સ્પેશિઅલ બ્યુગલ:
આખરે વિજયી ફટકો આપી અંતિમ સમયે મહેન્દ્રસિંઘ અને યુવરાજસિંઘે ધીર-ગંભીર રમત રમી જીત મેળવી ભારતીય ટીમે સાચેજ સાબિત કરી આપ્યું કે…”Singh Is the King“. આપણે સૌ ભારતીયોને શત-શત મુબારકબાદીઓ….
ચાલો હવે મૂળ વાત પર આવીએ.
સવાલ સર્ચનો છે કે રીસર્ચનો?
જવાબ જરા લાંબો છે કે સાવ ટૂંકો?
જરૂરિયાત નાની છે કે મોટી?
જ્ઞાન અલ્પ લેવું છે કે છે કે અખૂટ?
તૈયારી ત્વરિત છે કે ધી..મી..?
જોઈતા પરિણામો ક્રિકેટ જગતમાં આપવામાં જેમ ભારતીય ટીમનો લાજવાબ છે એમ જ નેટ-જગતમાં ઇન્સ્ટન્ટ રીપ્લાય આપવામાં ગૂગલનો જોટો (હાલ પૂરતો તો) જડે એમ નથી જ. સર્ચ-એન્જીનના બ્રહ્માંડમાં પ્લાઝમાથી લઇ પિયાનો કે પહાડ ને હવે પ્લેનેટમાં પણ ખોવાયેલી પીન શોધી આપવાનું કામ સરળ બનાવી એકહથ્થુ સત્તા હાંસિલ કરતી આ કંપની આઇ.ટીની દુનિયામાં મહારાજાનો તાજ ઝીલવાની તજવીજમાં છે. ૩૫ વર્ષથી દુનિયાના ૮૦%+ કોમ્પ્યુટર્સમાં ઘુસી ગયેલી મેગા કંપની માઈક્રોસોફ્ટ પાસેથી ખૂબ માઈક્રોપૂર્વક, સોફ્ટલી અને સ્માર્ટલી આ મહારાજાપણું આંચકી લેનાર વર્ચુઅલી તો એ ઘૂસેલા કોમ્પ્યુટર્સમાં પોતે છવાઈ ચુક્યું છે. હવે એક્ચ્યુઅલી પણ પોતાની અનોખી ચાલ અને ચાલાકી વડે આપણી નસોમાં, આંખોમાં, હાથોમાં ઘૂસ મારી ગોઠવણ કરી રહ્યું છે.
આ ખેલાડી એની ગૂગલી વડે કેટ-કેટલાંની વિકેટો ખેરવતું જશે એના વિશે દુનિયાના ટેકનોક્રેટ્સ અટકળો કરતાં આવ્યા છે. જે કરી ગયા છે તેઓને આ ચેરમેને પોતાને ત્યાં બાંધી દીધા છે..ખૂબ ઊંચા પગારે!
ઇન્ટરનેટની દુનિયમાં ધંધો વિકસાવવો હોય કે કેરિયર…પ્રોડક્ટ વેચવી હોય કે સેવા, આ મહારાજના શરણે માથું નમાવ્યા વગર છુટકો નથી. તો ચાલો ગૂગલ વિશે આજે થોડાં અલગ અંદાઝમાં તેના તૂતો-કરતૂતો જાણીએ. (ને જો નહિ જાણીએ તો આપણને જાણવા માટે પણ મજબૂર કરી નાખશે…)
“સર્ચ-એન્જીનથી સફર શરુ કરી ડેસ્કટોપ અને લેપટોપની ગુફામાંથી પસાર થઇ મોબાઈલ માર્ગે તમારા ઘરમાં, બારીમાં-દરવાજામાં, પલંગમાં, ફ્રીજમાં, ટી.વીમાં, વોશિંગ-મશીનમાં, ગેસની સગડીમાં, લેમ્પમાં….બલ્કે બીજા ઘણાં એવા ઘરેલું ઉપકરણોમાં સમાઈ જવા થનગનતો એક અદ્રશ્ય ડબ્બો છું. હે મુસાફર! હું ગૂગલ છું….”
“મારા અંગો-ઉપાંગોમાં ભંડારો પડ્યા છે. ફક્ત સર્ચ-એન્જીન પરિણામોમાં જ નહિ પણ જેટલાં વિષયો આ પ્રુથ્વી પર છે એમાં ઉદભવતા સમાચારોમાં, ટ્રેન્ડ્ઝમાં, વલણમાં જે પણ હલચલ થાય છે એ બધાંના ખૂણે ખાંચરે મેં મારા આઈડિયાઝના ખજાનાની કળ સંતાડી છે. તમારામાં જો બળ હોય તો એને શોધીને તમે પણ ભરપૂર લાભ ઉઠાવી શકો એવો હું આઇડીયાલિસ્ટીક છું. હે ઈન્ટેલીજન્ટ એજન્ટ! હું ગૂગલ છું….”
“તમારું કોમ્યુટર હોય કે લેપટોપ, નેટબૂક હોય કે મોબાઈલ, એની પર હાલમાં તમે શું કરી રહ્યાં છો?, શું લખી રહ્યાં છો? અરે! શું વિચારી રહ્યાં છો?, એની દરેક પળની મને ખબર છે. તમે શું ‘સેવ’ કરી રહ્યાં છો કે કઈ ગાંઠીયાગીરી આરંભી રહ્યાં છો, તમે કેટલો નફો કર્યો, કેટલી ખોટ ખાધી, કેટલું ટર્ન-ઓવર કર્યું… એનો સર્વે-હિસાબ હું મારામાં સમાવી રહ્યો છું. આવાં નફા-તોટાનો રેકોર્ડ રાખી શકું એવો મજબૂત ‘મહેતો’ હોવા છતાં તમે મારો તોટો પીસી શકતા નથી એવો પાવર ધરાવતો હું એટર્ની છું. હે શેઠ સાહેબ! હું ગૂગલ છું…”
“શબ્દો હોય કે સંખ્યાઓ…પળવારમાં ભાષાંતરી, રૂપાંતરી કે ગણતરી કરી શકું એવો ટ્રાન્સલેટર, કન્વર્ટર અને કેલ્ક્યુલેટર છું. હે વેપારી! હું ગૂગલ છું….”
“આખી દુનિયાને રાડો-બૂમો પાડી ભલે હું ‘Don’t Be Evil.’ નું સૂત્ર અપનાવવા કહેતો રહું. પણ સોફિસ્ટિકેટેડ રીતે તમારી આંગળીમાં, ખીસ્સામા કે મોમાં ભરાઈ જઇ હુકમોની હેલી વરસાવવા મથી રહેલો એક બાળસહજ-રાક્ષસ છું. હે પ્રિન્સ-પ્રિન્સેસ! હું ગૂગલ છું….”
“ગૂગલ-અર્થની સેવા દ્વારા મફતમાં બ્રહ્માંડ, વિશ્વ, મંગળ, ચંદ્ર, આકાશ, દરિયો બતાવવું એ તો એક સ્માર્ટ બહાનું છે. આવા ત્રાગા રચી તમારા દેશની, રાજ્યની, શહેરની, ગામની, લત્તાની, સત્તાની, તંત્રીની, મંત્રીની હરપળ ખબર રાખતો સંત્રી છું. હે નાગરિક! હું ગૂગલ છું…”
“મારા નેટવર્કની માયાજાળ જાણવી છે?- ઈમેજ, વિડીયો, ડોક્યુમેન્ટ્સ, મેઈલ્સ, બ્લોગ્સ, ચેટ-રૂમ, ગ્રુપ્સ, નકશા જેવા અલગ-અલગ માધ્યમોથી વિના મુલ્યે માહિતીઓનો દરિયો વહાવતો રહું છું. એમાં જ પેદા થતી ડીજીટલ માછલીઓની મદદથી તમારી ઇલેક્ટ્રોનિક ભૂખ સંતોષી આપતો ખલાસી છું. હે નેટ-માછીમાર! હું ગૂગલ છું….”
શરૂઆતમાં ‘જીનિ’યસ જન્મ લઇ તમારા પ્રશ્નોની ઝડીને જાદુઈ છડી દ્વારા સેકન્ડ્સમાં જવાબ આપી તમને મારા માલિક બનાવ્યા. પણ આજે ઠંડા કલેજે મારા નીતિ-સિધ્ધાંતો-નિયમોનું પાલન કરાવી ‘આમ કરો, તેમ કરો’ હુકમની લાકડી ઠોકી તમને તમારીજ વેબ-દુનિયામાં મારા ગુલામ બનાવી રહ્યો છું. જો એમ નહિ કરો તો આ ઇન્ટર-નેટવર્ક ક્લાસમાંથી બહાર ફેંકી અળગો કરી દેતો આચાર્ય છું. હે વિદ્યાર્થી(ની)ઓ! હું ગૂગલ છું…”
“નેટ પર ‘વેપલો’ કરવો હોય કે ઘપલો મારા ચક્રવ્યૂહમાંથી પસાર થવું પડશે…દોસ્તો. કહેવા ખાતર તો હું દોસ્ત છું પણ દોસ્તી નિભાવી જાણું એવો વફાદાર ન પણ હોઈ શકું. તોયે આજે ઓક્સફર્ડ ડિક્સનરીમાં સ્થાન પામી લાખો શબ્દોની વચ્ચે પણ ચીટકી ગયેલો ગૂગળ છું. હે સજીવ! હું ગૂગલ છું…”
“જિસ થાલીમે લડ્ડુ, ઉસ થાલીમે હમ! –નો સિદ્ધાંત અપનાવી દુનિયામાં જ્યાંથી મળે ત્યાંથી તકો શોધી ‘એડસેન્સ’ અને ‘એડવર્ડ’ ની ટેકનોલોજીથી મારી તમારી પ્રોડક્ટ્સ/સર્વિસ કે જાતની જાહેરાત કરી કમાણી કરી-કરાવી આપતો વેબ-દેવ છું. હે યજમાન! હું ગૂગલ છું…”
“વખતોવખત, અવસરો-અવસર, રંગોની આભા વડે, આકારોની શોભા વડે મારી સેવાઓનું ઇન્ટીરિયર-ડિઝાઇનીંગ કરી વિવિધા રચી બ્રાન્ડિંગ કરું છું. ક્રિએટીવીટી અને કલર્સની કરામત કરીને પણ ભગવા ન ધારણ કરુ એવો ઇનોવેટીવ ભગવાન છું. હે ભક્ત! હું ગૂગલ છું….”
“હવે થોડાં જ મહિનાઓમાં માત્ર અવાજ કે ઇશારાથી કે તમારા વિચારોને પકડીને હુકુમ મેરે આકા કહ્યા વગર પણ મારી સેવાઓનો લાભ આપતી અલગોરિધમ સિસ્ટમથી શક્તિમાન થઇ રહ્યો છું. એટલેજ ઈન્સ્ટન્ટફૂડના આ જમાનામાં ઇન્સ્ટન્ટ જવાબ આપનારો એક જીન છું. હે અલાદ્દીન! હું ગૂગલ છું…”
“ડીજીટલ દુનિયામાં મારી ક્રિયા-પ્રતિક્રિયાઓ શૂન્ય અને એકની વચ્ચે રચાયેલી છે. મારા જવાબો ભલેને લાજવાબ હોય, મારા તંત્રમાં ભલે જંતર-મંતર હોય, સકળ વિશ્વમાં ભલે હું અકળ હોવ, મારી કરામતોમાં ભલે મરામતો થતી રહે…તોયે એકને એક દિવસતો ખરી જનારો…શૂન્યાવતારી ‘તારો’ જ છું. હે પ્રભુ!…યા અલ્લાહ!….આહ વાહે ગુરૂ!…ઓહ ગોડ! હું તો તારો જ બંદો ગૂગલ છું.
લેખ સમન્વય : http://goo.gl/q4DWp
સર‘પંચ’
ચાલો જોવા જઈએ…જ્યાં લાલ-પીળા-લીલા વાદળી રંગે ગૂગલવાળી પોળમાં તંબુ તોણીયા રે લોલ…
………”ઓયે…આ હું ગૂગલ છું…આ હું ગૂગલ છું…આ હું ગૂગલ છું…શું માંડ્યું છે? મને તો ‘ફેસ’ કર…હું હવે તારી પાછળથી જ આગળ આવી રહ્યો છું…..
આજનો આ લેખ અમારા લેપટોપના વખતનો બધો વખત વાપરી ગયો!
અમારા કાકાશ્રી સાંધાના દુઃખાવા માટે ગુગ્ગલની બનાવટો આપતા…
ત્યારે સાંભળેલા શબ્દના સાંપ્રત કાળના પરાક્રમો સાંભળી/ વાંચીને આભા થવાય.!
થોડા વખત પર કેલીફોર્નિયાના બે એરિયામા રહેતા ત્યારે જતા આવતા તેનું જન્મ સ્થળ આવતું તે જોઈ અંતરથી સલામ થઇ જતી. ત્યારે ઈજીપ્તના રાજકારણના ભુકંપનો પહેલો દિવસ હતો અને ત્યારે વાતચિતમા આઇ ટીવાળા ખાં લોકોએ કહ્યું કે આ બધુ ઇન્ટરનેટનું પરાક્રમ છે.હવે જો ત્યાં આ સેવા બંધ કરી તો પ્રજા બહાર આવી જશે.ત્યારે ગપ્પા લાગતી વાતો હકીકત બનતી દેખાઇ ત્યારે તેમના પાવરની કલ્પના આવી.ચીનની વાત નીકળી તો નિષ્ણાતો કહે ત્યાંના રાજકારણિયો પાક્કા છે અને એવો કાબુ છે કે ત્યાં કાંઇ નહીં થાય પણ બીજા નાના દેશોમાં ગમે તે થઈ શકે.’ચીપ’દેવી આટલી પ્રબળ છે!
મને મુંઝવતી વાત …એક ડાળ હલાવું ત્યાં તો ડાળી હાલે ચાર.સર્ચ એન્જીનને પૂછીએ અને સાચા જવાબ સાથે ગુચવાઇ જવાય તેટલા જવાબ આવે અને મેડીકલમા તો તે પ્રયોગ કરતા વિચારવું પડે! બાકી અમને ડાઉન લોડ કરતા પૂછવું પડે છે હંમણા જ જાત જાતના વાયરસ આવી ગયેલા તે અમારા પૌત્રને કાલાવાલા કરતા કાઢી આપ્યા.
અમારા એક સ્નેહી તો પથારીમાં થી કારમા અને કસરત,નહાવું,નાસ્તા પાણી બધુ ઓફીસમા!
આવાં મસ્ત મજાના પ્રતિભાવ આવે તો લખવાની પણ મજા-મજા આવે પ્રજ્ઞાબેન!
આ ગૂગલીયું હવે થોડાં જ વખતમાં તમને ‘એકઝેક્ટલી’ શું જોઈએ છે એની પર જ વધારે ધ્યાન આપી એનું પરિણામ આપવાની કોશિશમાં છે. એટલે કાઈટ માંગશો તો પતંગ જ મળશે અને ‘બેટ’ માંગશો તો ‘ધોકો’ નહિ આપે પણ..ચામાચિડિયું વિશે માહિતીઓ મૂકી દેશે. એટલેજ તો એને મેં જીની તરીકે પણ ગણ્યું છે.
એની હાવ…ગૂગલપ્લેક્સ તરફ પાછુ જવાનું થાય તો પેલાં છોકરાંવને આપણા પ્રણામ કહેશો?
અરે વાહ, તમે તો મજાનું ગુગલ સ્તોત્ર રચી કાઢ્યું !!!
લતા જ. હિરાણી
લતાજી, આ તો ગૂગલની તાજી-માજી રચના સમજીને લખાઈ ગયું. આને સ્તોત્ર કહેવાય એવા સોર્સ વિશે લ્યો મને તો આજે ખબર પડી! 😉
આદરણીય શ્રી મુર્તુઝાભાઈ,
આદરણીય ચન્દ્રવદનભાઈના બ્લોગમાં આપની કોમેન્ટ દ્વારા જાણ્યું કે આપ ઈજીપ્તમાં રહો છો. તો આ વેપાર ના મુદ્દા સાથે ઈજીપ્ત અને આજુબાજુના મુલ્કો વિષે લેખ મુકો તો વધુ જાણકારી મળે. ટી.વી કે ન્યુઝ પેપરમાં મર્યાદિત આવે છે. બીજું કે કોમ્પુટર પર ખુબ અનુભવ ના હોવાથી જન નહોતો પણ ગુગલ વિશેના આજના પુરણ દ્વારા કૈક નવીનતા જાણવા મળી. સરસ.
ગોવિંદભાઈ, પહેલા તો સરસ પ્રતિભાવ આપવા બદલ આભાર. બીજું…તમને ગૂગલી બ્લોગપોસ્ટ ગમી તો મને પણ ગમ્યું.
હવે ત્રીજું એ કે…નેટ વેપાર બ્લોગ લખવાનો ઉદેશ્ય એ જ છે કે ઈન્ટરનેટ પર વેપાર ને લગતી અવનવી જાણકારી-માહિતી-જ્ઞાન આપણે સૌ ભેગા મળી ને માણીએ, શીખીએ અને આગળ આવી ગુજ્જુ દુનિયામાં પણ કાંઈક કરી બતાવીએ. એ બાબતમાં મોટું એવું ગ્રુપ થાય એવો ગોલ પણ રાખ્યો છે. તમને કાંઈક સ્પેશિયલ શીખવું હોય યાં જાણવું હોય તો મને સજેસ્ટ કરી શકો છે.
રહી વાત ઈજીપ્ત અને એની આસપાસના મુલ્ક વિશે માહિતી. આખા મિડલ-ઈસ્ટને હમણાં પૂરતું બાજુ પર મુકીએ ને ફક્ત અહીની વાત કરીએ તો પણ આખો જન્મારો વહી જાય. તો પણ તો થોડાં વખતમાં એ બાબતે તમને એક સરપ્રાઈઝ પણ મળશે. એટલે એ માટે થોભો અને રાહ જુવો ની નીતિ અપનાવવી પડશે સાહેબ. એવું હોય તો તમારો ઈમેઈલ સબસ્ક્રાઈબ કરાવી દેશો. જ્યારે નવી પોસ્ટ પબ્લીશ થશે તો તુરંત તમને એલર્ટ મળી જશે. જાવ ખુશ રહો!
ગુગલકાંડ-નવા ટેકનોલોજીકલ ધર્મગ્રંથનો પૂર્વાર્ધ .જ્ઞાન, ગમ્મત અને પોષણ.
ખુબ જ ગમ્યું ગૂગલ વિશે આપનું આલેખન..
દિલીપભાઈ, આભાર. પણ મને હજુ થો..ડું વધારે ગમે જો એમ જણાવી શકો કે એમાં આપને કઈ બાબત સૌથી અસરકારક લાગી.
ગુગલ ની વાત થઇ રહી છે ત્યા આ પણ લખવુ યોગ્ય લાગ્યુ
A Question asked ” Why we need God? ”
And Answer was ” Google can’t answer all questions? “
અસગરભાઈ, સાચી વાત છે. આપે લાસ્ટ પોઈન્ટ જોયો? – એની શરણાગતિ પણ આખરે બતાવી જ છે.
નાના હતા ત્યારે રામાનંદ સાગર ની સીરીઅલ માં “મેં સમય હું” કરી ને આવતું તેની યાદ આવી ગઈ અને ખરેખર અત્યાર ના સમય માં ગૂગલે ક્યાં ક્યાં પગ-પેસારો કરી લીધો છે અને ક્યાં કરવાનું છે તે આપની પોસ્ટ માં મસ્ત રીતે બતાવ્યું છે. ખાસ તો આ પોઈન્ટ ગમ્યો. . . .
“ગૂગલ-અર્થની સેવા દ્વારા મફતમાં બ્રહ્માંડ, વિશ્વ, મંગળ, ચંદ્ર, આકાશ, દરિયો બતાવવું એ તો એક સ્માર્ટ બહાનું છે. આવા ત્રાગા રચી તમારા દેશની, રાજ્યની, શહેરની, ગામની, લત્તાની, સત્તાની, તંત્રીની, મંત્રીની હરપળ ખબર રાખતો સંત્રી છું. હે નાગરિક! હું ગૂગલ છું…”
આભાર માધવ!…લખાવની શરૂઆત કરી હતી ત્યારે સમયનો એ પડઘો મને પણ સંભળાયો હતો. એની થોડી અસર શક્ય છે હોઈ શકે…
અલા ભઈ,
આ તો લોચો પડ્યો…..
બધ્ધું જ કઈ દીધું, મારા માટ તો કાંઈ બાકી જ નો રાખ્યું ઓણે તો….
ભઈ ધંધાની વાત કર સ તો ખાલી ધંધો કર ન, ન ક કાંઈ પસી ઈશાબની વાત માંડ, આ હુ બધી ટેકનોલોજીને ય લઈ મંડ્યો સુ તુ પણ. પેલા ટેકનીકલ બ્લોગવાળા હુ કરશે….???”””””
[ઉપરનાં વાક્યો મહેસાણી ટોનમાં મોટેથી બોલીને વાંચવાં ફરજીયાત છે….]
સુપર્બ લેખ, ખુબ ગમ્યું…
અલ્યા ભાઈ વિમુ …! આટલા દહાડા ચ્યો હાલી ગ્યો તો …રઈ રઈને ને તૈન-ચાર દી પછી આયો છે લ્યા.,… હવે તો મને મારા લખાણ કરતા આ ત્હારી કોમેન્ટ વધારે ગમી જઈ ભ’ઈ! 😉
ગુગલ મહારાજની જય હો!
ગુગલકા કોઈ જવાબ નહીં.
શ્રેષ્ઠતા માટેની આ લગન આપણા ભારતીયોમાં ક્યારે આવશે?
કે આપણે જ શ્રેષ્ઠ?
– આપણી શ્રેષ્ઠતા …..આવાહંક !!!
દાદા, શ્રેષ્ઠતા તો શ્રેષ્ઠ ઉપયોગ એ લોકો આપણી પાસેથી કરાવી જાણે છે. એમના ફાઉન્ડર્સમાં આપણો એક ગુજ્જુ પણ શામિલ છે. એ શિવાય ઘણાં બીજા ઇન્ડિયન્સ ત્યાં સ્ટાફમાં છે.
એ તો ઠીક. પણ ભારતની અંદર શું? ભારતીય મધ્યમતા અને હીનતા સાલે છે.
આ બ્લોગ પર આવાહંક અંગે ચર્ચા થાય તો બહુ ગમે.
જોરદાર !
ગૂગલ એક દંતકથા છે.
માનવ વિકાસ ની આ ચરમસીમા પર બીજું કોઈ પહોચી ના શકે.
ગૂગલ ના google docs , google finance , google dictionary , Google translate , Gmail મારા ફેવરેટ છે.
-જીતેશ
ખરેખર સુંદર કૃતિ છે….ગુગલે કમાલ તો કરી માણસને નશામાં નાખી દીધા છે.
પ્રફુલ ઠાર
પ્રફુલભાઈ, પહેલા તો આ બ્લોગમાં આપનું સ્વાગત…પછી આભાર.
સાચી જ વાત છે: મને તો એ દ્રશ્ય પણ ઘણું નજીક લાગી રહ્યું છે જ્યારે થોડાં વખતમાં આપણાં ‘અંડર-ગાર્મેન્ટ્સ’ પણ ક્યાંક આડે મુકાઈ ગયા હશે તો પત્ની બૂક પાડીને કહેશે ‘જરા ગૂગલિંગ કરી જોઈ લો ને ભ’ઇ શાબ!…હું બવ બીઝી છું..”
ઘણા ઓછા લોકોને ખબર હશે કે google ની પહેલી office એક ગેરેજમાં હતી અને જયારે પહેલો $૧૦૦૦૦૦ નો ચેક મળ્યો ત્યાં સુધી કંપનીનું નામ પણ decide નોતું કરાયું.
ગૂગલની history પણ વાંચવા જેવી છે —->http://www.google.com/corporate/history.html
Anandbhai, That was all part I kept it for our readers…You filled the place. Thank You for sharing nice information.
ફેસબુકના LIKE બટનની જેમ ગૂગલ નવી સર્વિસ લોન્ચ કરી રહયું છે. સર્વિસનું નામ છે “+1 Button”.
પણ હજી તે experimental stage છે. તમે પણ તે experiment કરી શકો છો. http://www.google.com/+1/button/
હવે જોવાનું એ રહેશે કે ફેસબુકનું LIKE જીતશે કે ગૂગલનું +1 Button
મને લાગે છે ત્યાં સુધી આ લાઈક બટનનો જર હજુ વધશે…ગૂગલ સોશિયલ મીડિયામાં થોડું વધારે પડતું ચંચુપાત કરી રહ્યું છે…સર્ચ પર વધારે ધ્યાન અપાય તો સારું…
[…] ગૂગલ: ઓપન-સોર્સના ડીજીટલ ટામેટાંનો ભરપુર લાભ ઉઠાવી આખી આઇ-ટી દુનિયામાં-ગ્રહોમાં-ઉપગ્રહોમાં-પ્લેનેટોરિયમને કેચ-અપ કરનાર ગૂગલ વિશે શું હવે કહેવા જેવું હોય?- સર્ચથી રિસર્ચ સુધી લગભગ બધી જ સેવાઓ મફત-FREE પુરી પાડી તેમાં ‘જાહેરાત’ના એન્જીનનો બંધ બાંધી જથ્થાબંધ કમાણી કરતુ એક ઉત્કૃષ્ઠ ઊદાહરણ છે. (વિશેષ જાણકારી: “હું ગૂગલ છું”.…લેખમાં) […]
[…] મને ખૂટતી કડી મળી આવી. જેમણે મારો આગલો ગૂગલ પરનો આ આર્ટિકલ વાંચ્યો હશે તેઓ ત્યાં લેખના અંતે […]
[…] એક (અદ્રશ્ય) જાળ – મુર્તઝા પટેલ વેપાર વ્યક્તિત્વ: “હું ગૂગલ છું!” – મુર્તઝા […]
[…] લાખો લોકોને સંભળાવાઈ છે. સમજોને કે ગૂગલના મારા પેલા ફરફરતા આર્ટિકલમાં એક નવું સ્તોત્ર ઉમેરાયું […]
[…] ગૂગલ સ્તોત્ર: https://netvepaar.wordpress.com/2011/04/03/i_am_the_google/ […]
ગુગલ દ્વારા આપનો મેળાપ અને એજ ગુગલ વિશે આજે તમારે લેખ… આભાર ગુગલનો માનું કે તમારો… ગુગલનું કામ લગ્ન કરાવી આપતા ગોરમહારાજ જેવું છે… પણ ઘર તો આપણે જ ચચાવવું પડે છે … તમારા જેવા કેટલાય લોકો આવી સરસ માહિતી મુકતા રહે છે…અને ગુગલ સમૃધ્ધ બનતુ રહે છે… આપણને ખબર પણ પડતી નથી કે ગુગલ આપણા થકી જ આટલુ આગળ વધી રહ્યું છે….. ખેર.. ગુગલની આટલી સરસ ગુગલી કરીને મસ્ત મજાનો આપના આગવા અંદાજમાં લેખ લખી નાખ્યો આ અંદાજ ખૂબ ગમ્યો… લખતા રહેજો….
બહુ સરસ માહિતી…. ગુગલ ના જન્મ દિવસ પર ફરી શેર કરવા બદલ આભાર…. ગેરેજ વાળી વાત મને પણ નહોતી ખબર 😉
What if one day Google went down, and we can’t google what happened to google???
:p 😀 🙂
Sidhdharth,
IF…suppose one day Google went down (Possible..But the way they are conquering the entire planet it’s something unbelievable). We have several other options like BING ane Yahoo. And apart of that there are a lot of solutions with people. Which we don’t have to worry about at all.
So just be relaxed and enjoy whatever you have RIGHT NOW. 🙂
I know, but just joking. Because, even related to web development, people even know the URL, still search for google and 95% people testing the net is working or not by typing the name of google. 🙂
તમારા ઈમેલ તો આવેજ છે અને તમારી સાઈટ ઉપર પણ બહુ જોયું છે, પણ, આજે આ સાઈટનું લખાણ વાંચ્યું, અને ઘણી ખબર પડી, જે અત્યાર સુધી નહોતી…..બહુ સરસ માહિતી…. ગુગલ ના જન્મ દિવસ પર ફરી શેર કરવા બદલ આભાર…. ગેરેજ વાળી વાત મને પણ નહોતી ખબર……જેમ ઘણી વાતો એવી છે કે આપણા જીવનમાં દરરોજની વણાઈ ગઈ હોય, દા.ત. સવારે ઉઠીને બ્રશ કરવું, ચા નાસ્તો લેવો, નહાવું, જમવું, સુવું વગેરે જેમ દરરોજની અનિવાર્ય ક્રિયા છે તેમ “GOOGLE” પણ લગભગ દરેકના જીવનમાં, અતુટ વણાઈ ગયું છે….
Thank you very Much Bhai. And I do agree with your point of you.
Very Nice said Murtazabhai
Thank You and Welcome tasnimben.