વેપાર વ્યક્તિત્વ:| માનવતાના મંત્રનું ગ્લોબલ માર્કેટિંગ કરતી…ગાયત્રી !

Gayatri_Datar (C) BI

ગાયત્રી દાતાર નામે દેખાતો આ સોફ્ટ ચહેરો હાર્ડવર્ક કરવા માટે થોડાં સમય અગાઉ મીડિયાના મથાળે ચડ્યો છે.

હાલમાં સ્ટેનફોર્ડ યુનિવર્સીટીની સ્કૂલ ઓફ બિઝનેસ એન્ડ હાર્વર્ડ-કેનેડી સ્કૂલ ઓફ ગવર્નમેન્ટમાં (આપડી ભાસામાં) ધંધાની ચોપડીનું ભણે છે. ૨૭ વર્ષની આ ગાયત્રીએ ભણતરનો મંત્ર એવો ફૂંક્યો છે કે આજે કેટલાંક દેશોનાં (માનનીય) મંત્રીઓ/સરકારો તેમજ પ્રસિદ્ધ NGOs માં તે પોતાનો પગપેસારો કરી પ્રસિદ્ધિ મેળવી ચુકી છે.

૮ વર્ષથી વિશ્વના જાણીતા સરકારી અમલદારો સાથે સતત નેટવર્કિંગ કરતી ગાયત્રીનું એક મિશન છે.:

‘ગવર્નમેન્ટ અને નોન-ગવર્નમેન્ટ સંસ્થાઓને જોડી તેમાં ઉદ્ભવી શકાતા વિવિધ ઇનોવેશન્સ કરવા, જેથી નાનકડાં (પણ ચતુર લાગતા) નાગરિકોના કામોને બહાર લાવી ચમકાવી શકાય.’

(બહુ ચકળવકળ લાગે છે ને?!?!?!)….

પણ દોસ્તો, હાલમાં બિઝનેસ મેનેજમેન્ટના બીજા વર્ષમાં ભણી રહેલી આ દાતાર ગાયત્રીની પ્રોફાઈલ અને પ્રોજેક્ટ-પોર્ટફોલિયો જોયા-જાણ્યા પછી તેને મદદ કરવા કેટલીયે NGOs મદદ માટે આવી રહી છે. વળી ‘મિશન દ્વારા દુનિયાને બદલી શકે એવા સ્ટેનફોર્ડના ટોપ ૧૭ નવયુવાનો’માં તેનું પણ નામ આવી ગયું છે.

તેના વિશે કહેવાની જરૂર શું કામ પડી?

એટલા માટે કે….માર્કેટિંગ માત્ર પ્રોડક્ટ કે સેવાનું જ નથી થઇ શકતું. પણ વ્યક્તિ અને તેમાં રહેલો આઈડિયા પણ એટલો જ મહત્વનો છે. આપણી બિઝનેસ સ્કૂલ્સ અને એન્જિનીયરીંગ કોલેજમાંથી પણ એવા ક્રિયેટિવ નમૂનાંઓ ભરાઈને પડ્યા હોઈ શકે. બસ જરૂર છે, એમને પણ બહાર લાવતા રહેવાની…

મંત્ર મોરલો:

“લાઈફમાં માત્ર…મંત્રો, આયાત-શરીફ, કે સૂત્રો પઢતા રહી ‘સૂવા’ કરતા પથારી ‘તજ’વી વધુ ‘લવિંગ’ભર્યું રાખવું !