એક ક્લાસી કબૂલાત !

વેલ ડન ! મસ્ત કામ કર્યું !

દસ વર્ષ અગાઉ જ્યારે ભરપૂર વાંચ્યા બાદ લખવાની શરૂઆત કરી ‘તી (યકીનન ! તમે ફેસબૂકની ટાઈમલાઈન ચેક કરી શકો છો) ત્યારે મારી પર ઘણાં લેખકોનો પ્રભાવ હતો.

ખાસ કરીને માર્કેટિંગની ધજા ફરકાતો આવ્યો ‘તો ત્યારે બ્રાયન ટ્રેસી, સેઠ ગોડિન, જેફ વૉકર (સોરી ! એ આપણા જોહ્ની વૉકરનો ભાઈ નથી હોં ને), જેય અબ્રાહમ, ટોની રોબિન્સ, ઇબેન પેગન જેવાં ઘણાં ધૂરંધરોની બૂક્સ, ઓડિયો-વિડિયોઝથી હું નહાયેલો હતો.

પછી આ દશકમાં તેમના ગાઈડન્સ, ઇન્ફ્લ્યુઇન્સથી બીજાં ઘણાં માર્કેટિંગ ક્રિયેટિવ્સ સાથે પણ પનારો પડ્યો છે. જેમાં જેમ્સ અલટૂચર, બ્રાન્ડન બરશાર્ડ, ગેરી વેઈનરચૂક, ગ્રાન્ટ કાર્ડન જેવાં સુપર દિમાગવાળાં માર્કેટિંગ માસ્ટર્સ શામેલ છે.

જેઓએ મને વિચારતા, વાંચતા, લખતા અને પ્રેઝેન્ટ કરતા શીખવ્યું છે. તેમની ગુલાબો-સીતાબો-કિતાબોએ મારી પણ લાઈફ ‘આઈડિયાઝ’થી ભરી દીધી છે. એવાં ‘ગુરુ’ઓનો હું ‘શુક્ર’ગુઝાર છું.

પણ આ સૌમાં મને તેમની કેટલીક વાતો (અ)સામાન્ય લાગી હોય તો તે એ છે કે:

🗣 “ગમે તેવાં સંજોગો હોય, પરિસ્થિતિ હોય, છતાં હંમેશા તમારી જેટલી તાકાત હોય એટલું ઊંચું અને અસીમ વિચારવાની ટેવ રાખવી.”

🗣 “તમારી પાસે જો યુનિક વિચાર હોય, આઈડિયા હોય, પ્રોડક્ટ હોય, સર્વિસ હોય કે સ્કિલ હોય. તેને જરૂરી એવાં દરેક પ્લેટફોર્મ્સ પર બિંદાસ્ત માર્કેટિંગ કરી વહેંચતા રહો, વેચતા રહો.”

🗣 “જે કાંઈ સમાજોપયોગી સેવા, વસ્તુ કે સ્કિલ હોય તેને યુનિક રીતે, ક્રિયેટિવ રીતે, સાવ અલગ લાગે એ રીતે પેશ કરો, કેશ કરો અને પછી એશ કરો.”

🗣 “આઈડિયાનો જમાનો છે. એટલે અત્યારે જે રીતે ટુલ્સ અને પ્લેટફોર્મ્સ મળ્યાં છે તે સૌથી શ્રેષ્ઠ અને આઇડિયલ છે. તો પછી તેનો ઉપયોગ પણ સુપર-શ્રેષ્ઠ થાય તે માટે સતત નવું વિચારતા રહેવુ. અમલ કરતા રહેવુ. ભલેને પછી વય કોઈપણ હોય. બસ તે વ્યય ન જાય તેનું ધ્યાન રાખવું. નહીંતર..

🗣 “મોતના બિછાને હોવ ત્યારે ‘બધું હતું છતાં કર્યું નહિ.’ એવો કોઈ જ એ વસવસો ન રહી જાય. કારણકે એ વસવસો બહુ જલ્દી માનસિક મોત આપી દેતું હોય છે.”

તો હવે સ્કિલ્સને, સોલ્યુશન્સને કોરેકોરા કબરમાં દફનાવી દેવા કે બાળી નાખવા એ દરેકની અંગત ચોઈસ છે. પણ ધ્યાન રહે એ ચોઈસનું પરિણામ આપણા જીવનની ‘વ્યાખ્યા’ આપવા માટે પૂરતી છે. (ચૂઝ યોરસેલ્ફ વેરી ઇફેક્ટીવલી.)

અરે હાં ! ઉભા રહો. જતા-જતા એક બીજી વાત પણ કહી દઉં.

આઈડિયા?! મેગેઝિનના આવનારાં અંકોમાં ઉપર જણાવેલાં માર્કેટિંગ મહારાજોના મેજીક-મંત્રો વિશે જણાવવાનો છું. એટલે એમેઝોન કિન્ડલ એપ કે ગમરોડ પર રહેવાની આદત રાખજો બાપલ્યા.

ઓકે બંધુ, બસ ! આજે એટલું જ બધું.

આઈડિયાનો ભંડારી,
મુર્તઝા.

આઈડિયા મેગેઝિન- જૂન

આઈડિયા?! મેગેઝિન- જૂન’21 (પાર્ટ-1)

“મુર્તજાભ’ઈ, અમદાવાદ-વડોદરા એક્સપ્રેસ હાઇવે જયાંથી શરુ થાય છે ત્યાંથી તમારું ‘આઈડિયા મેગેઝીન’ વાંચવાની શરૂઆત કરી. વડોદરા આવ્યું એ પહેલા જ કિન્ડલ એપની અંદરના મેગેઝીનની ૧૦૦% રીડિંગ મજલ પુરી થઇ ગઈ. માંજલપુરા તો પછી પહોંચવાનું થયું. પણ મજા આવી ગઈ.”

સામાન્ય રીતે કોઈ પણ પ્રોડક્ટ ખરીદ્યા પછી તેના અનુભવ વિષે કાંઈક કહેવાનું થાય તેને આમ તો અંગ્રેજીમાં Testimonial અથવા Review કહેવાય છે. પણ કોઈક વાચકની આવી અવાચક કરતી પ્રતિક્રિયા આવે તો તેને હું ‘Tasty’monial કહું છું. 😍🥰

એની વે ! પાછલાં મહિનામાં તબિયતની બાબતે જે માછલાં ધોવાયાં તેમાંથી મસ્ત બની બહાર આવ્યા બાદ આઈડિયા?! મેગેઝિનના પબ્લિશીંગનું કામ પણ બે મહિના જાણે ‘ગામે વયું ગ્યું’.

પણ પેલી આપણી ઓલિમ્પિક દોડવીર દૂતી ચાંદ જેમ અત્યારે ભાગવા માટે પાછલો રિકોર્ડ તોડવા જેમ તનતોડ પ્રયાસ કરી રહી છે, તેમ મેં પણ મે મહિનાનો અંક આ જુલાઈની પહેલી તારીખે પબ્લિશ કરી મારા આંગળાંને દોડતાં કર્યા છે. ને હવે ફરી એકવાર તેમાંય ભાગ પાડ્યો છે. (આઈ મીન પ્રયોગ કર્યો છે.)

યસ ! હવે એમ કોશિશ છે કે દર મહિને પબ્લિશ થતું આઈડિયા મેગેઝિન હવે દર પખવાડિયે પબ્લિશ કરવાની પહેલ કરી છે. એટલે યુઝ્યુઅલી 6 આર્ટિકલ્સ હવે 4-4 માં વિભાજીત થઈને થનગાટ થતુ આવશે. વળી કિંમતમાં પણ અડધી થઈને આ રીતે હજુ મીનીમમ બની આઈડિયાઝનું મેક્સિમ ફોકસ આપવાની કોશિશ કરશે.

(બોલો, તમને મારુ આ પગલું ગમ્યું હોય તો કોમેન્ટમાં ‘લે ! આ તમે સારું કર્યું હોં !’ લખશો તો મનેય સારુ લાગશે.)

ખૈર, જૂન ૨૦૨૧ના અંકના આ પહેલા ભાગમાં જાણીશું…

૧. તમારી કંપનીના વિઝન અને મિશનને ક્રિયેટિવ રીતે જાણો એક નવા જ ટૂંકા સૂત્રમાં…

૨. કાર-રેન્ટલ કંપની ઉબર કઈ રીતે તેની સર્વિસ દ્વારા આંગળી ચીંધ્યાનું પૂણ્ય કમાઈ શકે છે? જેનો ઉપયોગ (એટલે કે આઈડિયા) તમે પણ તમારી ગાડી દ્વારા લઇ શકો છો. સાવ સિમ્પલી અને આઇડિયલી !

૩. એક ઇટાલિયન વ્યક્તિનું વિઝન તેને આફ્રિકામાં લઇ જઈ એવું સોલ્યુશન આપે છે કે તેના બનાવેલા તોસ્તાની મશીનથી ચોખ્ખું પાણી, પૂરતી વીજળી અને ઇન્ટરનેટ વાઇફાઇની સુવિધા ગામડાંમાં પણ ફેલાઈ જઈ રહી છે.

. એક ખેડૂત જયારે રેંઢા પડેલાં ઘંઉના કોદરામાંથી કિચનવેર્સ (થાળી, વાટકા, છરી, કાંટા-ચમચી) બનાવવાનું સફળ સાહસ કરે છે ત્યારે…

એવાં અપનાવવા લાયક આઈડિયાઝ અત્યારે જ ડાઉનલોડ કરી લ્યો. બાકી ભાગ બીજો આ બીજા પખવાડિયે બસ ! આવ્યો જ સમજો.

પૈસો હાથનો ‘મેલ’ નહિ, પણ ‘એક્સપ્રેસ’ છે.

ખબર નહિ કેમ પણ મને ગ્રાન્ડ-સફળ થઇ ગયેલાં મોટિવેશનલ અને આધ્યાત્મિક ગુરુઓનું એક બીજું વાક્ય પહેલા બહુ ખૂંચતું.

“કૅરિયરની શરૂઆતમાં પૈસા પાછળ દોડશો નહિ, પણ પૈસાને તમારી પાસે દોડાવો એવાં કામ કરો.”

તો એ વાક્યને સમજવા મેં તેને એક સમજુ અને સફળ બિઝનેસમેનની આગળ રજુ કર્યો.

“સાહેબ, તો પછી દોડવું ક્યાં? ઘાસ ખાવા, ચણા-મમરાં પકડવા કે પછી તંબૂરો વગાડવા? પૈસા વિના પગલું આગળ કઈ રીતે ભરી શકાય? – ત્યારે જવાબ મળ્યો: “બેટા ! બેશકમની-માઈન્ડેડ તો બનવું જ. પણ ‘માત્ર મની માઈન્ડેડ’ બનવું એ નુકશાનકારક ખરું.”

સહમત. પણ ખચકાટ વિના એવું સ્પષ્ઠ જણાવવામાં મહત્તમ સફળ-સાહેબો કેમ ચૂપ રહે છે રે ?!?!

ખાસ કરીને જ્યારે આપણા દેશમાં હવે મોબાઈલ-બ્રોડબેન્ડ ઇન્ટરનેટનો હાઇપર વપરાશ થઇ રહ્યો હોય તો (ધક્કે પંચા દોઢસો) ભણતરની સાથે કમાણીનું ગણતર પણ એટલું જ બલ્કે ખૂબ જ અગત્યનું બન્યું છે.

કોલેજીઝમાં હવે થિયરીઝની સાથે ફાઇનાન્સ મેનેજમેન્ટનો પ્રેક્ટિકલ ઉપયોગ કરી કમાણી કરતા શીખવવું એટલું જ ઉપયોગી છે.

કૅરિયરની શરૂઆત કરી રહેલાં ગ્રેજ્યુએટ નવયુવાનો (ખાસ કરીને એન્જીનિયર્સ)ને તેમના એકેડેમિક વર્ષોમાં માત્ર ‘મોશન, રિએક્શન્સ, કંસ્ટ્રક્શન્સ, ફોર્મ્યુલાઝ, ફંડાઝ જેવાં જ ફેકટર્સમાં ડુબોવી દઈ ‘પૈસા’ (મની) નામના તત્ત્વથી એટલા વંચિત રખાય છે કે બહાર નીકળ્યા બાદ તેમને ક્વોલિફાઈડ ભેખધારીને બદલે ડિગ્રીધારી ભિખારી જેવો અનુભવ થાય છે.

અલબત્ત ! કાંઈક અવનવું કરવાની આદત જો ભણતરની શરૂઆતથી જ પાડવામાં આવી હોય તો તે વિદ્યાર્થીઓ તેમનું ગ્રેજ્યુએશન પૂરું કરે તે પહેલા જ કાં પોતાનું સ્ટાર્ટ-અપ સ્થાપી શકે કે પછી કોઈક સ્ટાર્ટ-અપ સાથે જોઈન્ટ થઇ શકે.

જેમાં તેમને એટલિસ્ટ એ સાંત્વના તો મળી જ શકે કે “બકા, દિમાગને ક્રિયેટિવ રીતે ચલાવવા માટે ભરપેટ ભાણું અને આરામદાયક વાતાવરણ અમે આપીશું, તું તારા મગજને આ પ્રોજેક્ટ માટે આઈડિયાના પાટા પર દોડાવ.” – પછી જુવો બાપુ, એ સ્ટાર્ટઅપ કેવી કિક્સ મારે છે.

એટલે જ હાલના યુગમાં ‘ગ્રેજ્યુએટ’ એ જ છે જે તેની આસપાસની દરેક બાબતમાં રહેલાં ‘ગ્રે’નો ‘ગેજ’ મેળવવામાં એન્ગેજ રહે.

નહીંતર આવનારા આર્ટિફિશ્યલ ઇન્ટેલિજન્સના જમાનામાં ચમેલીના તેલ ચોળેલા માથા સાથે કોણ ‘અંદર’ પ્રવેશવા દેશે?…બાબાજી? – નોટ એટ ઓલ બેબી !

— — —

એની વે ! આવું આજે એટલા માટે કહેવાનું મન થયું છે કે નવલોહીયાં યુવાનોને કામ અને કમાણીનું પ્રેક્ટિકલ જ્ઞાન આપતી એક એવી અમેરિકન બોસ છે, (અત્યારે તો આખા વિશ્વમાં એક જ છે.) જેના વિશે હું મારા ‘આઈડિયા?! મેગેઝીન’ના એપ્રિલના અંકમાં જણાવવા જઈ રહ્યો છું.

પણ મારી દ્રઢ આશા છે કે તેના વિશે જાણ્યા બાદ તમારામાંથી પણ કોઈક એ હટકે બોસ જેવી પોઝિશન બનાવવા માટેનો મોટો ઘડો મેળવી શકશે. થોડુંક વધારે જાણવા આવનારી પોસ્ટ્સ પર નજર માંડી રાખજો.

અને હા ! ઘરમાં ‘ફેંકાતા’ છાપાંઓને બંધ કરી હેલ્ધી એમેઝોન કિન્ડલનું આખા વર્ષનું લવાજમ ભરવાથી પૂણ્યનું કામ થશે. અને તેમાં આઈડિયા?! મેગેઝિન પણ સાવ મફતમાં મળશે.

મની મોરલો:

“પૈસો હાથનો ‘મેલ’ નહિ, પણ ‘એક્સપ્રેસ’ છે. તેની શરૂઆત ‘લોકલ’ લેવલથી કરી ‘ગ્લોબલ’ સુધી વિસ્તારી શકાય છે.” 💰💸

દુનિયાની સૌથી પાવફૂલ વ્યક્તિ કોણ?

આઈડિયા મેગેઝિન માર્ચ અંક

એક વાર આઈન્સ્ટાઈનની પાસે એક બાળકના વાલી આવ્યા અને કહ્યું: “સાહેબ, અમને પણ અમારા બાળકને તમારી જેમ જીનિયસ બનાવવો છે, શું કરીએ?”

“મજેદાર વાર્તાઓ સંભળાવો.” – વિજ્ઞાનના ખુરાંટ અને ખાધેલ વૈજ્ઞાનિકે સરળ સાયકોલોજીકલ જવાબ આપ્યો.
વાલીએ સામો પ્રશ્ન કર્યો: “એ તો બરોબર.પણ સાહેબ તેનો માનસિક વિકાસ કરવા માટે શું કરવું?”

“વધું ને વધું વાર્તાઓ સંભળાવો.” – હવે એવો આલ્બર્ટી લાજવાબ સાંભળી લીધા બાદ તે વાલી પણ તે જીનિયસ માઇન્ડના વ્હાલીડા બની જાય એમાં કોઈ શક ખરો? નો. નોટ એટ ઓલ.

તો હવે તમને થશે કે ‘ઓ ભાઈ, આજે અચાનક આમ આઈન્સ્ટાઈન-વાલીની આ વાત કહી તમે કહેવા શું માંગો છો, હેં? તો મારા વ્હાલીડાં દોસ્તો તેની પાછળ બે મુખ્ય કારણો છે.

૧. ગઈકાલે જાજરમાન નેહલબેન ગઢવીનો ઈચ્છાઓ કરવી કે હોવી જોઈએ કે નહિ?‘ એ વિષય પર તેમના ચહેરા જેટલો જ સુંદર વિડીયો જોયો. જેની ૨૫ મિનિટ્સમાં ઉપર મુજબના એ નાનકડા કિસ્સાની વાત એક સાવ અલગ એન્ગલથી ઈચ્છાના તડકા એવા સ્ટોરી-ટેલિંગ ફેક્ટર સાથે કરવામાં આવી છે.

જો તમને વધું જાણવાની ‘ઈચ્છા’ હોય તો યુટયુબ પર જોઈ લેશો. નહીંતર આમેય નેહલબૂનને કે આઈંસ્ટાઈનભઈને ધરાર ખોટું લાગવાનું નથી. 😛

૨. ઉપરના કિસ્સામાં જ્યારે ‘કહાની’ હોય ત્યારે વિશ્વના અઢળક કહાનીકારો, કથાકારોની વચ્ચે જેનું નામ શિરમોર કહી શકાય એવા માર્કેટિંગ જીનિયસ સ્ટિવ જોબ્સને કેમ ભૂલી શકાય? પ્રોડક્ટ્સ, પર્સન, કંપની અને બ્રાન્ડ્સને તેની એક યુનિક ‘સ્ટોરી-સેલિંગ’ આવડત દ્વારા કઈ રીતે વિકસાવી શકાય તે સ્ટિવ બાબુ બખૂબી જાણતા હતા. તેના વડે જ તો ઓક્સિજન વગર ડચકાં ખાઈ રહેલી એપલ કંપનીને તેમણે થોડાંક જ વર્ષોમાં કાર્બન જેવી મજબૂત બનાવી બતાવી.અલબત્ત તેની પાછળ પણ એક બીજું અદભૂત ‘પૌરાણિક કારણ’ હતું. જેને કારણે સ્ટિવ જોબ્સ તે સમયના ‘મોદી સાહેબ’ બની ગયા હતા. 😛

હવે એ કારણ તો હું મારા આઈડિયા?! મેગેઝીન‘ના માર્ચ મહિનાના અંકમાં ખાસ જણાવી રહ્યો છું. બાકી બધું જો એમને એમ અહીં બતાવી દઈશ તો મારા વાલી (અને મારી વાળી પણ) ખીજાઈ જઈ કહેશે…”બેસો છાનાંમાનાં.” – એટલે ઓવર ટુ એમેઝોન કિન્ડલ… 😉 🙂

૧૦ એવાં પ્રોડક્ટિવ પાઠ જે હું ૨૦૨૦માં શીખ્યો…

૧. જખ મારીને મળેલી (નાપસંદ લાગતી) જોબ કે જોબવર્ક કર્યે રાખવામાં…
૨. ખરેખર કોઈકને ચાહતા હોવા છતાં ક્યારેય પણ તેને બેધડક એકરાર ન કરવામાં…
૩. કોઈના “કેમ છો?” ના સવાલ સામે જવાબમાં ખોટેખોટું “મજામાં હોં!” કહેવામાં…
૪. વીતી ગયેલ પ્રેમિકા (કે પ્રેમી) પર ચાંપતી નજર રાખવામાં…
૫. ‘પેલો કે પેલી મારા માટે શું વિચારશે?’- એવું વિચાર્યે રાખી દિમાગને ત’પેલું’ રાખવામાં…
૬. સ્લો કનેક્શન હોવાં છતાં ‘પેલી ફિલ્મ્સ’ની પાછળ અઢળક કલાકો પસાર કરવામાં…
૭. સોશિયલ મીડિયામાં જોવાં મળતાં લોકોના ‘સ્ટાઈલિશ’ ફોટો જોઈ ખુદને દુઃખી કરવામાં…
૮. કોઈકના સુપર અચિવમેન્ટ્સ જાણી કાયમી ‘દુઃખી જીવડા’ બની રહેવામાં…
૯. કોઈકના બાળકોના અર્થહીન ‘પર્સેન્ટાઈલ’ને જોઈ ખુદના બાળક સાથે સરખામણી કરવામાં…
૧૦.અંદર દબાયેલો એક આઈડિયા કે વિચાર બીજાંને ઉપયોગી થઇ શકે તેવું જાણતા હોવા છતાં ‘ચૂપ’ રહેવામાં…

સમય, શરીર, સંપત્તિ, સ્વાસ્થ્ય, સુખાકારી, સંબંધનો હિસાબ સીધો ‘ઉધાર ખાતે જમા’ થાય છે. 

નવા વર્ષમાં આજે બસ ! એટલું જ.

બાકી “આઈડિયા?! મીની મેગેઝિન હવે ક્રિસ્પી PDF ફોર્મેટમાં એમેઝોન કિન્ડલ પર પણ હાજર થઇ ગયું છે. આ લિંક પર પણ. https://amzn.to/2XeYCh8 

હવે ફરીથી ક્યાં કહું કે ‘આજે જ ડાઉનલોડ કરી લ્યો.’ 

“આ તારાથી (કે તમારાથી) નહિ થઇ શકે.”

હું માનું છું કે આ વાક્ય એવું હાઇપર પ્રેરણાત્મક (હજુ જોશથી કહું તો ધક્કાત્મક !) છે કે જે ઘણાં અશક્ય કામોને શક્ય કરી બતાવે છે.

સાંભળનાર જો આ વાક્યને એક ચેલેન્જ તરીકે સ્વીકારે તો તેણે જે સપનું જોયું છે કે પછી કોઈક અઘરું લાગતું કામ મગજમાં સેવ્યું છે, તે કદાચ તુરંત તો નહિ જ પરંતુ કેટલાંક મહિના કે વર્ષની અંદર તેને અચિવ કરેલું જોઈ શકે છે.

પણ જો સાંભળનાર તેને અપમાન તરીકે સ્વીકારી “હવે તો એનેહ બતાઈ જ દેવું છ.” જેવું ઈગોઈસ્ટિક વલણ અપનાવે તો હું એ પણ માનું છું કે તેના સપના પ્રત્યે ધોબી પછડાટ ખાઈ શકે છે. કારણકે ‘બતાઈ દેવાની’ની વૃત્તિ કરતા ખુદને તે ચેલેન્જ માટે સમર્થ કે સક્ષમ તરીકે સ્વીકારીને વ્યક્તિ કાંઈક અનોખું પરિણામ મેળવી શકે છે.

આવું એટલા માટે કહું છું કે અઢળક આઈડિયાઝની દુનિયામાં ઘણાં એવાં ઉદાહરણો જોયા અને જાણ્યા બાદ મને તેના સોલ્યુશન્સમાં તેની પાછળ રહેલો પડઘો હવે સંભળાય છે.

નેક્સ્ટ ટાઈમ તમારા કોઈક પ્લાન, પ્રોજેક્ટ કે સપના પર કોઈ હસે અથવા “લ્યા ભૈ, ઈ તારાથી નો થઇ હકે” કે પછી “ઈટ’સ ઇમ્પોસિબલ ફોર યુ” કહે ત્યારે, તમેય એ વ્યક્તિકે વાક્ય પર ‘હસી કાઢજો’. ને સમજી જજો કે તમે એ કામ સિદ્ધ કરી શકો છો.

આઈડિયા?! મેગેઝિન‘ એવું જ એક પરિણામ છે જેને પહેલા “બહુ ચાન્સ લેવા જેવો નથી.” એવું કહી દબાવી દેવામાં આવ્યું હતું. કહેનાર સાહેબ હવે તેનું કવર પેઈજ અને કન્ટેન્ટ જોઈ સંતુષ્ઠ હાસ્ય સાથે મોં હલાવી જાણે શાબાશી આપી રહયા છે. પણ તેનેય હું ચેલેન્જ તરીકે સ્વીકારી આગળ વધી રહ્યો છું. વિવેકાનંદની જેમ “યા હોમ” કરીને…

તો હવે ‘યા હોમ’ની સાથે જેમને ‘વર્ક ફ્રોમ હોમ’ જેવી લાઈફ-સ્ટાઇલ મેળવવી હોય તો અત્યારે જ મેગેઝિન આ લિંક પર સબ્સ્ક્રાઇબ કરાવી લેજો.: https://gum.co/IdeasMag

સુખની વહેંચણી કરી ખુશીઓ વેચનાર એક ઉદ્યોગ સાહસિક એટલે… ટોની !

મને લાસ-વેગાસ શહેરના ડાઉનટાઉનને એક નવો જ ઓપ આપી ડેવેલોપ કરવો છે. હું માનુ છું કે એમ કરવાથી તેની ભવ્યતા અનેકગણી વધી જશે .”

ઉપરનું વાક્ય જો ડોનાલ્ડ ટ્રમ્પ બોલે તો લોકો કદાચ માની લે કે ‘હશે ભઇ, તારી પાસે પૈસો છે તો તું આખી દુનિયાનેય બદલી શકે.’ પણ ઈ.સ. ૨૦૦૯માં એ વાક્ય ૩૯ વર્ષના અમેરિકન ઉદ્યોગ સાહસિક ટોની શેહ (Tony Hsieh) એ કોઇનીયે શેહશરમ રાખ્યા વિના સુપર-વિશ્વાસ ધરાવી જાહેર કર્યું ત્યારે કેટલાંક લોકોએ શરૂઆતમાં મજાક સમજી અવગણી હતી. પણ આજે ૧૦ વર્ષ બાદ લાસ-વેગાસના ડાઉનટાઉનની બદલાયેલી સિકલ જોઈ હવે ખુશ તો થયાં છે, પણ સાથેસાથે રડી પડ્યાં છે.

હવે તમને સવાલ થશે થશે કે ‘શહેરનો વિકાસ જોઈ લોકો શાં માટે રડી પડ્યાં છે?‘ – તો તેનો જવાબ આપવા સૌને ટોનીના ૨૦ વર્ષ અગાઉના ફ્લેશબેકમાં લઇ જાઉં છું. જ્યારે ટોની હાર્વડ યુનિવર્સીટીમાં કોમ્યુટર સાયન્સનું ગ્રેજ્યુએશન કરી રહ્યો હતો ત્યારે…

ત્યાંના છાત્રાલયમાં ૨૦ વર્ષની ઉંમરથી જ વિદ્યાર્થીઓ માટે જાતે જ પિત્ઝા બનાવી, વેચી તેના ધંધાદારી ધગશનો વિકાસ કરી સેલ્ફ-ફાઇનાન્સ કરી રહ્યો હતો. તેની સર્વિસ અને પિત્ઝાએ લોકોને એવાં મસ્ત લાગ્યાં કે તેના કસ્ટમર્સ પણ દોસ્ત બની ગયા. 

ને બસ એ વિશ્વાસના વહાણે ટોની બાપુએ કોમ્પ્યુટર સાયન્સના ભણવાનો સાગર તરી પ્રોફેશનલ ઝિન્દગીનાં ભવસાગરમાં ડૂબકી લગાવી લિંકએક્સચેન્જ.કોમ નામની વેબસાઇટની સ્થાપના કરી. જેમાં તેણે છાત્રાલયમાં બનેલાં દોસ્તોની મદદથી તે સાઈટ પર લોકોની સર્વિસને નજીવી રકમ લઇ એડવર્ટાઇઝિંગ બેનર્સ બનાવી આપવાનું શરુ કર્યું. 

નવું-નવું ઇન્ટરનેટ અને એમાંય ફરતું રહેતું એનિમેશન બેનર જોઈ અઢળક લોકોએ ટોની સાથે તેનો વેપારીક ફાયદો ઉઠાવ્યો. આ પ્રસિદ્ધિ જોતા જ માઈક્રોસોફ્ટે તેની આ કંપનીને ૨૬૫ મિલિયન ડોલર્સમાં ખરીદી લીઘી. (વર્ષ હતું: ૧૯૯૮). 

પછી શું થયું?

ટોનીભાઈ તો અઢળક કમાયેલા પૈસાના ડુંગર પર ઇન્વેસ્ટર બની પગ લંબાવી બેઠા. જયાં તેમની સાથે તેની કોલેજનો દોસ્ત-કસ્ટમર આલ્ફ્રેડ લિન પણ તલ્લીન થઇ બેઠો હતો. તે દરમિયાન એક શૂઝની એક  કંપનીના માલિક નિક વ્યક્તિ તરફથી એક ઈમેલ મળ્યો:

“અત્યારે ઓનલાઇન જૂતાંનો ધંધો કરવા જેવો છે. અઢળક કમાણી છે અને ઓનલાઇન સેલિંગનું માર્કેટ આવનાર વર્ષોમાં અનેકગણું વધવાનું છે. મારી કંપની ‘ઝૅપોઝ.કોમ‘ તમને ઈન્વેસ્ટ કરવાની ઓફર કરે છે.” (વર્ષ હતું: ૨૦૦૦). 

ફિર યહ હુવા કિ…

૨૦૦૯માં ઝૅપોઝની અદભૂત, હટકે, પાવરફૂલ, સુપર, વાહ !, અફલાતૂન, જબરદસ્ત જેવાં પાવરફૂલ શબ્દોથી રંગાયેલી પ્રૉડ્કટ્સ-રેન્જ, કલ્ચર, અને કસ્ટમર સર્વિસમાં ખૂંપેલી વિશ્વસનીયતા જોઈને ઝૅપોઝ.કોમને પણ એમેઝોન.કોમ ૧.૨ બિલિયનમાં ખરીદી જ લે એમાં નવાઈ થોડી લાગે?

ચંદ ડોલર્સથી શરુ કરી, કરોડોમાંથી પસાર થઇ અબજોમાં આળોટી નાખનાર ટોનીએ એ બસ વર્ષે જ જાહેર કર્યું કે લાસ-વેગાસને હવે અમે ડેવેલોપ કરીશું. અને થયું પણ એવું જ. તેની હાઇપર વિશ્વસનીયતાના જોરે આજે લાસવેગાસના ડાઉનટાઉનને અનોખો ઓપ મળી રહ્યો છે. પણ…

હાય રે ! ટોની શેહ ૨૭મી નવેમ્બરે ૪૭માં વર્ષે આ (તો)ફાની દુનિયામાંથી વિદાય લઇ લીધી છે. એટલે જ તો તેના અઢળક ચાહકો અનહદ ખુશી લઇ રડી રહ્યાં છે.

તેથી જ સ્તો આજે હું ટોનીને એટલા માટે શ્રધ્ધાંજલી આપું છું કે…

  • તેણે મને તેના પુસ્તક ‘ડિલિવરિંગ હેપ્પીનેસ‘ દ્વારા ગમે તેવાં કપરાં સંજોગોમાં પણ ‘શાંત’ રહી, હેપી રહી સોલ્યુશન મેળવવાની તાકાત આપી છે. 
  • તેણે ‘સાહસ કરવાની કોઈ સીમા હોતી નથી‘ એવી જણાવી જીવી બતાવ્યું છે.
  • તેણે સર્વ-શ્રેષ્ઠ કસ્ટમર સર્વિસમાં ‘શ્રેષ્ઠતા’ને પણ ઘણી ઊંચી આંબી બતાવી છે. (કઈ રીતે એ જાણવા તેનું પુસ્તક વાંચવું જ રહ્યું.)
  • વયને વ્યય કરવાને બદલે ‘જે કામ ખૂબ જ કરવું ગમે તેમાં બધાં જ અવયવ વાપરવા’.
  • દોસ્ત અને દોસ્તી એ જ દરેક સંબંધોની ‘ટકાઉ’ વ્યાખ્યા છે.

એવું ઘણું બધું શીખવી ગયો છે. આહ ! બહુ ભગ્ન હૃદયે આજે હું ‘અમેરિકામાં મને મળવા ગમે એવાં ૧૦ લોકો‘ માંથી તેનું નામ કમી કરી રહ્યો છું. પણ તેની યાદ દિલમાં તો કાયમ રહેવાની જ. શરૂઆતથી જ વસમું રહેલું ૨૦૨૦ નું વર્ષ ખબર નથી હજુ કેટલાં શૂરવીરોને એ તેની સાથે લેતું જશે?!

તમને પણ ટોનીની સુખ વહેંચવાની માસ્ટર ચાવી જોઈએ છે? આ લિંક પરથી મેળવી લ્યો:

સાહસ અને સમર્પણની 10 અમરકથાઓ: શૌર્ય

મુર્તઝા પટેલ … હર્ષલ પુષ્કર્ણા સાથે !

એક વ્યક્તિ 14મી ફેબ્રુઆરી 2019ના દિવસે બનેલી પુલવામાની ઘટનાથી હચમચી જાય છે. ધ્રુસકે-ધ્રુસકે રડી પડે, ઉરથી ભાંગી પડે છે. ખિન્ન થઇ લાંબા કલાકો સુધી મોંમાં કોળિયો પણ ઉતારી શકતો નથી.

છતાંય આદત મુજબ મજબૂરીથી મન-મગજને શાંત કરી પ્રણ કરે છે કે દેશના સપૂતો માટે એવું કાંઈક લખવું છે, જણાવવું છે, બતાવવું છે કે જાણનારને પણ તેની જેમ દિલમાં સખ્ત દર્દ અનુભવાય, આંખોમાંથી જાણે લોહીના આંસુઓ વહે. તે ઘટનાથી સમસમી ગયેલા એ વગર યુનિફોર્મવાળા સિવિલ-સૈનિકને પહેલા તો હું ‘હર્ષલ’ જ કહું. (ને પછી જરૂરી લાગે તો જ તેની આગળ પુષ્કર્ણા અટકને ઉમેરુ.)

કારણકે જે વ્યક્તિ પાછલાં વીસથી પણ વધારે વર્ષોથી પોતાનું તન-મન-ધન (ખાસ તો દેશની વિવિધ સમસ્યાઓને) વિવિધ લેખો દ્વારા વતનની સેવામાં ખર્ચતી હોય. દેશના સપૂતોની સાથે દિવસો સુધી સીમા પર તેમની ઝીંદગીનો અનુભવ મેળવવા મથતી હોય. જેનો હાથ રગેરગમાંથી વહેતી દેશભક્તિને શબ્દો દ્વારા અદભૂત કથાઓ કરવાની ત્રેવડ ધરાવતી હોય, તેમને એમ ન પૂછાય કે “દેશભક્તિ એટલે શું?”અને તેથી જ સ્તો હવે 14મી ફેબ્રુઆરી 2020ના દિવસે ગર્ભસ્થ થયેલુંઅને જસ્ટ જન્મેલું નવું પુસ્તક લઇ આવ્યા છે: “શૌર્ય”

હવે જો તમારી પાસે 11 મિનિટ્સનો સમય હોય, રિલેક્સ્ડ હોવ પણ જબ્બરદસ્ત મોટિવેશન મેળવવાના મૂડમાં હોવ. અને સાથે ચાહ- કૉફી કે જ્યુસનો કપ હોય તો આજના દિવસે એ જાઁબાઝ લોકોની વાત જણાવવી છે.

કોણ છે એ લોકો, ક્યાં છે અને શું છે એ લોકો વિશે? જાણવું હોય તો નીચે મુજબની લિંક પરથી PDF ફાઈલ ડાઉનલોડ કરવી પડશે. કારણકે વાત બહુ અગત્યની અને લાંબી છે.

http://bit.ly/ShauryaReview

મુર્તઝા પટેલના જય ભારત !

બોલો તમને શરુ કરવું ગમશે?

આજની આ પોસ્ટ એ લોકો માટે છે….

👉 જેમની પાસે ઓલરેડી નાનકડી પણ મધમધતી શૉપ છે. (એક્સેલન્ટ !)

👉જેમની પાસે બહુચ્ચ મોટ્ટી ધમધમતી તોપ (ઓહ સોરી શોપ) છે. (ક્યા બાત હૈ !)

👉 જેમની પાસે એક્સ્ટ્રા રિટેઇલ-શૉપ તો છે, પણ બંધ પડી છે. (નો પ્રોબ્લેમ !)

👉 જેમની પાસે મોટી લાગતી દુકાન તો છે, પણ ‘ઘરાકી બવ ઠંડી’ છે. (વાંધો નહિ લ્યા !)

👉 જેમની પાસે દુકાન તો નથી, પણ પોતાની ધંધાર્થી જગ્યા ફાજલ પડી છે. (મીની ગોડાઉન યુ સી)

👉 જેમની પાસે દુકાન તો નથી, પણ ભાડે લીધેલી જગ્યા એમને એમ પડી છે.(ગુડ !)

👉 જેમની પાસે દુકાન પણ નથી, ફાજલ જગ્યાયે નથી. પણ પોતાની ગાડી છે. (ટુ- વિહ્લર હોં!) અને

👉 જેમને ઉપર મુજબ કશુંયે નથી છતાં એમની ‘સ્માર્ટનેસ’થી એડિશનલ કમાણી કરવા માંગે છે. (આહા ! યેહ હુઈ ના બાત !)

તે સૌ માટે એમેઝોન.ઇન્ડિયાએ ‘આઈ હેવ સ્પેસ’ (મારી પાસે જગ્યા છે.) પ્રોગ્રામ હેઠળ એ સૌને બ્યુગલ ફૂંક્યા વિના (ખાસ તો આવનારી ફેસ્ટિવલ સિઝનમાં) કમાણી કરવાનું એલાન કર્યું છે.

(બોલો ! એમને કેટલો બધો હાઇપર વિશ્વાસ હશે કે ગમે તેટલી મુશ્કેલીઓ આવે છતાં આપણો ધંધો તો ઓનલાઇન બી હાલવાનો બાપલ્યા !)

હા તો…એમાં સિમ્પલી એવું છે કેએક વાર ઓનલાઇન રજીસ્ટર્ડ થઇ “ઓ ભાઈ, આપણી પાસે જગ્યા છે હોં”એવું તેમને જણાવવાનું છે. તેમાં જણાવેલ કોન્ટેક નમ્બર પર તેમનો ઓફિસર તમારી યોગ્યતાને ધોરણે બધું કન્ફર્મ કર્યા બાદ તમને નાનકડી ટ્રેઇનિંગ આપશે અને શીખવશે કે એમેઝોનની ઓનલાઇન ડિલિવરી સિસ્ટમમાં તમે કઇ રીતે ઓપરેટ કરી શકશો.

હવે તમારી આસપાસના ૩ કિ.મીના વિસ્તારમાંથી જે કસ્ટમર્સને એમેઝોનથી ઓર્ડર આપ્યા બાદ (કોઈ કારણોસર તેમના ઘરે ડાયરેક્ટ ડિલિવરી ન લેવી હોય) તમારી દુકાનેથી પાર્સલ પિક-અપ કરવું હોય તો કરી શકશે.

ઉપરાંત એવાંય કસ્ટમર્સ હોય જેમને ઈચ્છા હોય કે કોઈ ડિલિવરી-મેનતેમના ત્યાં ન આવે, ત્યારે તમને એ વિશ્વાસે ડિલિવરીનું કામ પણ સોંપવામાં આવી શકે. જેમાં શક્ય હોય તો તમે જાતે ચાલી ને કે તમારી ગાડી દ્વારા પાર્સલ પહોંચાડી શકો છો.

હવે સવાલ એ કે આમાં કમાણી કેટલી થશે? (એમ કો’ને યાર ‘આમાં મારા કેટલાં ટકા?) – તો એ માટે એમેઝોન ટ્રેઇનિંગ અને રજીસ્ટ્રેશન વખતે જ (લોકેશન મુજબ) જણાવી શકશે.

⚠️ ખાસ ચેતવણી-૧ : થોડાંક નવરા બેસી રહેનાર પણ આ કામમાં એક દિવસમાં ચાહ-પાણી-નાસ્તા અને બેટાણું મસ્ત રીતે કરી શકશે…ગેરેન્ટેડ)!)

⚠️ ખાસ ચેતવણી-૨ : સાવ જ નવરા બેસી રહેનાર આ પોસ્ટ વાંચીને આદત મુજબ પાછા સુઈ જઇ શકે છે.)

તો હે પ્રોફેશનલ પાર્થ ! બીજી ગામની પંચાતો મૂક બાજુએ અને ચડાવ તારી બાંય આ લિંક પર: https://amzn.to/2GEBjIC

ઓવર એન્ડ આઉટ!

આઈડિયાકોચ મુર્તઝાના
રોકડાં સલામ.

બોનસ પોઇન્ટ:

એમેઝોન તો ગંજાવર ખજાનો છે. તેનાથી આવી બીજી ઘણી રીતે કમાણી કરી શકાય છે. જાણવા છે એવાં બીજાં ઝક્કાસ આઈડિયા? તો અત્યારે જ આ લિંક પર સબસ્ક્રાઇબ કરાવી લેજો:
http://eepurl.com/cnsOHT

થોડાંમાં ઘણું !… ફરી વાર

 

થોડાંમાં ઘણું પુસ્તક

“જેમ માણસને શારીરિક રીતે સ્વસ્થ રહેવા માટે નિયમિત સ્નાન કરવું જરૂરી છે, તે જ રીતે મનને સ્વસ્થ રાખવા નિયમિત મોટિવેશનની જરૂર પડે છે.”

હાશ! સારું છે કે આ ક્વોટ મારા નામે નથી થયો. પણ કોઈક મોટિવેશનલ મહારાજે ક્યાંક કહ્યો છે, એવું માની લઈએ. બાકી હું તો મોટિવેશનને સ્નાન સાથે નહીં, પણ સાબુ (અને સા.બુ. પણ) જોડે સરખાઉ છું. યસ! સાબુ વગર સ્નાન તો કરી જ શકાય છે, પણ સાબુ કી અસર ‘આહ! કુછ ઔર હી હૈ ! આદમી ફ્રેશ હી નહીં, રિફ્રેશિંગ હો જતા હૈ બંધુ.

જો આપણો મોટીવ (હેતુ) લાઈફમાં કૈંક મસ્ત જ કરતા રહેવાનો હોય, તો મોટીવેશનની ખોજ કરવાની જરૂર પડતી નથી. કુદરત તરફથી તે આપોઆપ મળતું રહે છે…..સમયસર અને માપસર. છતાંય આપણી (આળસીક) આદત તો રહે જ છે કે નાનકડાં પગલાં ભરવા માટે પણ કોઈક આવીને સતત આપણને કિક મારતું રહે.

ગયા વર્ષે આજ તારીખે આઈડિયા પેટી-૨’ ઇ-બુક લોન્ચ કરી હતી. અને હવે આજે ‘થોડાંમાં ઘણું-૨’ લોન્ચ કરું છું. પ્રથમ ભાગનું સફળ સેલ્ફ-પબ્લિશિંગ કર્યા બાદ ભાગ-૨માં બીજાં અવનવાં લેખો, વાર્તાઓ અને વાતો ભરીને પડી છે. 

જેમાં કોઈક મધરાતે દિમાગમાં ઉપસેલી વાર્તાનું લેખન છે, તો ક્યારેક કોઈ સ્વજન દ્વારા કહેવાયેલી ઘટનાનું આલેખન છે. ક્યાંક થયેલા અનુભવને થોડો ટ્વિસ્ટ આપી મુકાયેલો કોઈ ‘સંદેશો’ છે. તો ક્યાંક કોઈકની સાથે ઓનલાઇન ચેટિંગ દરમિયાન ચમકેલો પોઇન્ટ છે.ટૂંકમાં, આમાંથી તમને જેમ ‘પ્રેરણા’ લેવી હોય એ રીતે ‘ગોટી’ કાઢજો. આખરે એ પણ તો નાનકડાં સાબુ જેવી ઈબૂકી જ છે ને. ગેરેન્ટી એટલી કે એમાં રહેલી વાતો તમને ક્યાંક જામશે અને ક્યાંક બહુઉઉચ્ચ ગમશે. ને મજ્જાની વાત એ છે કે ઓલમોસ્ટ સૌ તેને એકી બેઠકે વાંચી શકશે. (પણ મનન માટે ટાઈમ લાગશે.)

એટલે જ આ વખતે તેને થોડીક વધુ સહેલાઈથી મેળવી શકાય એ માટે બે અલગ અલગ પ્લેટફોર્મ્સ પર લોન્ચ કરી છે.

  • હવે તમારી પાસે જો એમેઝોન કિન્ડલ અનલિમિટેડનું સબ્સ્ક્રિપશન ઓલરેડી હશે તો તમે અત્યારે પણ ઇન્સ્ટન્ટ ડાઉનલોડ કરી શકશો….ઓફકોર્સ સાવ મફતમાં ! આ લિંક પરથી: https://amzn.to/3hOJYpw  
  •  અને જો કલરફૂલ ફોર્મેટવાળી PDFમાં જોઈએ તો ફક્ત રૂ.૯૭/- આપી ડાયરેક્ટ ડાઉનલોડ કરી શકશો.

આ લિંક પર: https://gumroad.com/l/sZTXS

આઈડિયા કે જોશ સે બચ કર તુમ કહાં જાઓગે?

IDEA PETI Printed Book

💡 સમયસર ગાડી ન મળે અને ખીજ ચડે પછી મોબાઈલ દ્વારા મિનિટ્સમાં જ ઉંબરે-આંગણે પણ ટેક્સી આવી ઉભી થઇ જાય તેવું આઇડિયલ સૉલ્યુશન લઇ આવવામાં આવે ત્યારે ઉબરનું સર્જન થાય.

💡 હોટેલથી કંટાળી તે સિવાયના મનગમતા-ખુશનુમા સ્થાને કે સ્થળે રહેવા મળે તો કેવું?- એવું વિચારનાર વ્યક્તિ ઍર-બી-એન-બીનું સર્જન કરી શકે છે.

💡 ખુદને ગમતાં ડાયલોગ્સ, સોન્ગ્સ કે ડાન્સને સેકન્ડમાં બતાવવાની ચળ ઉપડે ત્યારે ટિક્ટોક (મ્યુઝીકલી) એપ સર્જાય.

💡 સમય કરતા થોડું મોડા અને એ પણ ‘સાવ બેક્કાર ટેસ્ટ’ વાળું ખાવાનું મળ્યું હોય તેના બળવા રૂપે નજીકથી પણ ઘર જેવું ખાવાનું મિનિટ્સમાં મેળવી આપતું સૉલ્યુશન ઝોમાટો કે સ્વિગી રૂપે બહાર આવે ત્યારે…

બહુ લાંબુ વિચાર્યા વિના સમજી શકાય કે પ્રૉબ્લેમ એ જ સોલ્યુશનનો દરવાજો છે. અને આઈડિયા તેનું મૂળ છે.

આપણે સૌ અત્યારે ડગલે-પગલે આઈડિયા ઈકોનોમીમાં જીવી રહ્યાં છે અને હજુ લાંબો સમય તેમાં જીવીને ચાલવાનું છે. જે જીવનને જુગાર કરતા પણ જુગાડ તરીકે જુએ છે તે એટ-લિસ્ટ ગુમાવવાને બદલે બેશક! બિંદાસ્ત કમાણી કરી જ શકે છે.

‘આઈડિયા’ નામના શબ્દ સાથે મારી ઓફિશિયલ શાદી તો હું કુંવારો હતો ત્યારે જ થયેલી. 😛 પણ લખાણના લખ્ખણને લીધે બૂક રૂપે બાળક જન્માવવાની શરૂઆત હજુ 2-3 વર્ષ અગાઉ જ કરી છે. અને હવે આદત મુજબ ‘વસ્તાર વધારવાનું બહુવ્વચ્ચ મન’ છે. 😉

આ તો સારું થાજો કે ઍમૅઝૉન કિન્ડલે મારા બંને લેબર પેઈન ‘આઈડિયા પેટી’ તરીકે ખમી લીધાં. પણ પછી થયું કે આપણી પ્રજા હજુયે પ્રિન્ટેડ ખુશ્બોદાર પાનાંઓને વધારે પ્રાધાન્ય આપે છે. એટલે તે બે ભાગવાળી કિન્ડલ બૂક્સને 14 ચેપટર્સ સાથે કંબાઇન્ડ કરી પ્રિન્ટેડ ફોર્મેટમાં બૂકી રૂપે હવે રી-લોન્ચ કરી રહ્યો છું. જેમાં તમને મળી શકે:

💡 કૉફીના કૂચામાંથી પણ ખાઈ શકાય એવી કપ-રકાબી કેમ બનાવવી?- (કૉફી તો માત્ર એક બહાનું છે. તેની અંદર કાંઈક બીજું જાણવા ચેપ્ટર-6 જોઈ લેવું.)

💡 તમારી ટ્રાવેલિંગ એજન્સી હોય તો તમે એવું શું અનોખું કરી શકો કે જેથી લોકો ગમ્મત સાથે જ્ઞાન પણ મેળવી શકે? ( ચેપ્ટર-7 માં સિમ્પલ સોલ્યુશન છે.)

💡 બહુ મોટા ભારને ઉંચકી શકતી એક સાવ હલકી વસ્તુ તમારી નવી કરિયર પણ ઊંચી લાવી શકે છે. (કઈ રીતે? તો ચેપ્ટર-9 કહી શકે.)

💡 તમને નવી જૉબમાં સાવ નોખા બનવું છે? (તો પછી ચેપ્ટર-12ને બહાર કાઢવું જ પડશે. કારણકે આ બાબતે બોલે તો બંદા પણ ગાઈડ કરવામાં માસ્ટર છે.)

શક્ય છે કદાચ તમે પણ 60 મિનિટ્સની અંદર જ 60 પેઇજની આખી બૂકી ‘પતાવી’ દેશો. પણ મારું માનવું છે કે અંદરથી બહાર આવેલાં કોઈ એક આઈડિયાને એક્ટિવ કરવા તમારું પાણી ઉતરી શકે છે. પણ ટીપે-ટીપે સરોવર ભરાય વાળી વાતને બાજુ પર મૂકી ફકત ‘ડોલ’ પર ફોકસશો તો નવી દિશા અને દશા મળશે. અને એ માટે આ ‘તમાર મુર્તજા ભ’ઈ હાજર છે જ ને બાપલ્યા !”

તો હવે માત્ર બૂક નહિ, પણ તેમાં રહેલાં આઈડિયાઝ ઘરે બેઠાં જ મેળવવા હોય તો (For 97/- Only) બેંક ટ્રાન્સફર અથવા PAYtm કરી શકો તો દરેકનું ભલું થવાની પુરી ગેરેન્ટી છે.

PayTm કરવા માટે: 6352365536

આઈડિયા કે જોશ સે બચ કર તુમ કહાં જાઓગે?

ચાલો હવે ચાલીએ..

Earn While You Walking With UniteSteps App…

આદત મુજબ આજે પણ બેસીને લાંબી ‘કથા’ કરવા કે સાંભળવાને બદલે ચાલતા-ચાલતા ‘થાક’ ઉતરે એવી એક લોન્ચિંગની વાત કરવી છે. કેમકે આ લખતી વખતે હાથ અને મગજ એકદમ સુપર ચાર્જ છે. હા તો….

🏃‍♂️તમે દરરોજ શરીરને ‘ચાર્જિંગ’ મળે એટલું ચાલો છો? કે પછી
🚶‍♀️તમે દરરોજ શરીરને ‘ચાર્જિંગ’ મળે એટલું ચાલી નથી શકતા?

નો પ્રૉબ્લેમ !

તો હવે આજથી (સવાર હોય કે સાંજ) તમારો મોબાઈલ તમને હસીખુશીથી ચાલવા કે ચાલતા રહેવા ધક્કો મારશે. એટલા માટે કે મેં અને મારા પાર્ટનરે (બસ યું હી સરેરાહ ચલતે ચલતે) એક આઈડિયા પર વૉકિંગ-ટૉકિંગ અને સ્ટોર્મિંગ કરતા રહી અથાક મહેનતથી મસ્ત ઇનોવેટિવ એન્ડ્રોઇડ મોબાઈલ-એપ પ્રોજેક્ટ તૈયાર કર્યો છે.

📱યૂનાઈટ-સ્ટેપ્સ:ચાલતા રહી કરો કમાણી.’

ખુદને શારીરિક બળ આપી માનસિક અને આર્થિક બૂસ્ટર મેળવી શકાય એવા બેઝ પર બનેલી આ સોશિયલ-વૉકિંગ એપ દ્વારા આપણે…

– માઈક્રો લેવલે મીની કમાણી કૅશ કરી શકીયે છે. 
– કમાયેલાં સિક્કાથી અંદર આવેલા સ્ટોરમાંથી ગમતી પ્રોડકટ્સ પર સુપર ડિસ્કાઉન્ટ પણ મેળવી શકાય છે. અને હા! 
– બીજાંવને આ એપ શેર કરીએ તો તેમની તરફથી પણ બોનસમાં મફ્ફત સ્ટેપ્સ પણ મેળવી શકાય છે.

આ તો હજુ એક પા પા પગલું ભર્યાની વાત છે. આગળ ધીમેધીમે અંદરથી નવું શેર કરતો રહીશ. તો હવે ‘ચાલ’વાની બાબતને આવા ડિજિટલ ‘ચાલક’ દ્વારા કોઈપણ ચાલબાજી કર્યા વિના ચલાવી શકાતી હોય પછી દોડવું શું કામ? તો ચાલો ઉપડો ચાલવા.

વધુ વિગતો અને એપને ડાઉનલોડ કરવા માટેની લિંક: http://bit.ly/UniteSteps

“બુઢ્ઢા હોગા તેરે બાપ કા બાપ !”

દસેક વર્ષ પહેલા ૧૨૫ કિલોના કોથળા જેટલું વજન લઈને હરિયાણાનો ૫૦+ વર્ષનો એ પ્રૌઢ તેના બગડેલાં શારીરિક, માનસિક અને સામાજિક પ્રૉબ્લેમ્સને કારણે ઈમોશનલ થઈને ફિઝીકલી તેના ફર્નિષ્ડ ફ્લેટની પથારીમાં પડી રહેલો.

હાથમાં ઊંચા હોદ્દાની જોબ અને કેશ તો હતી પણ તેમાંથી તેને કોઈ એવી ખુશીઓ મળતી ન હતી, જેની તેને ‘અંદરથી’ તલાશ હતી.

ઘણી બાબતોમાં એક ઘા ને બે કટકા કરવામાં માનતા એ બની ગયેલા ડોસાએ એવી પરિસ્થિતમાં બહુ લાંબુ વિચાર્યા વગર પત્નીને છૂટાછેડા આપી દીધા. પણ ખુદ્દારી, સેલ્ફ-રિસ્પેક્ટ્સ, ઈગો જેવાં વર્ચ્યૂલ ફેક્ટર્સ તેને વધારે માંદા બનાવી રહ્યા હતા.

‘દર્દ જબ હદ સે ગુઝરતા હૈ તો દવા હોતી હૈ.’ એવું જ આ બાપુની સાથે પણ થયું. નોકરી સિવાય પડ્યા પાથર્યા રહેલા આ અંદરથી ‘અર્જુન’ જેવાં દિનેશ મોહન પાસે બહારથી તેના બનેવી ખુદ ‘મોહન’ બનીને આવ્યા:

“ઓયે સાલે(સાબ) ચલો ખડે હો! ક્યા તુમ અપની ઝિંદગી કો ઐસે હી બરબાદ કરના ચાહતે હો યા ફિર કુછ ઐસા કામ કરના હૈ જો તુમ ચાહતે હો?”

જાણે જીવનની રણભૂમિમાં કૃષ્ણનું આહવાન મળ્યું હોય એમ એ ઘડીથી દિનેશબાબુએ ધાબળા સાથે પથારી, આળસ, માંદગી, પાછલી યાદો અને તેનું માનસિક બુઢ્ઢાપણું પણ ત્યાગી દીધું. શરુ થઇ નવી ઝિંદગી નવો દાવ.

બચેલા પૈસામાંથી જાતનું Rejuvenate, મનનું Management અને મગજનું Refreshment શરુ થયું. દરેક પ્રકારની કસરત શરુ કરી ૬૦માં વર્ષે શરીમાં ઘુસેલા એ સફેદ વૃદ્ધત્વને ૮૦ કિલો જેવી યુવાનીમાં ટ્રાન્સફોર્મ કરી. એટલે બોડી બન્યું સાંઠા જેવું સેક્સી અને ગાલ ઉપર પડેલી સફેદી એ પણ બતાવ્યો ચમકાર.

પડોશમાં જ રહેતા એક પત્રકાર દોસ્તે આવાં ટ્રાન્સ્ફોર્મડ થયેલા દિનેશઅંકલના Before & After ફોટોગ્રાફ્સ એક મેગેઝીનના લેખ માટે લીધા. જે આડકતરે પહોંચ્યા કોઈક એડ-એજન્સીમાં. ફિર ક્યા હુવા?

જેમ બચ્ચન સાહેબ ફૅશનશોમાં રેમ્પવૉક કરી એન્ટરટેઇન્મેન્ટની પણ કડક પથારી નરમ કરી શકે, તેમ આ મોહન સાહેબે પણ મોડેલિંગમાં ખુદની પથારી સાચે જ ‘ફેરવી’ દીધી છે. જોબમાંથી રિટાયર્ડ થઇ સિનિયર સિટિઝન મોડેલિંગમાં તેઓ તકને ટ્રાન્સફોર્મ કરી માન, મની અને મોભો મેળવી રહ્યા છે.

હવે ભૂલેચૂકે કોઈ એમને બુઢ્ઢો કહે તો એમની તરફથી “બુઢ્ઢા હોગા તેરે બાપ કા બાપ !” સાંભળવાની પણ તૈયારી રાખજો ભઇ’શાબ! એટલે જ એમના યંગમાઈન્ડની જેવી મનમોહક કહાનીની વિડીયો લિંક કોમેન્ટ બોક્સમાં મૂકી છે. જે ઘણું બધું જણાવી શકશે.

મનમોહક મોરલો:

सफ़ेद दाढ़ी, सफ़ेद मूँछ,
मैं क्या हूँ यह मत पूछ |”

– मुर्तज़ा ‘अलफ़न’

(Photo Credit JoshTalks )

એક ખરેખરી ‘સર્જિકલ’ સ્ટ્રાઈક !

Elizabeth McLellan, founder of Partners for World Health.
Elizabeth McLellan, founder of Partners for World Health.
(Photo Credit: pressherald.com)

બીજાઓ માટે જીવતી વ્યક્તિઓનું જીવન સાર્થક સાબિત થતું હોય છે.

અમેરિકાની એક નર્સ રિટાયર થઈ એ પછી તેને વિચાર આવ્યો કે હવે શું કરવું જોઈએ ત્યારે…

(ઈજિપ્તમાં રહેતા મિત્ર મુર્તઝા પટેલના સૌજન્ય સાથે એક અનોખી અમેરિકન મહિલાની વાત વાચકો સાથે શૅર કરવી છે. જીવનને એક ઉત્સવ સમાન ગણતા સાહિત્યપ્રેમી મુર્તઝા પટેલ આ કોલમ માટે અગાઉ પણ કેટલીક અનોખી અને અલગારી વ્યક્તિઓની જિન્દગીની વાતો લઈ આવ્યા છે.)

વાત છે પાર્ટનર્સ ફોર વર્લ્ડ હેલ્થ સંસ્થાની સ્થાપક એલિઝાબેથ મેકલેલનની.

એલિઝાબેથ ભણતી હતી એ દરમિયાન બોસ્ટનના એક સ્ટૉરમાં સેલ્સગર્લ તરીકે કોસ્ચ્યુમ જ્વેલરી વેચતી હતી, પણ તેની માતાએ તેને કહ્યું કે તું નર્સિંગનો અભ્યાસ કર.

માતાની વાત માનીને એલિઝાબેથે નર્સિંગનો અભ્યાસ કર્યો અને પછી તેણે પોર્ટલૅન્ડના મેઈન મેડિકલ સેન્ટરમાં નર્સ તરીકે નોકરી મેળવી. એ હોસ્પિટલમાં છ હજાર કર્મચારીઓ ફરજ બજાવતા હતા. એલિઝાબેથને નર્સ તરીકે ફરજ બજાવવામાં રસ પડવા લાગ્યો. વર્ષો પછી તે એ હોસ્પિટલમાં નર્સિંગ એડનિસ્ટ્રેટર બની. હસતા ચહેરા અને ઋજુ હ્રદયવાળી આ અનોખી સ્ત્રીએ તેની મોટા ભાગની જિંદગી અમેરિકાના પોર્ટલેન્ડની હોસ્પિટલમાં નર્સ અને નર્સિંગ એડમિનિસ્ટ્રેટર તરીકે વિતાવી.

67 વર્ષીય એલિઝાબેથ ચાલીસ વર્ષની તેની નર્સિંગ કરીઅર દરમિયાન ઘણાં દેશો ફરી આવી અને વિવિધ મેડિકલ કેમ્પ્સનુ સંચાલન કરી આવી. મેડિકલ ક્ષેત્રે કોને ક્યાં, શું શું અને કેટલી વસ્તુઓ જરૂરી છે તેની તેને ચાર દાયકાની કરીઅરમાં બરાબર સમજ પડી ગઈ હતી.

2007ના વર્ષ દરમિયાન જ્યારે અમેરિકન મેડિકલ એસોસિએશનના નિયમ પ્રમાણે એલિઝાબેથે રિટાયર થવાનો સમય આવ્યો ત્યારે તેને વિચાર આવ્યો કે રિટાયર થયા પછી પણ પોતે એવું શું કરવું જોઈએ કે જેનાથી દર્દીઓને મદદરૂપ બની શકાય?

એ વિચારો દરમિયાન તેના મનમાં વર્ષોથી દબાયેલો એક સેવાભાવી આઈડિયા બહાર આવ્યો. એ આઈડિયા અમલમાં મૂકવાનો સમય આવ્યો છે એવું તેને લાગ્યું.

નર્સિંગના કામ દરમ્યાન તેણે જોયું હતું કે તેની હોસ્પિટલ અને બીજા મેડિકલ કેમ્પસમાં ઓપરેશન પછી ઘણી એવી વણવપરાયેલી મેડિકલ સપ્લાય (જેમ કે સોય, ટ્યુબ્સ, ગ્લોવ્ઝ, રૂ, ટિશ્યુઝ તેમજ જરૂરી ત્વરિત દવાઓ)ને સરકારી મેડિકલના નિયમ અનુસાર કાં તો ડિસ્પોઝ કરવામાં આવતી અથવા સપ્લાય કરતી કંપનીને પાછી મોકલી દેવામાં આવતી.

જેનું લગભગ રિસાયક્લિંગ જ કરવામાં આવતું. વિશાળ મેઈન હોસ્પિટલમાંથી જ એ રીતે કેટલી બધી વણવપરાયેલી વસ્તુઓ ક્યાં તો ડિસ્પોઝ કરાતી અથવા તો સપ્લાય કરતી કંપનીને પાછી મોકલી દેવાતી.

એલિઝાબેથ આ બધી જ વધેલી વસ્તુઓ (મેડિકલ અને ર્સજિકલ સપ્લાય)નો બેસ્ટ ઉપયોગ કરવામાં માનતી પણ વળાવેલી દીકરીની જેમ તે હંમેશા આ વસ્તુઓને જોઈ રહેતી. નિવૃત્ત થતી વખતે હોસ્પિટલમાંથી નીકળતા અગાઉ તેણે જાણી લીધું કે કઈ કઈ કંપનીઓ આ બધી વસ્તુઓ ફેંકવામાં અથવા પાછી લઇ લેવામાં માને છે.

એલિઝાબેથ મેકલેલને પૂરી તૈયારીઓ કર્યા પછી એક અનોખી સંસ્થા શરૂ કરી અને એનું નામ રાખ્યું: પાર્ટનર્સ ફોર વર્લ્ડ હેલ્થ. તેણે એક નાનકડા રૂમમાંથી આ સંસ્થા શરૂ કરી. તેણે જુદીજુદી મેડિકલ ઈન્સ્તિત્યુટ્સ પાસેથી અન્યુઝ્ડ મેડિકલ સપ્લાય મેળવીને ગરીબ દેશોમાં મોકલવાનું શરૂ કર્યું. ધીમેધીમે તેની સંસ્થાની પ્રવ્રુત્તિ વિસ્તરતી ગઈ.

તેની આ સંસ્થા થકી આજે એલિઝાબેથ એવાં દેશોમાં રહેલી મેડિકલ સેવા સંસ્થાઓને ખૂબ જ નજીવા દરે અથવા તો મફત દરેક પ્રકારની મેડિકલ સપ્લાયઝ પુરી પાડે છે. તેની સંસ્થા દર મહિને પન્દર હજાર પાઉન્ડથી વધુ મેડિકલ સપ્લાય મફતમાં આફ્રિકન દેશોમાં, દક્ષિણ-પૂર્વ એશિયાના દેશોમાં અને મિડલ ઈસ્ટ કંટ્રીઝમાં મોકલાવે છે. એના શિપમેન્ટનો ખર્ચ એ દેશોની જે-તે મેડિકલ સંસ્થાઓ ચૂકવે છે.

ઘણા અતિ ગરીબ દેશોની મેડિકલ સંસ્થાઓ એ મેડિકલ સપ્લાય મગાવવાનો ખર્ચ પણ ના કરી શકે તો એલિઝાબેથની સંસ્થા પાર્ટનર્સ ફોર વર્લ્ડ હેલ્થ દાન માગીને મળેલી રકમમાંથી એ મેડિકલ સપ્લાય જે-તે દેશમાં પહોંચાડવાનો ખર્ચ પણ ભોગવે છે. એક તરફ જુદી-જુદી હોસ્પિટલ્સમાંથી નીકળતો વધેલો ચોખ્ખો સામાન કન્ટેનર્સમાં ફિટ થાય અને બીજી તરફ કોઈક જરૂરિયાતમંદ સંસ્થામાં શિફ્ટ થાય. ઘણા કોલેજિયન યુવક-યુવતીઓ પણ આ પ્રવ્રુત્તિમાં એલિઝાબેથને મદદરૂપ થવા લાગ્યા.

એલિઝાબેથે નાનકડા રૂમમાંથી શરુ કરેલી આ સેવા હવે એક દાયકામાં મસમોટ્ટાં વેરહાઉસમાં ફેરવાઈ ચૂકી છે. પન્દર હજાર ફૂટના તેના વેરહાઉસની જગ્યા પણ તેને હવે નાની પડે છે. તેની સંસ્થાને મેડિકલ સપ્લાય પૂરો પાડનારી સંસ્થાઓની સંખ્યા વધતી જાય છે અને એની સામે તેની સંસ્થા વધુ ને વધુ મેડિકલ સેવા સંસ્થાઓને મેડિકલ સપ્લાય પૂરો પાડતી જાય છે. 68 વર્ષની ઉંમરે પણ એલિઝાબેથ થાક્યા વિના સતત તેની સંસ્થાની પર્વ્રુત્તિમાં વ્યસ્ત રહે છે.

એલિઝાબેથની સંસ્થા ગરીબ દેશોમાં માત્ર મેડિકલ સપ્લાય પહોંચાડીને જ સંતોષ નથી માનતી. તે દર વર્ષે અનેક ગરીબ દેશોમાં મોટા-મોટા મેડિકલ કેમ્પ કરે છે અને એમાં તે તેની સંસ્થા સાથે સંકળાયેલા ડૉક્ટર્સ અને નર્સીસ સાથે પહોંચી જાય છે અને ગરીબ દર્દીઓની મફત સારવાર કરે છે. રિટાયર થતા અગાઉ એલિઝાબેથ મેકલેલન જેટલા લોકોને મદદરૂપ બની હતી એના કરતા સેંકડો ગણા વધુ લોકોને મદદરૂપ બની રહી છે.

મૂળ આર્ટિકલ: આશુભાઈ પટેલ દ્વારા મુંબઈ સમાચારમાં પબ્લિશ થયેલો ‘સુખનો પાસવર્ડ‘ માંથી।

(Photo Credit: pressherald.com )

બિનિતાબેન: ઉબરની એક ઉભરતી વનિતા!

Binitaben: The First Woman Driver of Uber in Ahmedabad.
Binitaben: The First Woman Driver of Uber in Ahmedabad.

ખાસ કરીને ઘરેલુ સ્ત્રીઓના દિમાગને તરરર કરતી મસ્તમ મુવી આવીને ચાલી ગઈ: ‘તુમ્હારી સુલુ.’

ફિલ્મ જોયા પછી કેટલી સ્ત્રીઓને તેમનામાં રહેલા ‘એમ્પાવરમેન્ટ’ને બહાર લાવવાની અને કાંઈક કરી બતાવવાની ચળ ઉપડી હશે? એ પ્રશ્ન બાજુ પર રાખીયે. અને ‘સુલુ’ને સાચે જ પકડીને સશક્તિકરણનું મજબૂતી ઉદાહરણ બતાવનાર (ફોટોમાં રહેલા) ગઈકાલે મને મળી ગયેલા બિનિતાબેનને જાણીયે.

અમદાવાદના સૌ પ્રથમ સ્ત્રી ઉબર કાર ડ્રાઇવરી સર્વિસ (આઈ મીન કેબ ઓપરેટર) તરીકે બિનીતાબેને ‘સમાજ અને દુનિયા જાય તેલ લેવા’ના ધોરણે અપનાવી છે.

ખાધે-પીધે સુખી પરિવાર પર અચાનક મુશેક્લીઓનો હોલસેલમાં માર પડે ત્યારે બેશક! કોઈપણ થોડો સમય માટે હલી જાય. પણ બિનીતાબેને દર્દનું કળ વળતા જ સાચે જ ‘હાલી નીકળ્યા’.

તેમના પતિદેવને બ્રેઈન-સ્ટ્રોક્સને લીધે ઊંચા હોદ્દાની કોર્પોરેટ જોબમાંથી મળેલા પાણીચા અને બંને સ્કોલર દીકરીઓના કેરિયરની ગાડીને પાટે ચડાવવા થોડાં અરસા માટે સાસુ સાથે હળીમળી ઇન્સ્ટન્ટ ફૂડ પાર્લર શરુ તો કર્યું. પણ ઇન્સ્ટન્ટ કેશ ન દેખાઈ.

છતાંય પ્રોબ્લેમ પર નહિ, પરંતુ સોલ્યુશન પર રિયર-મિરરને ફોકર કરી ઓપશન્સ શોધ્યા તો ઉબર નું ઓપશન ઉંબરે દેખાયું. લગભગ વર્ષ પહેલા એપ્લાય કર્યું તો ઉબરવાળાઓ પણ તેમના પેશનને પોંન્ખવા સામેથી આવ્યા. એટલે બિનીતાબેને બંગલાના ઝાંપે રેંઢી રહેલી તેમની ખુદની હોન્ડા સીટી પરથી ધૂળ ખસાવી જાતે ડ્રાઇવિંગ શરુ કર્યું.

(બે પૈસા નંય ભૈશાબ પણ) વીસ પૈસા દેખાયા એટલે બિછાને પડેલા પતિદેવે પણ ખુદને ધક્કો (કિક ઓન ફૂલા યુ સી 😉 ) માર્યો અને બીજી ગાડી લઇ આવી ઉબરની સાથે ઓલાને પણ રાખી નોકરી શબ્દને તેલ લેવા મોકલી દીધો. આજે બંને દંપતી ખુદના દમ પર “હેય ઝહલસા છે હોં!” કહી રહ્યા છે.

ગઈકાલે મેં એમને પૂછ્યું: “કોઈક સગાવહાલાંનો કોલ આવે તો કેવી લાગણી થાય?”
“જરાયે શરમાયા વિના ગાડીમાં લઇ જાઉં. આખરે તો એમની પાસેથી પણ કમાણી કરવાની જ હોય ને!” – કહી સ્માઈલ સાથે તેમના ઘરે ચાહ પીવા ઉપડી ગયા.

તમારામાંથી કોઈને જ્યારે આ બિનીતાબેન મળે ત્યારે તેમનો હસતો-ખીલતો ચહેરો જોઈ આપોઆપ જવાબ મળી જશે કે તેમની સાથે કેટલાંયની ‘ગાડી હાઇવે પર’ દોડી શકે છે.