ નિન્જા’ તેમના પાવર મુજબ પોતાની અંગત નેતાગીરી સ્વીકારી પ્રોજેક્ટને અંજામ આપતો રહે અને ગોલ અચિવ કરતો રહે.”

સમજવામાં તમારી નસ થોડી ખેંચાઈ ને?- હાઈલા ! મારી તો શું… અમેરિકાના અન્ય દિગ્ગજ કોર્પોરેટ્સના મેનેજરોની પણ આવી નોખી સિસ્ટમ જાણીને ખેંચાઈ રહી છે. પણ કોઈએ તંગ થયા વિના (અને ટાંગ ખેંચ્યા વિના) ટોનીને આવકાર્યો છે. એમ કહીને કે “બકા! તું ત્યારે સિસ્ટમ તારે ત્યાં શરુ કર….સફળ થશે તો અમેય સ્વીકારવાના જ છીએ !)”

બોલો હવે?- આવી ઓફિશો આપડે ત્યોં ચેટલી? એટલે જ તો કીધું કે…ત્યાં એવી જોબનો બોજ લેવા જેવો છે ને……હેં ભ’ઈ?

~-~~-~હજુ ધરાયા ન હોવ તો…આ લિંક ચાવવા જેવી:

https://netvepaar.wordpress.com/2010/12/11/book_review-delivering-happines/

વ્યાપાર વનિતા: તમને આ રીતે ‘ગળે પડવું’ ગમશે?

પટેલની જીભ એટલે ‘શાર્પ તલવાર’. એક વાર વાગે એટલે કેટલા કટકા થાય એ વિશે કહી ન શકાય, પણ થાય એની ગેરેંટી.

પણ જો પટેલની બ્યુટી, બ્રેઈન અને બોલ (રમવાનો નહિ પણ શબ્દોનો હોં !) ત્રણે અમેરિકાના ‘બોસ્ટનમાં’ એકસાથે ભેગાં થાય ત્યારે ત્યાં રેવોલ્યુશન થાય જ એમાં કોઈ શક ખરો?- જરાયે નહિ લ્યા!

અને એમાંથીયે એક પટલાણી બહાર આઈ જાય તોહઓઓઓઓઓઓઓ…?!?!? તો એનું નામ જલ્દી જલ્દી બોલાઈ જ જાય…

રૂપલ પટેલ.

(Communication Analysis and Design Laboratory)ના ડાયરેક્ટર તરીકે આ દેશી-રૂપાળી રૂપલબૂને ‘બોલવા’ની બાબતમાં સાયન્ટિફિક સોલ્યુશન આપી વિદેશી મીડિયામાં ‘કોમ્યુનિકેશન’ના એક ‘પ્રોબ્લેમની બોલતી બંધ’ કરી છે. હો વે..આપડેહ શીધી ભાસામોં કહીયે તોહ..

‘જે લોકો બોલી શકતા નથી, તેમના માટે તેણે ‘વોકલ આઈ.ડી.’ (VocalID) નામની ટેકનોલોજી વિકસાવી છે. જે ન બોલી શકનાર વ્યક્તિના ગળામાંથી નીકળતા એક્ચ્યુઅલ વેવ્સને પકડી વર્ચ્યુઅલ વોઇસમાં રૂપાંતર કરે છે. આ વોઇસ સિન્થેટીક વોઇસ પણ હોઈ શકે. એટલે કે….બોલી શકનાર એવી વ્યક્તિના અવાજને, ન બોલી શકનાર માટે ઉપયોગમાં લેવાય છે.

બહુ ગળે અટકી જાય એવી વાત લાગે છે ને?- તો એક કામ કરો. http://vocalid.org/ પર જઈ વધારે એ ટેકનોલોજી વિશે (અને થોડું-ઘણું રૂપલબૂન વિશે) પણ જાણી આવો. શક્ય છે આપણામાંથી કોઈનો પટેલી અવાજ અન્યને બોલવામાં મદદ કરી શકે…

બોલો હવે….આવી બાબતમાં કોઈકના માટે ‘ગળે પડી’ને પણ સદ્કાર્ય થઇ શકે છે. કેટલીક બાબતો ‘ભોડામોં મેહલવાની નઈ પણ મોઢામોં (ફિ)મેહલવાનીય હોય, હું ચ્યોં સ, ખરું ન?

જે હોય તે…મેં તો આ ટેકનોલોજીને ‘પટેલીકોમ્યુનિકેશન’ નામ આલી દીધું છે ભ’ઈ !

વેપાર-વાઈરસ:: હસતા- હસાવતા કમાણી કરી શકાય છે….આ રીતે પણ !

દોસ્તો,

તમને થોડું હસતા અને……થોડું વધારે હસાવતા આવડે છે?-

જો હા! તો આજની આ પોસ્ટને દિલમાં વસાવી લેજો. કામ લાગી શકે છે. એટલા માટે કે તેમાંથી એક તકને પકડવાની છે. તો પેશ છે તેની શરૂઆત એક ઉદાહરણ સાથે…

એમનુ નામ છે: મી. વિલી. ઉંમર વર્ષ હશે લગભગ ૫૦+. પણ કામ અનોખું છે. જોવામાં આમ તો સાવ સહેલું લાગે પણ કરવામાં એટલું ય સહેલુંય નથી…બોસ!

વિશ્વ પ્રસિદ્ધ વોલમાર્ટના હાઈપર સ્ટોર્સમાં વિલીભાઈની પોઝીશનનું નામ છે. ‘ગ્રીટર’. એટલે કે આવકારનાર. જેઓ વોલમાર્ટમાં માત્ર ખરીદી કરવા જ નહિ પણ ક્યારેક જોવા (વિન્ડો શોપિંગ કરવા) પણ આવે છે, એવા દરેકને તેઓ હસતા ચહેરે આવકારે છે.

આવનાર ગ્રાહકનું શોપિંગ એન્ટરટેઈનિંગ કેમ બની શકે એની જવાબદારી આ વિલભાઈ વીલું મોઢું કર્યા વિના સંભાળે છે. થાકેલો મૂડ હોય કે પછી સ્ટોર્સની હજારો પ્રોડક્સના સાગરમાંથી જરૂરી એવી વસ્તુઓ આ વિલ હસતા હસતા શોધી આપે છે.

દોસ્તો, આપણામાંથી પણ એવાં કેટલાંક હસમુખભાઈઓ હશે જેઓ શારીરિક રીતે ભલે ‘રીટાયર્ડ’ થયા હોય પણ માનસિક રીતે હજુયે ‘ટાયર્ડ’ ન થયા હોય એમને આપણી દુકાન/ સ્ટોર કે ઇવન કંપનીમાં પણ ‘ગ્રીટર’ ની જોબ આપી આ રીતે સેલ્સ વધારી શકાય છે, યા પછી…આપણા માંથી જે ‘બધી રીતે જુવાન’ છે તેઓ આ રીતે હસી-હસાવીને કમાણી કરી શકે છે. ખરું ને?

જો એવી કોઈ સરફરોશી દિલમાં આવે તો એવા સ્ટોર્સમાં પહોંચી જઈ આવી હસમુખી પોઝિશનની માંગણી સામેથી કરી એક નવા જ પ્રોફેશનલ કેરિયરનું ડેવેલોપ કરતા તમને કોણ રોકી શકે ભલા?!?

સર‘પંચ’:

“કામ કોઈ નાનું કે મોટું નથી હોતું. એ તો આપણે તેની પાછળ રહેલી નિયતને અલગ-અલગ સાઈઝ આપી દેતા હોઈએ છીએ.”

.

વિલીભાઈને જોવો હોય તો આ રહી એની વિડીયો લિંક: 

 

વેપાર વિકાસ: આપનું ‘ઓફિસ’નું જ્ઞાન કેટલું છે?

(C) Amit Singh, Google.

.“તમને કોમ્પ્યુટરમાં શું આવડે?”

“ઓફીસ.”

“આઈ મીન…માઈક્રોસોફ્ટ ઓફિસ?- વર્ડ એક્સેલ, પાવરપોઇન્ટ?”

“જી સર!”

“પણ મને તો ફકત MS. Word જ આવડે.”

“ઓકે. વર્ડમાં મેઈલ-મર્જ, ઇન્ટરેક્ટિવ ફોર્મ ક્રિયેશન, ઓટો-ઈન્ડેક્સની સહૂલિયાતો છે, એ વાપરતા આવડે?”

“એ વળી શું સર?- વર્ડમાં એવા ફંક્શન હોય છે?” 

“એવાં તો ઘણાં ઘણાં જરૂરી ફંક્શન્સ હોય છે, પણ આપણે વાપરીએ તો ને?”

“તો પછી સર એ વાપરવા માટેની તક પણ મળવી જોઈએ ને?- એવી તક મને પાછલી જોબમાં ક્યારેય મળી નથી.”
—————————————————–
ઉપર જેવો ઇન્ટરવ્યું ડાયલોગ્સ શક્ય છે કોઈકને તો ફેસ કરવો પડ્યો હશે, ખરું ને?- 

આ વાતની મને પણ પ્રતીતિ વધારે થઇ જ્યારે ગઈકાલે એક ભારતીય-NRI ભાયડાએ દુનિયાની સુપર-સર્ચ કંપનીમાંથી આ ચેલેન્જિંગ બાબત હજુ ગઈકાલે જ વહેતી કરી છે. 

“અમારું મુખ્ય ટાર્ગેટ હવે એ ‘ઓફિસ’ વાપરનારા ૯૦% લોકોના માર્કેટને કબજે કરવાનું છે. અને એ અમે થોડાં જ વખતની અંદર કબજે કરી લઈશું. કેમ કે માઈક્રોસોફ્ટે તેના ‘ઓફિસ’ પેકેજમાં ઠાંસીઠાંસીને અજબ સહુલીયાતો ભરી છે. જેમાંનો હાર્ડલી ૧૦% ઉપયોગ સામન્ય લોક કરતા હોય છે.” 

– અમિત સિંઘ, ગૂગલ એન્ટરપ્રાઇઝ સોફ્ટવેર ડિવિઝન. 

તેણે સીધા શબ્દોમાં કહ્યું કે…

“મહત્તમ લોકોને એવા ‘એડવાન્સ્ડ’ ફંક્શન્સની જરૂર જ નથી હોતી પછી હાર્ડ-ડિસ્કની ભરી રાખવાનો ફાયદો શું? હવે ઓફિસ પેકેજમાં જે બાબતો ખુબ સરળતાથી અને સૌથી વધુ વપરાશમાં આવે છે તેણે ધ્યાનમાં રાખી સીધેસીધું ઓનલાઈન જ વાપરી શકાય એવી સગવડ અમે ગૂગલ તરફથી આપી રહ્યા છે.”

દોસ્તો, હવે તમે જ કહો કે…ગૂગલમહારાજ તરફથી આવી ચોટદાર-વાણી (કે સોફ્ટ ચેતવણીની) માઈક્રોસોફ્ટ મહારાજા પર કેવી અસર થાય?- 

જે થશે તે. એ તો જે પોતાના પ્રોજેક્ટ્સમાં વધારે બારમું કરશે એની વર્ષ ’૧૩મામાં ખબર પડશે.. 

પણ મારો આજનો સવાલ: આપનું ‘ઓફિસ’નું જ્ઞાન કેટલું છે?- ૫%, ૧૦%, ૧૫% કે ૨૫%. યા પછી ડેવેલોપર જેટલું?

દોસ્તો, સવાલનો ઉદેશ્ય એટલો છે આવનાર વર્ષોમાં તેની વધારે જરૂરિયાત પડવાની છે. શાં માટે અને શું કામ? એ જાણવું હોય તો આ દિવાલ પર સમયાંતરે નજર ફેરવજો કાંઇક અવનવું મળે તો નવાઈ………હોં!

સરપંચ:

ડિસ્કોથેકમાં…

છોકરો: “તું એકલી છે?”

છોકરી: “ના ! હવે નથી. તું આવ્યો ને.”

છોકરો: “વાઉ ! તો તો પછી ફ્રિ હશે, ખરું ને?”

છોકરી: “ના ! મોંઘી છું.”

“તનકી શક્તિ મનકી શક્તિ….Our Own’s Inner Vita!”

(C) Dr. Arun Majumdar

ડૉ. અરુણભાઈ મજુમદાર.

સાયન્ટીસ્ટ છે. પણ આપણે એમને ‘શક્તિમેન’ કહીશું.

“શું કામ ભ’ઈ?”

એટલા માટે કે…ગઈકાલના દિવસો સુધી એમનું કામ હતું : ઓબામા સરકારની નીચે યુ.એસ.એ.ની સરકારી ડિપાર્ટમેન્ટ ઓફ એનર્જીના અન્ડર-સેક્રેટરી તરીકે…(આઆહ! )

ને હવેથી: ગૂગલ મહારાજે અરુણભાઈને એમના એનર્જી વિભાગના વડા તરીકે જોબ આપી દીધી…..(ઓહ વાઉ! )

“કોઈ કારણ?”

“લાખોની સંખ્યામાં ગૂગલના કોમ્પ્યુટર્સ સર્વર સતત ચાલુ રહે છે. એ સિવાય એવા ઘણાં હાર્ડવેર્સ છે જેમ કે..

• >: થોડાં અરસા બાદ આવનારી ડ્રાઈવર-લેસ કારના એન્જિન્સ,

• >: હાઈપર ઈન્ટરનેટ ચલાવતા ફાઈબર્સ, અને

• >: સાથે એવા બીજાં ઘણાં સંતાયેલા પ્રોજેક્ટ્સ જેના થકી ગૂગલજી એમની શક્તિઓનો પરિચય થોડે થોડે દિવસે આપતા જ રહેવાના છે.

ટૂંકમાં, આ બધાં કામોમાં જેટલી શક્તિ ઓછી વપરાય અને વધુને વધુ માત્રામાં ટેકનોલોજીકલ-ફળો મળી શકે એનું ધ્યાન કઈ રીતે રખાય એ બાબતે અરુણભાઈ ગૂગલદેવને સલાહ-સૂચનાઓ આપશે.”

“ઓહ ! ત્યારે એમ કો’ને કે ગૂગલાને એવું લાગ્યું છે કે આ એક ભારતીય ભાયડો છે ઈ ‘પોતાની’ પૂરેપૂરી શક્તિ આ શક્તિઓને બચાવવામાં લગાડી દેશે, બરોબર?”

“જી હા! બવ સાચું કીધું તમે. હવે તમારામાં કોઈક અનોખી શક્તિ પડી હોય તો એને ય બહાર કાઢી બતાવો ને.

“ઓ’ બાપલ્યા, મારી માથાકૂટ મૂક બાજુ પર ને બતાય કે અરુણભ’ઈને ઈ લોકાં પગાર ચેટલો આલશે?”

“બસ દર મહિને થોડાંક જ મિલિયન ડોલર્સ આલી દેશે!, આપડા દેશીઓને તો આમેય ‘થોરામાં ઘન્નું’ જ મલી જાય છે, ભૂલી ગયા?

સર‘પંચ’

એક બ્રેકિંગ ન્યુઝ: 

૬૦૦ રૂપિયા, ૬ બાટલા, ૨૦ SMS જેવાં કેટલાંક ‘કંટ્રોલ્ડ તત્વોએ’ ભેગા મળી કર્યો પ્રજા પર ‘ગેંગરેપ’.

(સ્ત્રીઓ તો શું… હવે પુરુષો પણ અસુરક્ષિત?!?!?)

થોડી હટકે, થોડી લચકે….આ તો ‘ટેસ્લા’ છે એ જાણ!

અમેરિકા જેનું નામ.

હમેશાં, કાયમ, દર વખતે, જ્યારે જ્યારે કોઈક એને સતાવે છે. ત્યારે તેનું શયતાની સંતપણું સંતાડી શાંત હૂમલાખોર બની તેની દેશદાઝ દુનિયાને બતાવી દે છે. એવા ઘણાં ઉદાહરણો દિવસે દિવસે થોથાં બની (ઉ)ભરાઈ રહ્યા છે.

લેટેસ્ટમાં આજે ઓટો-ઇન્ડસ્ટ્રીઝમાં તેની હલચલ વિશે વાત કરવાનું મન થયું છે.

માન્યું કે આલ્ફા-રોમિયો, ક્રાઇસ્લર, બી.એમ.ડબલ્યુ, ફોર્ડ, ફિયાટ, ફેરારી, જગુઆર, મર્સિડીઝ, નિસ્સાન, તાતા, ટોયોટા, વોક્સવેગન, બ્રાન્ડ્સને ગાડીઓ કહો કે કાર….વર્ષોથી ચારેબાજુ દોડી રહી છે. હરીફાઈ કરતી અને કરાવતી રહી છે.

પણ છેલ્લાં ૨-૩ વર્ષથી એક અમેરિકન બ્રાન્ડ માર્કેટમાં આ બધાંની ધીમે ધીમે બામ્બુ મારવા મેદાનમાં આવી ગઈ છે. નામ છે. ‘ટેસ્લા.’ – વિજ્ઞાનના બંધુઓને વૈજ્ઞાનિક ‘નિકોલા ટેસ્લા’ની કથની વિશે થોડી ઘણી જાણકારી હોય. બસ એ જ નામનો ‘લાભ’ લઇ ઉધામા થઇ રહ્યા છે. (આ ‘લાભ’ની પાછળ રહેલી બીજી એક સંતાયેલી રસપ્રદ સ્ટોરી વિશે ક્યારેક વાત કરશું).

‘ટેસ્લા’ બ્રાન્ડ આપણને કદાચ નવી લાગી શકે પણ અમેરિકન્સ માટે એક પોપ્યુલર કાર તરીકે વિકસાવવામાં આવી રહી છે. મુખ્ય કારણ….છેલ્લાં ૫ વર્ષથી પણ વધારે જાપાનની નંબર ૧ ટોયોટાને મારવા માટે.

“અમારા જ દેશમાં કોઈક બીજા દેશની ગાડી….અગાડી કેમ રે’હ, હેં?!?!?

ટોયોટાનું બ્રાન્ડિંગ સર થયું ‘ઇકો-ફ્રેન્ડલી કાર માર્કેટમાં. એન્જીનથી લઇ, પેટ્રોલ, સ્પેશિયલ એસેસરીઝમાં ‘ઇકો-ફ્રેન્ડલી’ મુદ્દાને પકડી જાપાનીઓએ અમેરિકન્સના ખિસ્સાં પર ખાસ્સો હૂમલો કર્યો. ત્યારે ઊંઘતી ઝડપાયેલી જનરલ મોટર્સ જેવી બીજી આગળ પડતી બ્રાન્ડ્સને…પડતી જોવાનો વારો આવ્યો.

અને..ત્યાં જ ૨૦૦૩થી ધીમે ધીમે ‘ટેસ્લા’નું આગમન કરી દેવામાં આવ્યું. ટોયોટામાં હજુ બહુ વિકસિત ન થયેલો એક મુદ્દો પકડીને.- ‘ઈલેક્ટ્રીકલ’.

યેસ! આખી કારને સાવ ‘હટકે’ ઈલેક્ટ્રીકલ (વીજળીક) તરીકે વિકસાવવામાં આવી છે. ઘણી બાબતોમાં. જેમ કે દેખાવમાં (રૂપ-રંગમાં), એન્જિનમાં, પેટ્રોલને બદલે બેટરી-પાવરમાં, આંતરિક-ઓટોમેશનમાં….વગેરે વગેરે.  

પણ માર્કેટ હજુયે વધારે ગરમાગરમ થઇ રહ્યું છે. તેની કોઈ પણ ડીલરશીપ વગર વેચવાની સેલ્સ પદ્ધતિને લીધે…ડાઈરેક્ટ માર્કેટિંગ દ્વારા. જ્યારે દુનિયામાં વધુ ભાગની કંપનીઓ આડી થઇ વેચાણ કરી રહી છે. ત્યારે ટેસ્લાની આ નોન-ડીલરશીપ સિસ્ટમ ઘણી લોકપ્રિય થઇ રહી છે.

સિમ્પલી!…કોઈ મિડલમેન નથી એટલે ભાવ સીધેસીધો ઘટી ગયો છે.

વળી તેના ઇલેકટ્રીફાઈંગ રિ-ચાર્જિંગ સ્ટેશન, સ્પિડી કસ્ટમરસર્વિસ અને સેક્સી રિટેઈલ આઉટલૂકને જોઈ બીજી ઘણી કાર બ્રાન્ડ્સના પેટમાંથી ‘ઓઈલ’ રેડાઈ રહ્યું છે.

કાંઈ નથી સૂઝતું તો અમેરિકન કાર એસોસિએશનનો સહારો લઇ દુનિયાની બીજી બ્રાન્ડ્સે તેની પર કેસ ઠોકી દીધો છે. એવું કહી ને…

“સાલું અમે વર્ષોથી ડીલર્સ સાથે વેચાણ કરી રહ્યાં છે, ને તું કોણ વળી નવી આવી કે સાવ અલગ નિયમો બનાવી ‘ધંધો’ કરી રહી છે. ચાલ તારા કપડાં ઉતાર અને અમને જણાવ કે તને કઈ રીતે વેચાવું’ છે. નહીંતર અમે તને માર્કેટમાં જીવવા નહિ દઈએ.”

કાર સાથે વાતાવરણ પણ ગરમ છે. જોઈએ હવે ‘હટકે’ બાબતમાં કોણ વધુ લટકે છે.

સફળતા તેને મળવાની છે જેણે કાંઈક અલગ કરી આવ્યું છે.