હો જાયે કુછ સૈરાટ!?!?!

નવો જોશ! નવી શરૂઆત !

રાતોરાત લાખો કમાઈ લેવાની ઘેલછા, મહિનામાં જ મિલિયોનેર બની જવાની તીવ્ર ઈચ્છા, કોઈકની વાત ને સાંભળી ન સાંભળી કરીને તુરંત જ પોતાનું રૂઢિચુસ્ત રિએક્શન્સ આપી (કે ચોપડાઈ) દેવાની આદત, દિવસોનું કામ કલાકમાં જ ‘પતાવી નાખવા’ના ગાંડપણમાં આપણે ઘણાં ‘નવજુવાનો’ ઝડપ નામના રોગમાં સપડાતા વાઇરલ બનતા જઇ રહયાં છે. એટલિસ્ટ પાછલાં કેટલાંય મહિનાઓથી મને એનો ઘણો અનુભવ થયો છે.

કોઈ કહે છે કે ‘એક જ જિંદગી’ મળી છે. તો કોઈક કહે છે કે ‘મોત એક જ વાર મળે છે. કાલ (કે કાળ) કોણે જોઈ છે? જેટલું જીવાય એટલું જીવી લ્યો. પણ ખરેખર એવી દોડધામી અને ફિકરી ઝીંદગીમાં આપણે કેટલું જીવી શકીયે છીએ?

માત્ર ‘પૈસાની જ ફૂટપટ્ટી’ દ્વારા બીજાંવને આખેઆખો માપી લેવાની ભૂલમાં આપણે મસ્તમૌલા જેવાં માણસોને ઓળખવાની તસ્દી લેવાનું પણ ભૂલતા જઇ રહ્યાં છે.

સાવ ક્ષુલ્લક બાબતોમાં બીજાં (અરે! બલ્કે આપણા જ સ્વજનો સાથે પણ) જોડે ઝગડો કરી સંબંધોનો રગડો કરતા જઇ રહ્યાં છે. કશુંયે વિચાર્યા વિના માત્ર એકનો ગુસ્સો કે આક્રોશ બીજાંને ટ્રાન્સફોર્મ (અરે હા! એને ‘ફોરવર્ડ’ કહેવાય છે હવે) કરી દઈએ છીએ. લાગણીઓ જાય તેલ લેવા. મને તો દેવું કરીને પણ ઘી તો જોઈશે જ.

પાછલાં ૧૫ દિવસમાં મારા બે પડોશી દોસ્તો (‘અચાનક!’ શબ્દ મારા માટે જ) આ ફાની દુનિયા છોડી ચાલ્યા ગયાં. તેમના મોતના બે દિવસ પહેલા જ એકની સાથે ફેસ-ટુ-ફેસ અને બીજાની સાથે વોટ્સએપી વાત થઇ.

તેમની આંતરિક બીમારીને લીધે તેઓએ તેમનો ‘ડેડ વોઇસ’ પહેલેથી જ સાંભળી લીધો હશે. એટલે જ તેમની વિદાય વાતોમાં ‘ધીરી ધીરી બાપુડિયાં’ નો સૂર મને હવે સંભળાય છે.

બેશક ! મોત એક ઉત્સવ છે. પણ ધ્યાન રહે કે તેના જન્મનો ઉત્સવ ઘોંઘાટિયો કે વસવસો ન બને…અલમસ્ત બને, મજેદાર બને. હસમુખો બને.

નવ મહિનાનો અંત અને દસમા મહિનાની શરૂઆત… હો જાયે કુછ સૈરાટ!?!?!

મનસુખી મોરલો:

“દુવા મેં યાદ રખના !” – મંત્ર માત્ર મજાક ખાતર નથી બોલાતો. તેમાં મેજીક છે. તેની અસર સાચે જ માનું છું અને માણું છું.”

Advertisements

વેપાર વ્યક્તિત્વ: બોક્સની અંદર રહેલો ‘રિફ્રેશિંગ’ આઈડિયા !!!

VENTiT-vinay-mehta-ventilated-pizza-box-2

VENTiT-Vinay-Mehta-Ventilated-pizza-box

દુનિયાની લગભગ બધીજ પિઝ્ઝા કંપનીઓ વાત કરે છે: ‘અમારો પિઝ્ઝા ફ્રેશ !’… ‘ગરમાગરમ પિઝ્ઝા તો અમારો !… ‘અડધો કલાકમાં તાજોમાજો પિઝ્ઝા મેળવો!’…..- બરોબર?. ચાલો માની લઈએ.

પણ બાપલ્યા! વધુંભાગે આ ‘ફ્રેશ’ નામનું ફેક્ટર પિઝ્ઝાની સોડમ સાથે અડધો કલાક પહેલા જ ઉડી ગયેલુ હોય છે. અને તેની અસલ મઝા ૧૫ મિનિટમાં જ પતાવવી પડતી હોય છે. નહીંતર હાથમાં માત્ર આવે ચીમળાયેલો ‘વાસી’ ટુકડો. કારણ?- તેમાં રહેલા મેંદાના કેમિકલ લોચા ! બીજું શું???

સવાલ એ નથી કે તાજગી નામની બી તો કોઈ ચીજ છે કે નહિ?…સવાલ તો છે…આવું ક્યાં સુધી સહન કર્યે જવાનું? – પણ જેમ યદા યદા હી પ્રોબ્લેમ્…તદા તદા સોલ્યુશનમ્ !

ઈટાલી, પિઝ્ઝા, ગરમાગરમ, ફ્રેશ, સોડમ, પેકેજીંગ, બોક્સ, ભારતીય, ગુજરાતી, મહેતા, માર્કેટિંગ…નું નવું જ કોમ્બો-પેકી સોલ્યુશન દુનિયાની સામે આવ્યું છે.

લાવનાર છે આપણા દેશી ગુજ્જુભાઈ વિનય મહેતા.

વિનયભાઈએ અત્યાર સુધી વપરાતા વિદેશી બંધ પિઝ્ઝા બોક્સમાં સાવ (અ)સામાન્ય બુદ્ધિ દોડાવી પિઝ્ઝા સાથે સુગંધ ફેલાવી છે. મહેતા સાહેબે એ ટ્રેડિશનલ બોક્સમાં ઉપર અને નીચે જાળીદાર જગ્યા બનાવી રિફ્રેશિંગ રેવોલ્યુશન કરી બતાવ્યું છે.

તેમના મત મુજબ જ્યારે કોઈપણ ગરમાગરમ ‘પીટ્જા’ વેન્ટીલેશન વિના મુકવામાં આવે તો થોડાં જ સમયમાં તેમાંથી નીકળી જતી વરાળ પિઝ્ઝા સાથે આખા બોક્સને ઠંડું કરી નાખે છે. પણ જો ઉપર-નીચે એવી જાળીદાર જગ્યા બનાવવામાં આવે તો સુગંધી વરાળ તેનું સાયકલિંગ મોંમાં મુક્યા સુધી લાંબો સમય ચલાવે રાખે છે.

હવે બોલો ક્યાં પિઝ્ઝા અને ક્યાં મહેતા?- બુદ્ધિ’ઝ?!?!?!? હુઝ ફાધર? મહેતાજી હવે ચોપડા સાથે બોક્સની સુગંધ ચોપડાવી શકે છે, ખરું ને?

મુર્તઝાચાર્યનો || મહેતા મોરલો ||

જૂની કહેવત: થિંક આઉટસાઈડ ધ બોક્સ.
નવી કહેવત: થિંક ઈનસાઈડ ધ બોક્સ એન્ડ ગેટ આઈડિયા આઉટ!

(સોર્સ: http://www.ventit.in/ )

મફત રમત રમાડે…મોબાઈલ !

Grand Mansion Escape

(તો ચાલો લગાવીએ….ગઈકાલે મુકેલા ‘એપ’ની પોસ્ટનો મોતીડો કૂદકો…)

જસ્ટ ઈમેજીન! તમને મહેલ જેવી બિલ્ડીંગના એક મસ્ત મજાના રૂમમાં લઇ જવામાં આવે છે. જ્યાં…

• વાંચવા માટેના ટેબલ-ખુરશી છે..

• જેના પર લેમ્પ મુકેલો છે…

• દિવાલ પર પિક્ચર ફ્રેમ ભરાવેલી છે…

• તેની પાસે પુસ્તકોની એક છાજલી છે..

• છત પર ઝુમ્મર છે..

• રૂમની વચમાં સોફો છે અને તેની પાસે આર્મ-ચેર છે…વગેરે…વગેરે..

હવે સમજો કે તમને રૂમમાં પૂરી દેવાયા છે. પણ તેમાંથી નીકળવા માટે અલગ-અલગ જગ્યાએ ક્લુઝ (સગડ) મુક્યા છે. જે હિન્ટ દ્વારા શોધી અંતે તેની ચાવી મેળવી ‘બારે’ નીકળવાનું છે.

….તો આ છે આઈફોન-આઈપેડની એ ગેમ જે (ઓફકોર્સ) અમારા દિમાગના દહીં દ્વારા તૈયાર થઇ છે. નામ છે: ગ્રાન્ડ મેન્શન એસ્કેપ! (Grand Mansion Escape)

જેમાં આવા બીજાં અભિન્ન આંઠ રૂમ્સ છે….જેને અર્જુનના કોઠાની જેમ પસાર કરી મહેલની બહાર આવવાનું છે.

સર્ચ, સિક્રેટ, એન્ટરટેઇન્મેન્ટ, ઇન્વોલ્વમેન્ટ, એન્ગેજમેન્ટ જેવાં પહેલુઓ દ્વારા આપણા દિમાગને વલોવવાની પ્રક્રિયાને આવી ગેમ દ્વારા માર્કેટમાં મુકવાનો અમારો મુખ્ય હેતુ હાલ પુરતો કહું તો: “તકને ઝડપી ટેકનોલોજી સાથે હાથ મિલાવવાની છે.”

પણ આ બધું શક્ય બનતું જશે એક અને માત્ર એક કારણે: યુઝર્સ…કે પ્લેયર્સ. યેસ! જેટલાં વધું લોકો તેને વાપરતા-રમતા જશે એટલી તે વધારે જાનદાર બનતી જશે. અને એ જ કારણે જ..ઇસલિયે હી તો….આ ગેમ સાવ મફતમાં આપી દેવાઈ છે. જાવ ખેલો મુફ્તમેં !

સમયાંતરે એમાં નવી થિમ્સ, નવી ચેલેન્જીઝ અને નવા વિષયો ઉમેરવામાં આવશે. જો કે તેમાં વધું શું અને કેવું કેવું અંદર આવતું જશે???!?!? તે બાબતને પણ હાલ પુરતી (ગેમના બેઝની જેમ સ્તો) સંતાવી રાખવામાં આવી છે.

પણ આ ગેમ-એપને અમોએ એક ખુબ અકસીર એવી ઓનલાઈન માર્કેટિંગની હોટ સિસ્ટમ પર લોન્ચ કરી છે. નામ છે, ‘ક્રાઉડ-ફંડિંગ’ (જે વિશે થોડાં વખતમાં આપ સૌને વધુ જાણકારી મળશે. પણ અત્યારે કહું તો…

|| “જેઓને માર્કેટમાં રહેલી કોઇપણ ગમતી પ્રોડક્ટ કે સર્વિસને વધારે વિકસાવવામાં રસ હોય તે વ્યક્તિ કે સંસ્થા તેના મૂળ માલિકને યથાયોગ્ય ફાઈનાન્સિયલ ફાળો (કન્ટ્રીબ્યુશન) આપે છે. જેની સામે મૂળ માલિક તે કન્ટ્રીબ્યુટરને આવનાર પ્રોડકટ અથવા તેની સાથે સંકળાયેલ બાબતનું ઇનામ આપે છે.” ||

દોસ્તો, વધારે સમજવું છે? – તો એક કામ કરો. આ લિંક http://igg.me/at/grandmansion પર આવી જ જાઓ.

જેમાં ગેમની ડાઉનલોડ કરવાની લિંક સાથે આ તેને વિકસાવવાની તક-લિંક પણ મુકવામાં આવી છે. તમને લાગે કે ગ્રાન્ડ-મેન્શનને ગ્રાન્ડ સક્સેસ આપવી છે, તો તેમાં માઈક્રો-ઇન્વેસ્ટમેન્ટ કરી અમને સાથ આપી શકો છો. (જો કે તેના ઇનામો પણ ભારે છે હોં!)

તો હવે તમને એક ‘એપી’ક સવાલ થાય: “માર્કેટિંગના માણસ થઇ…મુર્તઝાભાઈ, તમે મોબાઈલની આવી માથાકૂટમાં કઈ રીતે આવ્યા?

જવાબ: “દોસ્તો, લર્નિંગ એન્ડ અર્નિંગ બંને એકસાથ જે કરે તે માહિતીના મહાસાગરે મોતીડાં મેળવે. ટૂંકમાં.. ઝમાને કે સાથ ચલના ભી તો માર્કેટિંગકા હી કામ હૈ ના?!?”

HP કંપનીની એક IMP. વાત…

Online Customer Service

Online Customer Service Opportunity

આમ તો પ્રિન્ટરથી વધારે જાણીતી પણ કોમ્પ્યુટરમાં પાયોનિઅર ગણાતી એવી HP કંપનીએ પોતાના કસ્ટમર્સને બીજી કંપનીઓની સરખામણીએ વધુ બહેતર અને અકસીર ઓનલાઈન કસ્ટમર-સેવા શરુ કરી છે.

વાત આમ તો સાવ સામાન્ય લાગે – પણ સીધી, સરળ અને સાચી છે. 

બીજી અનેકાનેક ઓનલાઈન ફોરમનો અભ્યાસ કર્યા બાદ HPના કસ્ટમર્સ રીલેશનશીપ ઓફિસરોએ ઘણાં વાંધા અને વચકાઓ ખોળી કાઢ્યા. પછી નક્કી કર્યું કે જેમ લોખંડને કાપવું હોય તો વધુ બહેતર લોખંડની જરૂર પડે છે (યા પછી ઝેરનું મારણ ઝેરથી થાય છે?) તેમ ગ્રાહકની લાગણીઓ ગ્રાહક બનીને જ સમજી શકાય છે. 

એટલે ‘ HP સપોર્ટ ફોરમ’ના નામ હેઠળ આ ઓનલાઈન સર્વિસ ફોરમમાં તેની પ્રોડક્ટ્સ/સર્વિસ વિશેની માહિતી અને મદદ તેના એક્સપર્ટ ગણાતા કસ્ટમર્સ જ આપે છે.

જેમ જેમ કોઈ એક ગ્રાહક-(સર્વિસ એક્ઝિક્યુટિવ) બીજાં ગ્રાહકોને HP ની પ્રોડક્ટ્સ માટે સંતોષકારક જવાબો આપે છે, તેમને રેન્કિંગ પોઈન્ટસ તેમજ ‘બેજ’ સાથે નવાજવામાં આવે છે. આ પોઇન્ટ્સ દ્વારા તેઓ HP ની જ પ્રોડક્ટ્સ કાં તો પ્યોર ડિસ્કાઉન્ટ પર અથવા તો તદ્દન મફતમાં મેળવે છે.

હવે જો તમારી પાસે તેની પ્રોડક્ટ્સ વિશે સારું એવું એક્સપર્ટ જ્ઞાન હોય અને બીજાં જરૂરતમંદ ગ્રાહકોને મદદરૂપ થવાની ખેવના હોય થોડાંક કેશ કમાવવાની સાથે કૂલ કારકિર્દી ઘડી શકો છો. 

http://h30434.www3.hp.com/

આવો વેપાર તો જાત સાથે વારંવાર કરવા જેવો છે.

“બોલ,  તારી આખરી ઈચ્છા શું છે?”

અપરાધ કર્યો ન હોવા છતાં કોઈ આવીને તમને આવું પૂછે તો પહેલી નજરે કાં તો તમે એને જેલનો જલ્લાદ માનો અથવા બહારવટિયો. પણ જે હોય તે. બે ઘડી આપણને થાય કે ઈચ્છા પુરી થાય કે ન થાય પણ આવી સ્થિતિમાં હમણાં જ જાન નીકળી જશે યા પછી બાર વાગી જશે એવું લખલખું પસાર થઇ જાય, ખરુને?

પણ દોસ્તો, આવા જલ્લાદ કે બહારવટિયાઓથી દૂર એક એવી સંસ્થા વિશે વાત કરવી છે. જે ખરેખર અંતિમ ઈચ્છાઓ પુરી કરવામાં મદદ કરે છે. જે એવા લોકોની ઝિંદગીમાં જીન બનીને ચિરાગ જલાવી દે છે જેમનું ભાવી કાં તો અંધકારમય હોય છે કે કાં તો મોતને બિછાને હોય.

વાત કરવી છે. મેક અ વિશ ફાઉન્ડેશનની (Make a Wish Foundation)

એ લોકો અઢી વર્ષના બાળકથી લઇ ૧૭ વર્ષ સુધીના બાળકોને માત્ર એટલો જ સવાલ કરે છે કે…: “બોલ બેટા તારી ઈચ્છા શું છે?”

બાળકની ઈચ્છા કેવી પણ હોય !!!…

  • જસ્ટિન બિબર, બચ્ચન સાહેબ, મેડોના, લેડી ગા-ગા, સાથે લાઈવ પરફોર્મન્સમાં કરવું હોય કે
  • ચીનની આખી દિવાલની કે આખી પૃથ્વી ફરતે ચકરાવો લઇ હવાઈ સફર કરવી હોય…
  • પેરિસના એફીલ ટાવરની ટોચે ૫૦ મિનિટ પીપૂડી ફૂંકવી હોય કે
  • ફિલ્મોમાં આવેલા કાલ્પનિક પાત્રો સાથે દિવસો વિતાવવા હોય…
  • અમેરિકાના પ્રેસિડેન્ટ સાથે દાંડિયા રમવા હોય કે
  • બૃનાઈના સુલતાન સાથે કટિંગ ચાહ મારવી હોય…
  • આંગળા થકવી નાખે તેવી સુપર વિડીયો ગેમ્સ રમવી હોય…કે
  • દુનિયાની બેસ્ટ હોટેલમાં જઈ ઢોકળાં ખાવા હોય યા પછી..
  • ચલતે ચલતે…કોઈકને અમૂલ્ય સિક્રેટ ભેંટ આપી વિદાય થઇ જવું હોય…

ઓહ્ફફફફ……એવી તો કાંઈક કેટલીયે ૨૦-૨૫ હજાર ઈચ્છાઓ-સ્વપ્નાઓને સાચું કરવાનું કામ આ ‘મેક અ વિશ’ સંસ્થાએ કર્યું છે. આ એવા બાળકોની ઈચ્છાઓ છે…

  • જેમને માટે પૃથ્વી-પ્લેનેટ પર રહેવાની બહુ ઓછાં સમયની વિઝા મળી છે.
  • જેમને અનિચ્છિત એવા રોગના ભોગ બનવું પડ્યું છે, જે હાલમાં અસાધ્ય છે.
  • જેમને માટે ડોક્ટરોએ હાથ ધોઈ નાખ્યા છે…

એવા ‘જસ્ટ જન્મેલા’ છોકરાંવને આ દુનિયાથી ‘દસવિદાનિયા’ કહેતા પહેલા આવી ઈચ્છાઓને પૂરી કરવાનું કામ આ સંસ્થામાં સંતાયેલા ઘણાં સંત લોકો કરી રહ્યા છે.

www.wish.org ની સાઈટ પર આ સંસ્થાની વિશે માહિતીઓ તો મળી જશે. એમાં જોવાલાયક અને પછી આચરવાલાયક એવી અઢળક ઈચ્છાઓનું લિસ્ટ પણ છે. જો એની પર માત્ર એક નજર પણ ફેરવવામાં આવે તો બંધુઓ !…દિલથી કહી દઉં છું કે “વોહ આપકે દિલ કો છુ જાયેગી.”

દોસ્તો, દુનિયાને માણવા માટે બાળક બનીએ તો જ કાંઈક મેળવી શકાય નહિતર કોઈક વચ્ચે આવી ગાંઠ મારી દે ત્યારે છેડો તો શું કછોડી વાળવી મુશ્કેલ બની જાય છે.

શું કેન્સર થાય તો જ ઈચ્છાઓ પૂરી કરવી એવું કોણે કહ્યું? પણ..ઈચ્છાઓ થાય ત્યારે એનું કેન્સર ન થઇ જાય એવું તો વર્ષોથી સંત-લોકો કહેતા આવ્યા છે. માનવું ન માનવું માનવીના ‘હાર્ટ’ની વાત છે.

આવો વેપાર તો જાત સાથે વારંવાર કરવા જેવો છે. ઓહ! કેટલું કામ બાકી છે?

“ખુદ માટે સ્વપ્ન સેવવું બહુ મોટી વાત તો છે જ. પણ સાથેસાથે બીજાના સેવેલાં સ્વપ્નાઓની સેવા…એનાથી એ ઘણી મોટી છે.”મુર્તઝાચાર્ય.

 બાળ‘પંચ’

 

વેપાર વાર્તા-વિચાર: તાજા વાંસની [વાસી થઇ ગયેલી] વાર્તા……વેપારના સંદર્ભમાં.

Bamboo_Trees

આપણે સૌએ કોઈકને કોઈક રીતે સેલ્ફ-અથવા બિઝનેસ ડેવેલોપમેંટને લગતા પ્રોગ્રામ કે સેમિનારમાં હાજરી આપી હશે, ખરુને? મન માટે મોટિવેશન અને પ્રોડકટીવીટી માટે પ્રેરણાત્મક બનતા આવા પ્રોગ્રામ્સ મગજના વિકાસમાં વેક્યૂમ-ક્લિનર જેવું કામ કરે છે. વખતોવખત નકારાત્મક પરિબળોની ધૂળ સાફ થતી રહે છે. વિચારો અપડેટ્સ થતાં રહે છે.  

પણ સામાન્યત: આવા સેમિનારમાં દિમાગ પર બમ્બુ વાગે તેવું એક બોરિંગ ઉદાહરણ ખાસ જોવા મળે છે. વાંસનું. બામ્બુનું

 “મિત્રો, તમને ખબર છે?…વાંસને પકવતા પાંચ વર્ષ લાગે છે. બી વાવ્યા પછી પાંચ વર્ષ સુધી ધીરજ ધરી, શાંતિ રાખી વાંસને ઉગવા દેવામાં આવે ત્યારે વખત આવ્યે લાંબે ગાળે ઉંચે ઉગી આ પાક સુપર કમાણી કરાવી આપે છે. આપણા સ્વ-વિકાસનું કે વેપાર-વિકાસનું પણ કાંઇક એવુંજ છે. સમયને સમજી જરૂરી જગ્યાએ રોકાણ કરવામાં આવે ત્યારે મોટો લાભ થાય છે. માટે મનુષ્ય-માત્ર માટે જરૂરી છે કે ધીરજ ધરી સહનશીલતા રાખી રાહ જુએ. તેમાંજ તમારી કર્મશીલતા છે. ટૂંકમાં, ‘થોભો, સમજો, રાહ જુઓ અને આગળ વધો’ની નીતિ આપનાવી જીવનલક્ષી વિકાસ સાધવો જોઈએ. તમારા આત્માને પર પરમ-શાંતિનો અનુભવ કરાવવો હોય ત્યારે ધીરજ ધરી મનને, સમયને આધીન રહી કર્મ કરતા જઈ ફળ મેળવવું એ સુખી મનુષ્યનું સુંદર લક્ષણ છે ”

આઆઆઆઅહ્હ્!….ભક્ત વાંચકો! આટલું શુદ્ધ વાંચવાની પણ ધીરજ રાખી આપ બેશુદ્ધ ન થયા એ બદલ આપનો ખૂબ ખૂબ આભાર!

સાવ બોર્ર્ર્રર્ર્રિંગ…ખોટી વાત…ખોટી સમજણ.

ઓહઉફફફ!…ઝટકો લાગ્યોને?- આટલાં સેમિનારમાં શીખીને આવેલી આવી સરસ મજાની વાત વર્ષો પછી જ્યારે પાછી યાદ આવે ત્યારે તે વખતે શીખેલા જ્ઞાનની ભેંસ પાણીમાં બેસી ગયેલી દેખાય એ દેખીતું છે. પણ આ વાત આ બંદાની નથી. એટલેજ આટલું ખુલ્લું કહેવાની આ પાર્ટીએ હિંમત કરી છે. આ વિરોધી વાક્ય તો ઈન્ટરનેટના જમાનામાં ઉલટું સાબિત કરી વાંસની વાતને રીફ્રેશ કરનાર મારા બીજા એક લેખ-ગુરુ શ્રીમાન નોહા સેન્ટ જોહન્સનું છે.

ઓફકોર્સ, મને આજે આ લેખ-ગુરુના પ્રબળ શુક્રની વાત નથી કરવી પણ તેના આ ‘ધીરજ’, ‘સબ્ર’ કે ‘સબર’ કે ‘સહનશીલતા’ની ચમકીલી વાત કરવી છે. ગામ આખું જ્યારે ‘પડ્યું પાનું નિભાવવાની’ એકજ વાત કરતુ હોય ત્યારે આ પડેલા ‘પાના’ને ખોલવાની હિંમત માટે આ સબરના સાબરને કેટલો કંટ્રોલમાં રાખવો ને કેટલો જોર કરી દોડાવવો એવી સમજણ આપી નોહા સેન્ટ જોહન્સે સાચે સાવ જ અલગ કામ કર્યું છે. એટલે જ મારા બ્લોગ માટે આવા સાવજની વાત કરવામાં મને પણ ઘણી ખુશી થાય છે.

તો બંધુઓ, ભગિનીઓ…..આ નોહાભાઈ વાંસની વાતને ઉલટી લટકાવી ‘વધુ પડતી ધીરજના ફળ ખાટ્ટા’ ના મુદ્દાને સીધો સાબિત કેમ કરશે એની ‘ટુ ધ પોઈન્ટ’ વાત બસ (ઓયે….પાંચ વર્ષે નહિં) આવતી કાલે જ (આ બીજા ભાગમાં)……

ત્યાં સુધી તમ તમારે આ સરપંચમાં ‘પતે કી બાત’ જોઈ જ લ્યો.

સરકાર્ડ‘પંચ’

ફેંકાફેંકી!  એય પાછી ધંધામાં કાર્ડ ફેંકીને?!?!?!?!?  દુનિયા આખી ” પૈસા ફેંક તમાશા દેખ” કહેતું હોય ત્યારે આ કોરિયન છોકરો ધમાલ કરીને બતાવી રહ્યો છે:

“કાર્ડ ફેંક ડાઇરેક્ટ, ….ઔર તમાશા દેખ ઇનડાઇરેક્ટ….સેમસંગ બ્રાન્ડકા!…….આને કહીશું કે દિલફેંક કાર્ડ-ફેંકુ

વેપાર-વ્યથા: માત્ર એક સવાલ…

Raising-Fingureદોસ્તો, ઈન્ટરનેટ પર તમારી પ્રોડક્ટ(સ) અથવા સર્વિસ(સેવા) કે કેરિયર(કારકિર્દી) ને શરુ કરવામાં કે ડેવેલોપ કરવામાં કોઈ આડ(મુશ્કેલી) આવતી હોય ને એ માટે તમને એક જ પ્રશ્ન પૂછવો હોય તો તમે કયો પૂછો?-

 આ રહી તમારી પ્રશ્નપેટી: